後生年輕既其中一個好處,係相信有無限既可能性.可以浪擲既青春幾甘悠長.有咩無可能發生呢?只要有一個異性對住你微笑.你就會相信自己同拒有發展既可能.在第二次見面之前..你已經將兩人之間幻想過無數次.即使最後落空.亦唔會沮喪~除左年輕人..又有邊個會把一個微笑唸到甘遙遠?

   今日我又去左考車啦~又肥左.未知結果之前..我仲抱住有法外開恩既可能性.事實當然係兩回事啦.泊位pass..路試衰左.一路回家巴士上眼紅紅甘囉=.+可能我仲係年輕瓜.傷心唔夠3小時.又忘記左剛才失敗帶來既痛.亦因為係年輕瓜.當我失戀既時候..我在悲觀亦會睇到一線曙光.有邊個敢話我聽日唔會遇到個更愛我既人呢?又有邊個可以話我下次會考唔到車牌呢?果個唔愛我既人係愚蠢的,話我考唔到車牌既人亦係無知.因為你唔可以抺殺我無限既可能性..你地唔可以唔知道我可以做得更好!!

   更因為係年輕.當才華比人賞識既時候,我馬上會變得雄心壯志.就會同自己講依個世界已經係我既~果個時候,無不可能既愛.更無考不到既車牌...亦無不可能既夢想.正因為我後生.我輸得起!

  自從我開左工廠..資金大量運輸過去.平時完全唔在乎既一千幾百銀.依家係我釣命既藥劑...好多朋友出之好意..都出言阻攔.當然只會有關心我愛護我既人先會甘做.好多謝你地.同時好抱歉.我唔會改變推前既決心.因為我好明白..只有年輕人先會有依種動力同固執~~

 年事漸長..當一個異性對你微笑既時候.你竟然會同自己講:"都係唔好胡思亂想了!"即使唔係甘.你都會好好考慮一下依個人係唔係適合你.Then 又同自己講:"其實每個人都差唔多.都係唔好自找煩惱"

  失戀既時候.你會埋怨點解唔一早失戀.你比以前了解愛情,亦因為睇得太透徹.有時會覺得疲倦同無望.事業亦因為年長..無左年輕時既鬥心.船頭怕鬼,船尾驚賊..拖拖拉拉已經滿頭白髮~到果時你唔再驕傲地以為個世界係你既.聽到人地讚美你既時候.你會懷疑係唔係在奉承你~

   一日..當我地驀然抬頭,見到時光之鳥無情飛過.振翅卻已轉弱,我地亦不得不承認,所有既可能性都有左限制~!