尋晚最後玩到3點幾走~因為個人有小小醉,所以都係打的返屋企

返到屋企乜都唔做就即刻上床瞓~瞓左兩個幾鍾之後就起身

因為約左人去行山~又出奇地夠精神播,咁都冇跌落山,都算好彩喇

尋晚個party雖然唔係幾好玩~不過比我見返一d幾有趣既人

有一個嚮中學時代同我打過交既人~我仲記得當時我打爆左佢個嘴忝

依家見返佢我都覺得幾好笑~點解果時會咁好火呢

依家我一定唔會同人打交~不過大家見返面都有講有笑,完全冇事

最令我驚訝既事，係佢同左一個以前鍾意我既女仔一齊~仲要係我直接拒絕過佢既女仔

果個女仔仲要好大方咁行過黎同我傾計~令我有d唔知點好忝,為有講下大家d近況就算

不過佢真係比以前靚左好多~佢可能想話比我知當時唔同佢一齊,係我既損失掛

我諗佢係應該知道我會去依個party~所以佢專登黎吋下我

其實因為當時我係鍾意另一個女仔~我係d只要有一個目標,就唔會考慮其他野既人

就算依家佢比多次機會我~我都應該係比同一個答案佢

因為佢比我既感覺同以前一樣~一d都冇改變