做人有時真係要識得點"輸"~因為要輸得好睇,有時可能比要羸更難
其實星期日果晚我都想同你講依句說話~不過果日我心情唔好,所以冇同你講落去
唔知你仲記唔記得,我諗大約都有七.八年前
我地有次去打波~因為我最後射失球三分而輸左埸波
之後你嚮換衫既時候將支水車落地下,起勢嚮度鬧我
當時我真係好嬲架~仲嬲左你成個月,後來唔知點解好返呀
唔知你仲記唔記得有件咁既事~不過當時既畫面都仲嚮我個腦度
其實當時只係輸左場錢咋~直至今時今日你都依然係咁好勝
我覺得你係時候要學下點樣"輸"~如果可以輸得好睇既話
咁你就真係有所成長喇,因為勝利並唔係常伴你左右架~

TO:雪櫃

 今日~我同一個fd講電話既時候,佢話我寫blog好無聊

將自己既事放上網比人睇~對自己一d好處都冇,仲比d人知道晒自己d野忝

曾幾何時我都覺得自己既野~係冇必要同任何人分享,只係自己諗掂就可以

因為我以前都有寫日記既習慣,不過後來唔知點解冇寫,連本日記都唔知去左邊度

其實我依家寫blog,有d似同其他人交換日記既感覺,都幾有趣架

我每打一編野,都總會有人嚮msn覆我一d說話既,"雖然我d野多數都係語無倫次既"

即使有人睇完笑我,我都唔會介意~因為個世界轉得好快,任何事都會好快過去

成日d人都話令一個男人心煩同唔開心既事~都離唔開兩樣野"錢同女人"

但係依家令我最唔開心既野~依兩樣都冇份,可能我唔係男人啦

其實對我離講依兩樣野令我唔開心既機會都唔係咁高

錢對我離講夠用就得~可以應付生活就ok,唔會特別睇得太重要

 至於女人有時都會令我幾心煩~因為女人係一樣我永遠都觸摸唔到既動物

真係好難知道佢地諗咩~所以我自己都真係唔知應該可以點做

不過我覺得如果你真係鍾意一個人~佢開心就可以喇,得唔得到都要睇好多因素

所以我都睇得好開~就算係唔開心都好快冇事,唔會影響太大

有樣野係我依家先發現到既~我一唔開心就只有一個解決方法

就係去飲酒~依個絕對唔係一個好既方法,我諗都要認真諗下

今日,我真係好唔開心呀~因為尋晚同個fd食飯,

佢講一左壞消息比我聽,令我成晚都冇瞓

我都唔知點解,可能我d EQ低啦~或者係個天想考驗我掛

要我嚮一個月內消化兩件咁唔開心既事~真係好難頂呀!

今日返工有一個好消息~唔知點解今個月出多一個月花紅

不過~我一d開心既感覺都冇,我都唔知點解呢

經過左一陣子既渾亂之後~我個腦好似比以前更清醒,

尋晚有個人將一個難題射左比我~我用左一個好短既時間,就諗到解決辦法

雖然唔算得係完美既方法~不過仲算解決到啦

我d小聰明都算幾夠用呀~不過我既存在價值可能就只係咁