尋晚係一年一度既中秋節,本來都諗住冇節目~打算自己去大坑影舞火龍,

因為好耐冇影過相喇~不過唔知點解有個好耐冇搵我既fd話去燒野食,問我去唔去?

我諗燒野食都算係一個唔錯既節目,總好過自己過咁悶呀

所以決定改變行程去佢度玩~結果去左一間好近沙頭角既村屋度燒野食

叫我再去返都唔識去呀~果條路夜晚除左屋主揸得掂之外其他人都好易成架車跌落河呀

不過果度個環境都幾好,個天同個月光都幾靚呀,睇星星真係一流

最後玩到差唔多5點度走~就係咁過左今年既中秋節

希望所有人都有一個愉快既中秋節啦!

尋晚有一個好耐冇搵過我既fd打比我~都有成年冇見過佢,一打黎就問我借錢

結果我借左六千蚊比佢,雖然我都預左佢唔會還,不過幾千蚊都唔算係d咩大數目

能力許可幫到既我都一定唔幫既,~可能我天生就係一個咁蠢既人啦,成日都比人搵苯

下個星期就係中秋節,我屋企d月餅已經多到死喇,我自己本身係唔食既,

但係我d fd都係咁比我,我又唔好意思話唔要,不過我都未算係最多,有個人比我仲多幾倍

有成廿幾盒嚮屋企~佢仲成日問我要唔要,真係多得佢唔小,好彩我阿媽已經送左d比人

不過今年中秋節我應該都冇節目~因為我玩開既兩班fd既節目我都唔想去

係返大陸玩同遊船河~唉,兩樣都係我唔去既活動,真係唔知點算好,冇節目忝
 

近來唔知點好似冇乜心機打blog忝~總係唔知可以打d咩咁

可能係因為近排既生活比較平淡d啦,冇咩特別既事好講

尋夜我收工之後去左個fd屋企整電腦~順便去探下佢個仔

我次次見親佢個仔我都有種好特別既感覺~可能我由佢未出世睇到佢識行識走

我覺得除左個小朋友係成長緊之外~我同佢爸爸亦都係不斷成長緊

其實當時我係唔贊成佢要個bb既~因為我覺得當時佢既心智都唔係幾成熟

我怕會害左佢老婆同個bb~雖然我覺得佢絕對唔係一個好既丈夫同爸爸

不過因為嚮佢既家人幫助下佢一家都總算係生活愉快呀

好彩當年佢冇聽我意見~如果唔係我就變成左一個間接既兇手,令個bb離唔到依個世界

所以我依家好似係對佢個仔特別好咁~可能係有d內疚啦

不過點都好啦~見住一個小朋友由兩隻手板咁大去到會行會走會講野,真係一件好奇妙既事

上個星期我除左返工之外,其餘既時間都嚮屋企度

咩地方都唔想去咁~有d好似閉關咁

直至尋晚我有個fd問我睇唔睇演唱會我先出街,其實本來都唔係我去既

只係我個fd既女朋友唔出得,先搵我去頂~我係一個最佳既後備 

我都係第一次睇演唱會遲入場又早走~可能我同我個fd都唔係好鍾意古巨基啦

遲左成半個鐘先入場呀,因為我地兩都覺得肚餓~所以十點幾就走左去食野

我都好小睇演唱會都覺得悶架~好似有d浪費左我個fd張飛

剛剛踏入左九月份~已經係07年既最後一季,好快今年就會完結喇

嚮對上果幾個月我犯左幾個大錯~全部都係我自己可以避免既錯誤

第一樣就係我冇盡力去阻止我個fd既一個錯誤決定~當時我係知道後果既

但係當時我都未有去盡力阻止佢~好似有d睇住佢去死既感覺,我真係好內疚

第二樣就係我竟然蠢到想去爭取一樣明知冇可能既野~明知係冇機會都做"蠢呀"

最後令自己down左成個月~總之都係自己犯賤啦

第三樣就係果晚飲醉酒~平時我係一定唔會比自己醉到不醒人事

明明都知道自己到頂,都仲飲~果日真係唔知自己做乜,比人笑到依家

最後一樣就係我唔知點解同一個人講左一句戲言,搞到大家誤會重重

我都唔知果一刻點解會講句咁既笑~真係好對唔住呀!

全部都係可以避免既錯誤~都唔知點解當時會比自己錯落去

不過我從來都唔會逃避自己做過既事~無論點都要去面對同解決所有自己既錯誤

希望以後做每一樣野都可以保持冷靜啦~三思而後行呀