第二天的工作

早上5點半便要開始工作，用廚餘餵雞，收剪秋葵，培植小花苗，除雜草。老實說，除雜草真的十分十分累，為什麼雜草也可以這麼茁壯，在我眼中，那是一棵棵健康的植物，但事實上牠們只是和小花苗爭取養分的小混混，非除不可。

今天最無奈的一件事是，被農場另一名長期的志工訓話。他投訴我們幾個打工的人不主動工作，總要他下指令我們才會去做，聽後極不認同，但只好啞忍。

喂大佬，我黎左第二日，農場每日既運作都未知，你想我地點主動工作？自己走去收成？定自己走去種野？我地唔等你落order點知點做？點知有咩要做？講真，呢度打工既環境好差，地方好污糟，尋日都自己主動幫你地掃哂成屋個地，餵貓，幫貓貓換水，幫手洗菜煮飯，甘都要我地知有咩可以做先做到架！堅嬲！

俾佢甘樣話完，緊係飛奔出去搵野做啦，點知又落大雨，好啦，幫手執野啦，痴線，周圍都係蜘蛛網已經算，一搬開袋野，四，五隻老鼠跑出黎，真係人都顛。所有野都有小蟲係上面，老實講，唔係唔想執，但污糟都甘我真係暈！