小弟在想大鋼過程，本已下手著寫「珍惜」，可是因劇本受組員的建議而修改，形成「珍惜(新版本)」，這是小弟寫的第二個故事，亦是第一個話劇，完成於19/11/2010。
故事大鋼: 一班中五會考完既少男少女，一路都好好朋友，更甚至有愛情既出現，呀華愛上梓茵。後來，其中有呀華與鬼仔同丹爺發生咗一件偷竊事件，終令鬼仔同丹爺被警司警誡，而鬼仔同丹爺亦從此不願再同呀華做朋友，事件傳到學校，其他同學小波同木頭亦因此對呀華改觀而憎恨呀華，而梓茵亦被其同學加好友呀君同呀玲所阻止而同呀華少了傾計，最後呀華出咗事，寫下既一封信令到各人對呀華再度改觀，亦令大家領悟一個道理……
幕數､分場
時間 地點 出現之人物
幕1 19/6/2010 一間房 旁白,呀華,梓茵,鬼仔,丹爺,
小波,木頭,呀君,呀玲
幕2 21/6/2010 街上 旁白,呀華,鬼仔,丹爺,路人1
,2警察1,2
幕3 25/6/2010 課室 旁白,呀華,梓茵,鬼仔,丹爺,
小波,木頭,呀君,呀玲,陳老師
幕4 28/6/2010 bbq場 旁白,呀華,梓茵,鬼仔,丹爺,
小波,木頭,呀君,呀玲
幕5 29/6/2010 街上 旁白,呀華,路人1,2,3,4
醫護人員1,2
幕6 2/7/2010 課室 旁白,梓茵,鬼仔,丹爺,小波
木頭,呀君,呀玲,陳老師
呀華把聲
幕1 9/6/2010 地點: 一間房
旁白,呀華,梓茵,鬼仔,丹爺,小波,木頭,呀君,呀玲
(3:00-4:00)
旁白: 宜家既青年，好多時都唔珍惜宜家有既野，往往，最終結果係失去。有一班人係一間房入面玩
(大家有講有笑)
木頭: 呢個學期就黎完LU。
小波: 係lo，過得勁快lo。
呀君: 第時一定勁掛住你地，我地咁好朋友。
鬼仔: 咁大家之後都可以約出黎嫁ma。
呀華: 鬼仔講得岩啦，又唔係完左學期無fd做。
梓茵: 我想留下記念wo。
呀玲: 不如大家影低D相，要黎留念?
丹爺: (驚)影相?我唔出鏡嫁不嬲。
鬼仔: (串丹爺)你驚我放相上facebook之後tag你俾人睇到你個衰樣呀?
丹爺: (憤怒又無奈)你…
呀玲: 算啦，影下啦，難得我地咁friend，要影低第時留念。
丹爺: (無奈)好…
(呀玲向丹爺伸利以示勝利及調皮，丹爺向呀玲整鬼臉)
小波: (疑惑)但邊個有相機?
(眾人互問)
呀華: (拎出相機，拎出一個盒，把盒收在衫袋)我有。(微笑)
呀君: (心急)快D影快D影。
(眾人不斷影相，呀華示意梓茵傾一傾計，兩人開門離開，房內仍然影相)
呀華: (拎出盒)梓茵，送俾你。(遞俾梓茵)
梓茵: (收咗個盒，疑惑)多謝，但咩黎嫁?(打開個盒)(嚇，笑)好令呀。
呀華: (微笑)鍾唔鍾意?
梓茵: (高興)鍾意呀，(疑惑)做咩送條鍊俾我?
呀華: (吸一大淡氣)我鍾意你。
梓茵: (愕然)你…你講咩話?
呀華: (怕羞)我話我鍾意你。
梓茵: (扮笑)唔好玩啦呀華，我地咁好朋友邊有可能…
呀華: (收起笑容)(失落)係掛。
梓茵: (道歉)呀華，對唔住呀。
呀華: (微笑)唔緊要，好啦，我地番入去啦。
(呀華微笑開門回房，梓茵低頭望著盒子)
幕1完
幕2 21/6/2010 地點: 街上
旁白,呀華,鬼仔,丹爺,路人1,2警察1,2
(3:00-4:00)
旁白: 宜家既人一D防盜心都無，成日都唔放好D野。
(鬼仔，丹爺步入)
鬼仔: 喂，宜家有咩搞好?
丹爺: 有咩好搞，都無晒錢去打機啦。
鬼仔: 唉，咪係lo，我差d無錢食飯。
丹爺: 我已經無錢食飯，唉。
(路人1步入)
鬼仔: 喂喂，你睇下果條友。
丹爺: 睇d咩呀?(望兩下)無咩特別呀。
鬼仔: 你睇下佢部電話。
丹爺: 佢部電話有咩特別?
鬼仔: (打一下丹爺果頭)妖，死蠢，偷咗佢咪有錢lo。
丹爺: (驚訝)下?偷?點偷?
鬼仔: 你扮野撞佢一下ok嫁啦。
丹爺: 唔好啦….
鬼仔: 想唔想有錢呀?
丹爺: 想….但….
鬼仔: 想就跟我說話做。
(路人1行過，丹爺撞向路人1，鬼仔偷掉袋中電話，呀華跟在後面)
路人1: (憤怒)(轉身指著鬼仔,丹爺)WA，有無搞錯呀，咁樣撞落黎，道歉都唔講，宜家D學生真係無禮貌。
(鬼仔給丹爺看手中的電話)
路人1: (行多兩步，大叫)我部電話呢?
呀華: (大叫)鬼仔，丹爺，企係到!
(鬼仔，丹爺兩人轉身望向呀華)
呀華: (指著鬼仔同丹爺)係佢兩個偷你野。
鬼仔: (憤怒)你講咩話?
丹爺: 你邊隻眼見到呀?(作狀打人)信唔信我打你呀啦?
(兩警察行至)
路人1: (向警察揮手)你地黎得岩啦，(指著鬼仔)佢兩個偷我野。
(鬼仔丹爺互望)
鬼仔: (驚)我….我無，你咪屈我。
丹爺: (驚)咪…咪係，我地邊有偷你野。
呀華: (認真)唔係，係佢兩個偷野，我都見到，我願意跟你地番去落口供。
鬼仔: 呀華你!(指著呀華)
(警察行至鬼仔面前，抓住兩人)
鬼仔: (憤怒)呀華你好野!
丹爺: 你睇住黎!
幕2完
幕3 25/6/2010 地點: 課室
旁白,呀華,梓茵,鬼仔,丹爺,小波,木頭,呀君,呀玲,陳老師
(4:00-5:00)
旁白: 鬼仔同丹爺最後俾警司警誡，無留到案底，但鬼仔同丹爺就好憎呀華，而件事就傳到去學校)
(眾人在班房傾計，呀華步入，眾人靜)
(呀華坐下，一直低頭看書)
鬼仔: 喂，問下你地呀，估下呢，果條友呢，唔知佢識唔識寫個義字呢?
小波: 一定唔識啦，識既話會唔幫手既咩?
丹爺: 唔幫手都唔係問題，唔幫手唔緊要呀，佢仲要對我地出黎LO。
木頭: 可能佢突然痴左線。
鬼仔: 我話佢不嬲都痴線。
梓茵: 唔好咁話佢啦。
呀玲: 咪係，人地坐係到嫁。
木頭: 咁又點?
丹爺: 唔好咁話佢?佢咁樣對我地?
呀君: 但始終人地都係坐係到嫁。
小波: 坐係到咪坐係到LO。
鬼仔,丹爺: 咪係。
木頭: 比著我我就唔會咁做。
小波: 我都唔會LO。
木頭: 大家朋友黎嫁MA。
鬼仔: 我地當人地朋友，人地當我地係咩呀?
丹爺: 咩呀?
鬼仔: 當我地契弟。
梓茵: 我信呀華唔係咁既人。
丹爺: 你咁信佢做咩呀，你鍾意人呀?
梓茵: 痴線。(返回坐位)
呀君: 咁你地仲同唔同佢做FD?
鬼仔: 點做呀，呢D叫朋友咩?
(鍾聲響起)
(鈴………………)
(老師步入，眾人返回自己坐位)
旁白: 呀華好清楚咁聽到，但佢唔想同大家嘈，無出到聲，但，梓茵既一句，令佢好開心。
(呀華望向梓茵，梓茵望一下呀華，再望陳老師扮上堂)
陳老師: 各位同學早晨。
(各同學起立且敬禮)
眾: (站起)陳老師早晨。(同學們坐下)
陳老師: 今堂呢想大家分組用我俾大家既資料寫一篇文出黎，咁我就想2人一組既。大家出黎抽下櫼，我唔想次次都係果幾個人一組。
(大家輪住出去抽)
呀君: 呀玲梓茵你係幾號?我係4號。(偷望兩人紙張)
呀玲: (開心)我都係4號呀，(抱呀君)你呢梓茵?
梓茵: 我係1號。
陳老師: (拍兩下手掌)大家抽完呢就出黎呢到寫低你係幾號，之後拎呢兩份資料，再就分組坐。
(大家出去寫)
鬼仔: 陳老師，我唔要同呢條友一組。
陳老師: (疑惑)邊個叫呢條友呀?
鬼仔: (指著呀華)呀華!
陳老師: 點解唔想呢?
鬼仔: 同佢一組?叫佢慳D啦。
陳老師: 鬼仔!
梓茵: 陳老師，不如我同呀華一組。
陳老師: 嗯，咁好啦，鬼仔，你放學之後黎揾我。
鬼仔: 好野，唔洗同個賤人一組。
陳老師: 安靜!大家開始做野。
(各人分組坐，呀玲呀君坐埋一齊，波仔同木頭坐係鬼仔同丹爺前面，而呀華同梓茵坐呀玲呀君後面)
丹爺: 喂鬼仔，你岩岩好型wo!
鬼仔: 洗咩講。
(木頭同小波擰轉向後面)
木頭: 但你直接咗d啫。
小波: 咪就係lo。
鬼仔: 怕咩野?鬼叫佢衰。
木頭: (指著鬼仔)你叫嫁lo。
鬼仔: (疑惑，指自己)我?
丹爺: (忍笑)你咪鬼lo。
(小波，木頭，丹爺大笑)
鬼仔: 頂你!
幕3完
幕4 28/6/2010 地點: bbq場
旁白,呀華,梓茵,鬼仔,丹爺,小波,木頭,呀君,呀玲
(2:00-3:00)
旁白: 在學期終結之前，有一個校內旅行，今次他們去燒烤場。
呀君: (開心)終於有得燒野食LA
呀玲: 好餓呀，幾時有得食呀?
鬼仔: 得啦煩，鬼叫你地掛住玩。
呀玲: 咩WO(唔開心)
丹爺: 拿(俾食物呀玲)食住先啦。
呀玲: 多謝丹爺。
木頭: 喂，真係唔理佢呀?(指一指坐在遠處的呀華)
鬼仔: (大叫)理佢做咩呀!
(呀華坐在遠處，在看書)(梓茵望住呀華)
呀君: 梓茵，你D野燒黑啦。
梓茵: (回神似的)係WO，都食得既。(離開，往枱，坐下，之後再站起來)
(呀君呀玲來到)
呀玲: 做咩唔食呀?
(梓茵搖頭)
呀君: 發生咩事?
梓茵: 我想揾呀華過黎。
呀君: (拖住梓茵)唔好啦，講真，我都覺得佢衰。
梓茵: 但我覺得佢無做錯。
呀君: 費時叫到呀華過黎到鬼仔佢地嬲。
呀玲: 咪就係LO，算啦梓茵，你都唔好同佢玩咁多。坐低食野啦。
(3人一同坐下)
梓茵: 嗯…
旁白: 梓茵仍經常望向遠處，呀華在書寫，梓茵好想呀華番黎呢堆朋友到玩，因為佢信呀華。
幕4 完
幕5 29/6/2010 地點: 街上
旁白,呀華,路人1,2,3,4醫護人員1,2
(3:00-3:30)
(呀華邊行邊看書，雙手拎書)
旁白: 呀華愛上睇愛情小說，因為他寂寞，今日岩岩吃完午飯回家，路過附近一個地盤。
(砰……………..)
旁白: 呀華被突如其來嚇親。
(呀華停下來，企直，睜大眼望向前方，右手拎書，左手按著心口
(砰……………...)
(呀華本書丟左地上，向前跪低，再訓低，然後轉身望向天，雙手按著心口，慢慢合上眼)
(路人1234圍觀)
路人1: (跪下搖一搖呀華)喂，你無事呀MA?喂喂…
路人2: (跪下幫呀華把脈，之後聽呼吸同心跳，之後做心外壓)(大叫)佢無左心跳呀，快D幫手報警呀。
路人1: (起身)(拎出電話)哦哦…(打電話) (心急)喂…999呀….呢到係廣華街，有個少年訓低左，有個人話佢無咗心跳，幫佢做緊心外壓，快D揾人黎呀。
(路人34交頭接耳)
路人1: 喂，頂住呀，我打咗電話求救嫁啦。
(路人2仍然在做心外壓)
旁白: 3分鐘後
(醫護人員12跑入)
醫護人員1: 交俾我地啦
旁白: 醫護人員幫呀華做心外壓，呼吸測試，決定心臟去纖維性顫動器試圖幫呀華恢復心跳。
醫護人員1: 行開。
(第一次顫動)
(醫護人員2檢查呀華心跳)
醫護人員2: 都係無。
醫護人員1: 再黎，行開。
(第二次顫動)
(醫護人員2檢查呀華心跳)
醫護人員2: 都係無。
醫護人員1: 較到最大，行開。
(第三次顫動)
(醫護人員2檢查呀華心跳)
醫護人員2: 都係無。
醫護人員1: 宜家時間，12點43分，宣佈死亡。
路人2: 唉，始終都係幫佢唔到。
路人1: 算啦，你都盡咗力，咁後生就走咗，真係有點d可惜，(望下呀華)咦，佢咪上次幫我捉賊果個人。
幕5完
幕6 2/7/2010 地點: 課室
旁白,梓茵,鬼仔,丹爺,小波,木頭,呀君,呀玲,陳老師,呀華把聲
(4:45-5:15)
(老師步入，各同學起立且敬禮)
眾: (站起)陳老師午安。
陳老師: 各位同學午安。(同學們坐下)今堂我地有特別既野要做，希望各位同學聽我講，我有一個消息要宣佈。
梓茵: (舉手,企起身,有點擔心)陳老師，我有個問題想問，呀華去左邊?已經幾日無見佢，又揾佢唔到，老師你知唔知發生咩事?
(班中其他同學交頭接耳，梓茵仍然望向老師，手放下)
陳老師: (大聲)各位同學請靜一靜。(指示梓茵坐低)梓茵你先坐低。
(全班靜，梓茵坐)
陳老師: (低沉地)我要宣佈既就係呢件事，我尋日收到呀華家長既電話。(停頓一下)呀華佢係4日前在街上心臟病發，離開左我地。
眾: (驚訝)下?
梓茵: (站起身，激動地)陳老師，你話咩話?你有無搞錯左D野?
陳老師: (低沉)我無搞錯到。
(梓茵趺左椅上)
陳老師: 今日呀華既家長將呀華想交俾大家既一封信帶咗黎俾我，我影印咗俾大家，每人拎一張。(拎出A4紙，逐個派)大家好好咁睇呀華想留俾大家既野，老師今日唔教書，會坐係到陪住大家。(返回座位，細看各人)
呀華把聲: 各位親愛既好朋友你地好，我係呀華呀，唔好再嬲我啦好無，我好孤獨呀。本來我地都好好朋友，但自從我果次係街舉報左鬼仔同丹爺，大家就開始唔再睬我，我真係好唔開心嫁，但其實我都係為左鬼仔同丹爺好，我之後都有向警察求情，我唔想佢地兩個大個之後犯更嚴重既事先咁做，希望大家可以原諒我。其實我真係好鍾意你地呢班朋友，原諒我啦，唔好再唔理我，我好掛住以前同你地嘻嘻哈哈既日子，下次去旅行唔好再丟我自己一個係到寫信同睇書。
(各人傳出哭泣的聲音，各人有不同的感受)
鬼仔: (望向天花)呀華，誤會咗你，好對唔住。(望向丹爺)
丹爺: (沉聲)係，好對唔住，我都唔會再怪你，下世有機會同你玩到夠。(望向鬼仔，兩人點頭)
小波: (喊)好唔捨得呢個朋友。
木頭: (拍拍小波)佢先係真正既朋友。
鬼仔: (低頭)我好內疚，完全唔知呀華會係咁為我地，亦唔知呀華會走左。
(陳老師走近，拍一拍鬼仔)
陳老師: 咁你就由宜家起好好對待你既朋友。
鬼仔: 嗯
(陳老師走近梓茵身邊，梓茵正無言,呆坐,流淚)
陳老師: (安慰)梓茵，我知你同呀華好好朋友，如果有D咩唔開心，可以黎揾陳老師，知無?(拍一拍梓茵賻頭)
(梓茵沒回應，伏在枱上喊)(老師離開，與其他同學細聲對話)
(鐘響…)
陳老師: (安慰)好啦，各位同學快D番屋企。(離開)
(眾人逐漸離開，懷傷心心情)
(呀玲呀君走向梓茵坐位)
呀君: (細聲，抱著梓茵)梓茵，你唔好咁傷心啦。
呀玲: (道歉)好對唔住梓茵，我地仲叫你唔好同呀華玩。
梓茵: (坐直，抹淚，申手從背包拿出一個盒)(聲音震動)唔關你地事，呢樣野，係呀華上次係K房送俾我。(打開)係我唔識珍惜佢。(再次伏低喊)
(呀君呀儀望向盒子)
呀君: 原來佢已經鍾意咗你。
梓茵: (仍然伏在枱上哭，聲音沙啞)我無好好珍惜呢段感情。
呀玲: (望向呀君，感歎)唉，我地都無好好珍惜呢個朋友。
旁白: 係唔係每一樣野，失去左，先懂得珍惜?好好珍惜宜家身邊既每一樣野。
幕6完
劇終
by呀俊
|
