如果任何時候都可以黑白分明真係幾好~可惜有好多事情每每都存有一點灰色地帶

是非對錯好多時係視乎觀點同角度,所以好多時做事都要從多角度諗

可能依家個人大左啦~當身邊既人做錯野,明明好似佢係絕對做錯既

但係我都會嚮佢既角度睇下,如果我係佢既話會唔會做相同既事

再細心諗下有冇值得原諒既空間,所以明明係好嬲既時候

只要冷靜咁諗一諗,好多時候都可以搵到一d原諒其他人既理由

今日~阿細倫打電話比我,令我有d驚喜既感覺

原來佢嚮上個星期返左黎,仲比我揀手信先1-5~我揀左4號

雖然都唔似係好野,不過都應該係一d幾有趣既野

其實最重要既係想聽下佢既南美之旅有d咩見閒~聽下故仔

話快就過左幾個月喇~d時間過得真係快,好似一去左就返黎咁

唔知佢點呢~好唔好玩呢,過幾日去食飯真係想聽下呀

有時候我真係唔知點解,嚮大部分既時間我都可以包容其他人既犯錯

不過,每當係自己犯錯既時候~我都總係好難原諒自己

而且每每有d咩事同其他人有磨擦,我都一定會諗下自己有咩做錯先

其實依個做人方法,可能本身就係錯啦

如果係咁既話係唔係應該重新調整下自己既處事方法呢?

 我好多時都覺得自己係唔夠級數既,不過我真係唔點樣去定一個人既級數

可能搵錢既多少或者係識既野有幾多啦~

因為每個人既價值觀都唔同,所以係冇標準既~不過嚮大部分既情況下

自己既級數都係其他人比自己既~所以自己點諗都唔會係最真實

一定係會有高低~有d人會自視過高,有d人又會欠缺自信(包括我自己)

所以要嚮兩面取得平衡一d唔易呀~做人就係咁難

前晚上左我同事既一個ｆｄ開既影樓度影相~我係第一次去依種地方影相咋

我以前一直都唔係太鍾意咁樣既影相活動，因為好似嚮一個好細既空間度不斷影同一個人咁

冇乜影相既樂趣，構圖又欠缺彈性∼影出黎既都冇乜特別

不過依家我發覺純粹影人像係第二種技巧，除左要去捕捉個model既神情外

最重要既就係點去叫佢去配合你~依樣係最難既野

所以都係有一件有樂趣既事~雖然不至於愛上，不過d感覺都幾好呀

下次都可以再影∼