有人問眼鏡售貨員的前途好唔好.定做壽司學徒好d

答:

梗係做學徒好啦!
而家就學徒!
學成就係師傅!
咁樣就係有一技傍身!
請壽司師傅唔係咁易!
因為唔係個個都得!
如果你真係變左師傅!
咁樣就有人請!
因為你真係有呢方面技術!

但係眼鏡售貨員就個個都可以做!
唔使咩學歷,技術!
大把人爭,你又點樣特圍?
做sales又可能要受人氣!

人工方面,學徒人工係好低!
可能一開始,做眼鏡售貨員會高人工少少!
但係兩者都係低收入!
長線黎講,做售貨員永遠都係咁!
但係做學徒,變師傅後人工一定會升!

前景上,做壽司師傅有出頭既機會!
你睇下幾多名廚大廚幾出名!
佢地以前都唔係讀好多書!
但係整野食叻,就會出名,搵到食!
但係做眼鏡售貨員相對就冇咩前途!
一世都係咁樣,對將來幾冇保障呢!
同埋樓上話做眼鏡售貨員可以開眼鏡鋪!

但係你邊有本錢開先?
靠做售貨員邊搵到咁多!
而且做壽司師傅,咪一樣可開日本料理店!
仲受歡迎同好搵過眼鏡鋪啦!
自己又真係熟悉壽司既野!

最後,眼鏡售貨員係應該會舒服d!
又有冷氣嘆,但會幾悶!
同埋好刻板!
學徒一定會幾辛苦,但係應該幾有趣!
整壽司都係一樣得意既過程!
同埋最後真係會學識左識野食,有得著!
就算第時唔做呢行,得閒都可以整下壽司自己食,請人食!
唔似得眼鏡售貨員,咩都學唔到!
做得學徒,你都應該唔係好大年紀!
應該趁後生,學下一技之長,試下多d特別野!
整壽司會係唔錯既體驗!