終於等到星期 5........... 聽日可以訓耐d la.....

chem 堂 3 個人一齊坐...... 比兩個人夾住, 好有壓迫感.....不過我都冇乜點聽書, 都係做下 physics 功課咁~ 而家 chem 教d 野都幾悶... 唔多想聽書....

中化堂, 聽同學 present, 然後miss ho 出黎講一大段野........... 冇心機聽

physics, 唯一認真聽的兩堂....聽下書又玩下咁, 時間過得好輕鬆.... 轉眼又到 lunch

lunch 去左紅蜻蜓食, 龜行到大中先行返轉頭........ 超有骨氣~ 今日 lunch 食到好飽~ 大部份人都食唔晒d 野

返到去都仲有時間坐下消化下, 然後就上 bio~ 今日做實驗, respiration... 經常要 take data, 好煩.....搞到我專心唔到諗野..... 去到最後交 report 果陣, 遲左十幾秒~

放學見今日星期 5 就送埋人返屋企~ hehe~ 返到屋企都成 7 點

以下純屬發洩, 睇完就算

返到屋企知道左一件事, 就係我阿爸因為唔夠錢洗, 私自拎左屋企d 金器去當......... 果個金器係人地送比我麻麻的, 非常有紀念價值......佢咁做同一個小偷有咩分別 ? 我同麻麻一齊係客廳鬧佢, 佢不理不睬........ 我問佢 d 錢洗左去邊, 佢竟然話關我鬼事....如果 d 錢係佢自己ge, 我當然冇權理, 但係 d 野係屋企ge, 佢竟然可以咁講野...

雖然果個金器話多唔多, 話少唔少....千幾蚊... 但係佢已經唔止第 1 次偷屋企 d 野, 偷麻麻d 錢, 偷我阿哥 d 錢... 偷我d 錢.....又唔知佢拎 d 錢去做咩 !!!! 佢又死都唔肯講, 神神秘秘咁, 真係唔知佢想點 !! 佢仲話會拎埋屋企戶口果 7 萬銀...... 世上竟然會有 d 咁厚顏無恥ge 人 !!!!

我真係好嬲, 都唔知點解世上會有 d 好似佢咁ge 人........ 真係好煩, 話佢又唔聽, 郁 d 又發脾氣, 又唔識諗野, 真係愈黎愈唔 like 佢

另一方面我又覺得好悲哀, 成日返到屋企就聽到佢同麻麻鬧交......邊個返到屋企想聽到有人嘈 ga ? 我返完學已經好累... 唔想再理呢d 咁ge 野

我愈黎愈難係我阿爸身上搵到一個優點..... 難怪其他人睇佢唔起....以後我可以同佢好好相處嗎 ? 問心果句, 我大個之後唔太想同佢一齊住......同佢一齊實有野煩, 鑊鑊新鮮鑊鑊甘... 坦白講, 有 d 以佢為恥........ 咁大個人可唔可以勤力 d? 平時可唔可以衛生d ? 可唔可以發少 d 脾氣 ? 可唔可以用下腦 ? 不過我都不存任何期望 ga la~ 算數