今日係10月30號,距離08年完結仲有62日~今年過得真係快
尋晚同一個朋友食飯既時候佢同我講左好多預測來年既事情
當佢講完之後,我係比左一個回應佢~
就係講左一句"兩個月之後既事,我相信只有神可以知道"
其實每個人都對未來作出一d預計,當然包括我自己啦
如果我相信有神既話,我一定唔會諗咁多未知既野呀
因為一切都有主宰,又可必想咁多呢~

時間係一樣對所有人都好公平既東西

所有人都係一樣既唔會有人多d,亦唔會有人小左

只係視乎自己點去運用每日既24個鐘

有d人會用好大部分既時間去工作,完全唔去做其他事情

又有一d會用大量既時間去休息同玩,好似有d浪費時間咁

在我而言其實兩種人都各有好處壞處,平均一點就最好喇

不過~最難做得到既事,就係平均

其實由一開始自己既性格已經決定左會做邊一種人

 經過左兩個月既忙碌之後~開始要重新調整一下自己

為左提升自己既攝影技術我去左上堂學影相,

雖然只為興趣冇乜實際利益,但係我都會好用心去學

因為我認為做任何事情~一係唔學,一學就要學到去自己最高既水平

雖然睇起黎仲有好遠,但係我相信總會去得到既~!

好耐都冇打blog喇,有成個幾月~近排真係比較忙,好多野做呀

當工作佔據晒自己所有既時間,個腦就好似冇諗其他野既空間

生活變得非常黑板咁,完全冇左喜怒哀樂既感覺

我有好多時都覺得好似為生活而生活,有一點,漫無目的咁過日子

做人最慘既,都係無目標同方向,真係有d"前路看不通,回頭不是岸"既感覺~

嚮我身邊大份部既朋友,都覺得我係一個好識得做人既人

其實我好多時都覺得自己係一個好假既人就真

有時候我明明有人做一件事做得好差,但係我都總係會搵一d小數既優點出黎講

表面睇起上黎好似唔想 hurt 人,但係其實我只係唔想去舉証佢既錯誤

因為我好怕對其他人一d佢唔想聽既說話~最真既一句亦係最難聽既一句

除此之外我仲有好多時候對其實人既反應同行為都只係扮出黎

例如同其他人進行一d有比賽性質既活動,有時明明可以好輕鬆就羸

但係我都總係做到勉強險勝咁~因為我好唔想比人一種好似高佢一班既感覺

好聽d咁講叫做厚道,事實上就係虛偽~可能係我既習慣問題啦

仲有我好多時當大家為左某d情事諗解決方法既時間

即使我個腦入邊早已諗到方法,但係我都一定會留到最後先講

連我自己都唔知點解~可能係我比較鍾意一d好似係及時趕到既感覺啦

所以諗深一層我都係一個假既人呀~!