<<魔法學戀(二)>>
上回講到鐘宛秀番學個陣撞到一位陌生男子,而且個位男子係轉校校草!點知何欣程同鐘宛秀調位個陣,隔離個位竟然係林偉宏同李俊龍,而且李俊龍好似對鐘宛秀有好感!今集既<<魔法學戀(二)>>而家誕生左啦..

何欣程:唔係嘛?我竟然要同校草cool man坐?
林偉宏:  .......
何欣程心諗咁樣同佢講野好似唔多好,所以轉番語氣同佢講野. 何欣程:啊..係呢!我叫何欣程啊!你叫林偉宏呀呵?
林偉宏:  .......          何欣程:喂?應下我好喎?!
蔡老師:算啦,林偉宏係唔多鐘意講野,遲啲佢就冇野嫁啦!
何欣程:咁都得?唉,事旦啦!
佢就趴左係張枱到郁都唔郁!轉個鏡頭,李俊龍就反而好熱情咁同鐘宛秀傾計.
李俊龍:你叫咩名呀?
我:我?我...我叫鐘宛秀!
李俊龍:喔..鐘宛秀..新生嗎?
我(即刻紅左塊面):唔係,不過唔識少少新魔法!
李俊龍:哦,好簡單姐,唔識唔明可以問我,話晒我都係藍袍魔法生嗎!
我:嗯..我會嫁啦!    話咁快到左小息,何欣程即刻拉就左鐘宛秀,跑左落去小食部買野食,然後何欣程就同鐘宛秀訴苦!
我:點呀?你隔離位個個校草同你好唔好傾呀?
何欣程:有咩好喎?我問佢野,佢都冇答過我!真係悶死.
我:係咩!可能熟左就冇咩野嫁啦!
何欣程:個個都係咁講嫁啦!
佢地走左去排隊買野食...點知鐘宛秀佢銀包冇錢,又記起未執好魔法書,就走左番去課室,叫何欣程自己一個買野食.鐘宛秀走左之後,何欣程就自己一個人排隊,輪到佢之後,佢叫左十五魔幣既薄餅諗住拎錢出黎,點知佢得十個魔幣唔夠錢俾!旦係佢已經叫左冇得唔要番...
小食部阿嬸:喂,俾錢啦!
何欣程:下..我唔夠錢喎,可唔可以等我一陣我上去拎錢俾你?
小食部阿嬸:你傻嫁?我整左俾你你唔要?咁話俾你班主任知囉!!
何欣程係個陣驚到震咁,周圍既人全部望住佢!何欣程覺得好驚,唔知點算好!突然有一把好熟既聲傳黎..原來係林偉宏!
林偉宏同小食部阿嬸講:差五個魔幣呵?我同佢俾囉!
林偉宏自己一個人走左去,何欣程就係後面離遠咁跟住,佢揸住林偉宏俾錢佢買既簿餅,但係佢唔敢食!林偉宏走左去張長椅度坐.而何欣程就企左係度!
林偉宏:嗯?做咩企係度?仲唔食左佢?
何欣程:吓...嗯...總之今次既事好多謝你啦!
林偉宏笑左,不過佢係微笑,話:過黎坐陣食完好走!
何欣程:吓..哦..
佢坐左係度之後,嗱嗱聲咁食曬佢...咁岩小息打鐘,佢地就一齊番番上去.
何欣程:下一堂係魔法移動堂喎,教啲咩嫁?
林偉宏:你到時就知!   佢仍然係好沈默咁講野,真係好少出聲.
到左個堂..一位上左年紀既女性老師入左黎,講左佢係呢個科目既老師---趙麗華老師之後就講都唔講就教書!係呢個時候,一個又係著住粉紅色魔法袍既女仔慢吞吞咁行左入黎,好似目中無人的睇唔到老師,正係用枝魔法棒指下就知自己坐係邊,趙老師睇唔過眼,趁個位女仔就坐落去個下,揮下枝魔法棒就令到成張椅轉左去第二個位置!個女仔即刻跌左落地下!
趙老師:今堂既魔法移動堂就係咁既..呢位女同學叫咩名點解咁遲番?
林雪芬:我叫林雪芬,今日整頭整得耐咪咁遲番囉!
大家都勁唔妥佢,旦係冇辦法,鬼叫佢係校花咩?
當趙老師教大家使用移動魔法咒語時點樣揮動魔法棒個陣..李俊龍見到鐘宛秀用錯左手勢,就諗住教番佢.
李俊龍:鐘宛秀,你用錯左手勢喎!唔係咁揮法嫁喎!
我:下..咁點做啊?

大家估下李俊龍會點樣教鐘宛秀?佢會自己由自己做,叫鐘宛秀睇到明為止?定係捉住佢隻手慢慢咁教佢?俾大家諗下啦!
下一集既<<魔法學戀(三)>>同大家揭曉!請留意<<魔法學戀(三)>>!!