因為聽日要返工,所以夜晚我冇特別去搵節目~星期日都要返工好似好慘咁忝

收工之後我上左個同事屋企整電腦~因為有d問題,所以都搞左成兩個鐘

雖然係冇任何利益~不過我既原則就係,能力範圍可以幫到人既野我都一定做

之後我一個人落左旺角行~本來想去買下衫既,不過到最後都冇買到野

可能係因為一個行街既關係~冇乜心情去周圍睇,所以行左一個鐘左右就返左屋企喇

真係有d悶忝~

 我個blog都打左兩個月喇~雖然都唔係打得好頻密,不過起碼一星都打兩野呀

有人應承同我交換三個月日記,但係過成個月都只係睇過兩篇咋

你會唔會懶左d呀~一個月兩篇三個月都係六篇咋,如果係咁既話

好似唔係幾合乎我地交換日記既原則~我冇所謂架

依樣野係你向我提議既~我都覺得係一件有趣既事

希望你認真d去做,比d野黎睇下呀~有d期待架

尋晚同左d同事出去玩~本來話去唱k既,唔知點解之後改左去飲酒

雖然兩個活動都係差唔多,不過因為我之前應成左另一個fd會去佢果邊既party

因為要走兩場,所以唔想飲咁多酒~結果同d同事去左旺角一間上樓吧度飲

都幾好玩呀,可能係因為唔係太多人啦~我地大約有十一,二個人左右

我同佢地玩到兩點幾就走先,其實我走既時候個人已經好迷喇

不過都照"打的"去我個fd果邊玩~一去到只飲左一支啤酒同一杯我都唔知係乜既酒

就死左全冇知覺果種~真係失敗我都從未試過咁醉架,真係要同d fd講聲"sorry"

最可怕既就係朝早起身既時候,發覺自己嚮一個完全陌生既地方

我咁大個仔都係第一次醉到返唔到屋企~要去個fd屋企過夜

點都要同佢講句"對唔住"同多謝佢照顧我呀~thx

 今日點都估唔到個風會返轉頭~雖然放早左兩個鐘,不過一d都唔開心既

可能因為冇節目啦,而且返屋企果陣勁多人呀~等左好耐先上度車,同冇收早一樣

返到屋企既時候本來想搵人出去篤波~不過又覺得有d眼瞓,所以都係瞓覺好d

瞓醒都九點幾,想搵人出去食野又冇人得閒~為有自己煮麵食啦

我又發覺原來我都好耐冇自己煮過野食喇~可能幾年都有

嚮依刻我覺得阿媽煮野係好辛苦架~有咁多野要洗,真係超麻煩

所以我以後要比下面多d嚮屋企食飯

"今日打風呀"~未打到好似會打咁,我見公司d人都好似準備晒,應該會打到掛

唔知點解呢每次打風我既心情都會唔錯架~就算有冇假放都係

雖然我知道風對好多人都唔係一件好事,仲可能會好麻煩忝

但係我真係幾鍾意打風落雨架~因為我係好鍾意睇d咁強烈既自然現象

我記得以前曾經同個fd上山睇行雷~真係好近架,雖然危險不過d感覺真係好正

除左睇行雷,我地又上過大帽山睇結箱~仲有8號風球既時候去沙灘睇浪

全部都係d唔錯既經驗~不過都係十年八年前既事喇,係讀書先有咁多時間

其實我地大家咁岩都鍾意去睇下依類野~所以先咁friend咋,而且大家都鍾意影相忝

不過佢依家都去左南美旅行~要有排先有機會一齊去影相喇,