尋日係我今年第一次請病假,我成日同人講話我好少病

其實我諗可能事實唔係咁架,可能我都係成日病架

只不過我係唔理佢咋~等佢自己好返

可能我可以講係我既自癒能力比較高~又或者係我條命賤d掛

尋日起身既時候都唔覺得有咩問題~不過當我行落街既時候就覺得好唔舒服

上到火車之後仲覺得好頭暈忝,所以都係決定返屋企休息

其實之前果日都已經病緊架,有d好似之前果日報定名要請病假咁~哈哈 

 今日返工既時候都仲有少少唔舒服~不過做左一輪野之後,就完全好返晒

所以我諗我都辛苦命,唔可以休息咁多~一定要做野先會好返

好似好耐冇寫過依個日記喇,近來我好似張所有既野搞到好亂呀

所以都冇乜時間同心機去諗下打d咩上blog到,~

不過,我真係要同一個人講話"對唔住"呀,一個星期內放左佢兩次飛機

一次我自己冇記性,又係我果d間歇性失記症~第二次我都真係冇辦法,突然有野做呀

真係一萬個sorry呀~我以都唔會咁冇記性架喇

另外~好多謝各位同我擺大壽呀,雖然好似比人玩多過似係慶祝

不過都好多謝你地呀~果晚我都比你地玩得好開心,真係絕冇緊有呀

下年如果仲有命既話~都可以考再比你地玩多次,不過要諗d好d既橋囉

有一件事,如果站嚮一個觀賞既角度我一直以來都好想睇下

不過站嚮朋友既角度就好唔想佢發生,就係阿細同雪櫃打交

我都諗左好耐應唔應該嚮blog講下依件事~因為你兩個都可能會睇到,點講好呢

一個學過泰拳,一個係空手道黑帶~真係好有free fight既感覺呀

不過我唔該你兩個都同我冷靜d喇,依家又咩咁大件事~要去到依個地步,幾廿歲喇

就算真係要打交都唔係嚮酒吧啦~好彩果個埸係我地既主場,如果唔係己經上左差館喇

你地搞到其他人個個都唔知點算好~我離到好似去錯地方咁一偏死寂,成地玻璃碎

雖然我趕唔切同阿sue切蛋糕,不過都趕得切搞返掂個你地~搞佢地個個都好似好驚咁

如果打完一埸交就可以冇事好返既話~咁痛痛快快咁打一場,

我真係唔介意做一次裁判~我都做過跆拳比賽既裁判架,

但係你地係唔係好想打對方先~大家都識左有十年八年喇,話長唔長,話短唔短啦

雖然你地一直都有少少心病~不過我都睇得出你地都有d互相欣賞既地方

只不過大家都係好勝~如果你可以每人讓半步既話,應該可以做返兄弟架

今次就當係我遲到唔岩喇~下星期再去飲野呀? 

雖然我好似滿不在乎,一d都唔緊張~成日都係見步行步咁

不過其實我一早已經諗掂晒啦~唔駛再比咁多意見我喇

唔好以為我真係萬不驚心咁啦,依種態度係我本身既性格離~冇得變架

總之有我嚮到冇問題喇,我會搞掂~放心去玩,不用多想喇

嚮某一些時間可以欺騙所有既人,亦可以嚮所有既時間欺騙某一些人

不過絕對唔可以嚮所有既時間欺騙所有既人(包括自己)~