28號啦...仲有4日就9月囉~~
26,27號同姑媽..堂妹...一行9人跟團去長隆旅行
雖然跟團係平...不過真係冇自由行咁好
但係話晒都係伯伯請GE,,冇理由唔去~
不過今次都唔差GE,,係太趕,,好攰姐
都好好玩GE!!^^
講返哩兩日啦~~
26號...
勁勁勁早就起左身...天未光4點就起身整野
洗頭,,刷牙,,洗面,,換衫,,整好晒...5點3出門口
媽媽陪我出去搭火車過大埔
搵埋昕沂佢地...我跟佢地的士出尖沙咀
媽媽就返屋企luu~
6點3出到去...我地到左中港城先,,
去左大家樂食早餐,,等姑媽,,伯伯佢地黎
食完7點就去報到,,7點5上船
之後要坐兩個鐘船,,搭船其間係度同老公SMS
嘻嘻..老公同我整左有漫遊...
兩日都可以同老公傾計...
10點到...之後去左個地方,,
要聽D人廢UP...之後就去左食晏{金稻香}
前年黎過...間野整GE湯係最好味
因為大陸GE湯間間到會落足料..冇味精~
食完野,,就返酒店LUU...
今次住舊個邊GE長隆酒店...
返到房...放好晒D野就係自由活動時間啦
我地去左歡樂世界...玩左3粒鐘~
但係時間唔夠...冇玩到10橫...5點就走左返酒店
上次有玩到,,真係好好玩..諗住今次玩多次 
雖然今次唔夠時間玩,,不過都玩左好多野嫁啦
比起我上次黎,,玩多左啦,,
因為今次係長隆酒店GE住客...哈哈
   
6點就係酒店都食晚飯~
食完之後就去睇大馬戲...睇兩個鐘
9點睇完...返房一路睇電視一路食野...嘻嘻
食完...佢地就返房...昕沂就沖涼
我就睇電視+同老公傾電話....
點知佢兩姐妹都唔知點沖涼GE...
佢地可以沖到水浸咁...浸晒成個廁所~~
要幫手執手尾~~
之後就睇電視...同老公傾電話...傾到1點就瞓覺LUU~~
27號...
6點半起身,,整野...之後7點9就去食早餐
9點就拎野走,,搭旅遊巴去睇其他野~
去左睇蜜蜂...之後去睇D唔知咩~
個度有個好大GE棋盤嫁...之後去食晏
食完,,就去左野生動物園睇動物~
係入面行左3個鐘...真係痴線嫁
勁熱...勁辛苦,,勁攰...粗口都講埋丫真係~
好彩最慘個個唔係我,,係昕沂....
佢D奪命追魂CALL...真係勁X煩
好彩老公唔會姐...
行到4點...就行左去出口
點知原來集合時間係4點半,,
我地就係度企住等,,一企定我就俾蚊咬
真係勁痕...
4點半上車...等人齊就走人LUU~
去碼頭搭船返香港!!!
6點船,,最後8點返到黎香港~
係中港城食埋野就自己搭車返上水LUU~~
11點返到屋企...之後執返好晒D野,,沖完涼就瞓覺~
  
=========================================其他相係相簿=========================================
哩個旅行真幾真玩,,不過就真係好攰
攰到成個人散晒咁...琴晚返到屋企...
搞好晒D野瞓落床就瞓著左啦~~ 呵呵~
仲有...哩兩日真係勁掛住老公哇~
雖然有漫遊...但係始終都唔係係香港
好自然就勁掛住老公...個晚同老公傾完電話之後
真係忍唔住喊左~
見唔到老公真係好唔慣哇!!!  |
