今日好早就醒左啦！都唔知係唔係因爲琴晚早訓得濟。整完一大輪之後終於都出門口啦！心情真係好期待啊！！我同阿雪係西鐵站到等..我見佢中未黎，所以就去左7eleven到買野啦..睇左好耐都唔知要買咩，禁啱比我見到Hello Kitty靚靚盒，所以都無猶豫就買左啦！哈哈..

                我同阿雪去到西鐵站個陣時見到有個人好似Miss Cheng，跟住睇真d真係好似，最後發現...知唔知發現咩呢？原來真係佢黎嘎！真係估唔到感都撞到佢..我地終於都到左慧豐園啦！但係就見唔到Miss Wong 佢地..                                                 無幾耐佢地終於黎啦！但係船就仲未黎..搞到我地估黎估去到底係邊一架船，好彩架船都唔差..我地搭左兩粒鐘船先至到大嶼山..

                  心情真係好緊張啊！落左船之後就上去正生書院啦！d路真係好斜啊..真係估唔到成條路都係佢地自己鋪嘎！上到山上面又要分組啦！好多女仔都話帶領我地個個學生幾靚仔，至衰就係講音唔正，真係可惜..過左無幾耐就食lunch啦..跟住又搭船去正生書院ge長洲宿舍啦！我仲以爲有咩睇添！原來去到個度就靜係品嘗功夫茶，跟住就走啦！唉..好失望啊！去長洲竟然無渠道長洲鬼屋...老師話如果我地好多時間嘎話就會去其他地方玩，但係伊加無左啦！

                最後我地上船番屋企啦！回程個陣時同d同學傾計，好開心啊！講左好多話題..搞到落船都唔想落添！哈哈......