今個 星期跑左3次步 都係10K左右

好彩都KEEP到50分鍾呢個時間

都幾開心!!
 
依家 我自己對人生冇咩大目標

因為我已經覺得自己好幸福

屋企人在 朋友在 大家都對我好好

錢方面 其實 搵到小小錢就夠 ( 意思係有份工番都足夠)

唔洗搵多錢 但 自己仲未搵到工(可能係做廢青耐左)

唔知番咩好 可以話係驚 同怕生 

HAHA 唔想放咁多 負能量

就係因為自己冇番工 所以要KEEP住做運動

最起碼唔係咩都唔做 日日咁過!!!!

都好想同大家傾下計
( 不過我識得既野太少 唔知同人講咩 同埋成日都講廢話 一直以黎 辛苦你地)

希望之後都仲同大家傾到下計 唔會成日講廢話 同埋講完 你地都唔知應咩好既野 !!!
 

琴晚同左以前中學同學去左安娜餐廳食飯
計埋有7個人 大家都有大家要忙要做既
有人仲要食完飯之番工(佢係做警察既)
唉 我真係成日都逃避 變埋習慣
真係好差勁 唉 想改變 但連第一步都驚
又怕堅持唔到 呢種心態真係輸哂!!
真係 要搵人屌醒你!! 葉梓頌!!!

 今日又係訓到成1點先起身 之後出左去(去邊就唔講 haha)
跟住去到4點左右 去左QB HOUSE 剪頭髮
職員: 洗唔洗幫你剃埋的水
我:好
職員:好小見 中國人既的水咁長 同埋可以連住Dso 似外國人咁
我:係呀!亞洲人好少見(心入面好開心HAHA)
職員:如果你再滄桑D 留埋 有得諗!! 你依家太後生 遲D可以試下
我:係呀!! 朋友都有叫我留

聽到真係幾開心 HAHA 其實想剪光頭 不過算

同埋今晚去友愛比賽 9點 HAHA 打到呢到先 fighting!!!

 琴日早上9點幾先訓 訓到1點起左身一陣 之後睇睇手機再訓過
訓到2點幾起身 就開機 haha 又冇做運動 又冇打波 唉
之後到夜晚 同何偉 培仔 去左天一商場食晚飯
又係上次個間日本料理 又係叫左饅魚炒飯 之後再叫左個3人既壽司盤
之後再叫左其他小食 食到好飽 
埋單要6百幾蚊 haha 之後又係坐輕鐵番屋企 睇埋黑子的籃球 劇場版
再繼續睇左 RM 2集 HAHA 差唔多啦
聽日再打!!!!!

 今日凌晨 2點幾訓 打算係早小小訓 跟住可以做d起身
但係 訓到4點幾就醒左 唔係好訓得著 之後就開機 玩左陣
6點幾就再訓 呆下呆下咁 又訓到1點 跟住就出去lu
買左Mos burger 買到就黎可以換第3隻杯 差1個貼紙
不過唔係因為想要隻杯先去買 係因為覺得好食先去買
千色xd 
出到去4點幾就番元朗 之後坐小巴番屋企
基本上呢排日日都係咁過
訓醒就出去買野食
番黎一係出去打波 一係就搵下朋友(睇下佢地得唔得閒 約食晚飯咁)
我d生活 依家咁樣唔夠精彩 好普通 應該係需要錢 haha 咁就唔同啦
錢 再加 努力 應該 可以變得更好 haha
為左報答同作出回應 要將自己變得更好 咁先對得住你地 對得住自己!!
番到屋企之後 就係做左陣運動 開始左第三日 想練出腹肌
短期目標係咁 雖然講左好耐 不過都要再試下
仲好過咩目標都冇!!!

好老實講 我依家既生活 太過安逸
係應該打拼巴日子 我hea住過 其實真係好冇用
身邊既朋友 好多都好努力!!! 真係好欣賞佢地!!!