貴婦級的好用按摩卸妝霜，首推Eve Lom卸妝潔面膏，
專櫃的也有好多不錯的選擇，
說到開架的，非Aqua Label莫屬！
遠在中學生年代，我已經有用Aqua Label美白系列的經驗，雖然美白效果不明顯，話哂都係Shiseido旗下的開架系列，至少用得安心。
化個靚妝，除左要化妝技術了得，仲要有好肌膚 (咁就唔洗用咁多遮暇膏啦)
好肌膚除了靠先天條件，後天因素都不能忽視。
就算有頂級護膚品，但清潔步驟做不好，毛孔閉塞左，都吸收唔到護膚品的精華啦~
所以美容師成日話: 清潔好重要!
(廢話說太多，要回到今次主題)
Aqua Label多年來推出了一系列的「導入式」美白、保濕、抗老化
今年來了淨化修護的「導入式緊緻」系列，用上極上高麗人參精華，可以順行活血，調和肌理功效，讓肌膚活力飽滿，綻放水潤光澤。
「導入式緊緻」系列的成員有:
-人參緊緻潔面乳霜
-人參緊緻潔面泡沫
【Step 1】徹底卸妝：人參緊緻潔面乳霜
一瓶有125g，份量十分划算！
取一粒櫻桃的分量，就可以搽哂全臉架喇
盒內沒有附上小棒，我用自家小匙舀出份量
先畫個大花臉，唔係點試出work唔work
(其實我都有bad skin的時候，間唔中就生Ｄ小粒粒)
以按摩的方式，令到個妝溶哂，D粉浮出黎
仲有個 1分鐘緊緻提升按摩 手法架~
1. 在臉頰、額頭的大部位打圈按摩
2. 用指尖在眼周、鼻翼的位置塗開
為左試下佢威力，用左眼線、睫毛液、眼影的眼部位都有輕力打圈按摩
(一路按摩，會聞到潔面乳霜的香味，似診所開果隻粉紅色止咳藥水的香味，純個人感覺)
用左面紙印一下俾大家睇…
原本淡粉紅的潔面乳霜吸起哂粉底，變左粉底的肉色
連睫毛液都一支支的卸哂，
至於眼線同眼影都俾我打圈圈時，混埋D粉底一併卸光光了
然後我先發現未卸唇膏!
照版煮碗的搽在唇上按摩
唇膏都甩得7788，還好！
不過黏黏地囉~
還是建議用眼唇專用的卸妝液較好
用面紙抹走哂D潔面乳霜後，
臉上好似有層滋潤的油包裹住
但不油苙苙、都不焗臉，反而臉帶光澤
【Step 2】淨化肌膚：人參緊緻潔面泡沫
每次只需用1cm的份量，加水起泡才洗臉
我用起泡網打起泡泡
泡泡質感比我平時用開的Perfect Whip更細緻
這個潔面泡沫清潔力很強，洗完臉切記、切記要立即搽護膚品呀
因我洗完臉馬上把最真實的一刻拍下，但臉子開始愈來愈猛猛緊
臉上的油份被帶走了，水份慢慢流失
用後感：
人參緊緻潔面乳霜的好用程度，絕對超越左開架品提供的質素
開架的價錢買到超越開架的質素，我覺得好划算，哈哈 (執到寶咁開心)
卸妝的能力好強勁! 厚厚的、濃濃的妝都可以徹底卸除
卸妝+按摩+修護一take過，岩哂我呢D懶人同忙到唔得閒做咁多護理的女強人
回購度是100%
人參緊緻潔面泡沫
淨潔力太勇猛了，臉上的水份是漸退式遞減
回購度只給20% (分數是給細棉的泡泡)
Katerina大推這瓶Aqua Label人參緊緻潔面乳霜
|
