一段時間無寫日記~哈哈~ 唔係江郎才盡.而係真係無時間. 忙碌於港深兩地. 辛苦之餘看到有啲成績.覺都幾安慰.妹由澳洲返左來幾日.一大早就響起我既手機,不改其響亮既聲線.以及不可模仿既招牌笑聲.對於我來講係驚喜!亦因為之前同拒吵得太多.感情在未為意間磨損左.就算表面上我們感情依舊, 其實在不知覺中已有起了好大既變化.又或許~我們生活在兩個完全唔同既環境.面對唔同既事同物.各自有著唔同既生活圈子..   改變...已經係一樣必然既事,無咩大驚小怪.

   日記既空間,記錄左我既部分生活,記錄左我既部分態度,說錄左我既部分記憶~依度有我既睇法,有我既感情, 有我既存在,只係當中,可以睇到我既幾多呢?奇怪既,我地好多時會睇到啲野既時候,不自覺地綜合左自己既價值觀或者經驗,然後得出結論.然而,我地所睇到既事可能好小好小...小到根本唔可以作出客觀既結論.係我地都係可以去估,去猜~然後在未估到時,信誓旦旦甘覺得事情係同自己想像既一樣.我覺得無咩意義.但卻係好多人都鍾意去甘做.

   另一樣野想講下既就係"睇人"睇人係一樣好奇怪同好有趣既事.人可以將自己隱藏得好好~又唔可以話係扮野既.所以睇人既時候唔可以單靠外表.或少都係睇天生直覺.但係直覺歸直覺.仲未相處過,仲未接觸過,單靠睇係平較不切實際.一個人一生做過既事又何止千萬?每件事都可以睇出一個人唔同既性格.單單幾件事點樣可以睇出一個大概?人更唔係一張顏色紙.有一種或數種顏色.人係立體既.以片面去睇一個人,未免武斷左啲囉~