今日去左睇容祖兒演唱會~雖然我覺得唔係幾好睇

不過,我發覺如果以單一個歌手黎計~近依五,六年我聽既歌,

可能容祖兒係最多既~我既ipod經常都有佢個名出現

其實我又唔係特別鍾意佢,只係佢d歌o岩聽咋

由此可以證明我d品味係幾咁低~!

唔知點解我係幾鍾意睇演唱會架~不過去影歌星我就未試過

可能離緊會試下,因為有人叫我去影郭富成

果個人有兩張前排飛叫我去影相,不過好似冇人得閒同我去睇

所以我諗都未必幫到佢喇~真係要諗諗先

今日真係非常凍呀,我都好小嚮屋企都要著咁多衫架

全日都冇出過街,訓足成日~咁就浪費左一日假期忝

本來諗住今日得閒可以出去影下相既,

不過,天氣太凍喇~搞到我都唔想郁,我真係太懶喇

咁樣都好既可以休息一下,對上果幾日冇乜點訓過覺

真係有d累,同埋做野冇乜精神,成日都係唔知想點~乜都諗唔掂

仲有一個星期就過(年)喇,我都唔知有咩節目忝~放假放到初八

都幾難搞,放咁多日假~我諗都會幾悶

希望各位都有一個快樂既新年假期啦!

睇得見既問題,都一定有解決方法

往往最難應付既,都係一d你睇唔見既問題

因為總係會嚮你毫無準備既時候出現,

聰明既人睇到既一定比蠢既人多

好多時我都覺得自己已經算得上睇到好多野

不過,原來當我諗到第三步既時候,已經有人諗左十步甚至三十步

可能我只係一個自以為事既蠢人啦~

今個星期都真係幾忙呀~成個星期都冇嚮屋企食過飯

五日夾埋都訓唔到廿個鐘,加上天氣咁凍起身都幾辛苦呀

依幾日去既場合都係要飲酒,搞到我依幾日飲既份量可能多過我半年既總和

不過~我都唔係覺得好累,希望下星期可以休息返夠喇~

前日星期日同d fd去踩單車,搞到成個人好似散左咁

要到今日至完全復元~依家d體能真係差左好多呀

以前一定唔會咁累呀,得閒真係要做多d運動