有個fd問我個blog張相係咩地方?佢問我依個問題令我覺得幾好笑

因為佢都應該去過既,所以我都冇答佢~可能佢掛住做其他野冇留意個環境啦

我就比較鍾意週圍影相,所以依家post張大d既相~比佢認下啦!

今日星期日冇野做,訓到成點幾先起身~都幾無聊呀

不過夜d要去幫人影相,但係到依家我都未執野

訓醒覺都總係唔想郁咁,個人好似懶左好多咁

成日將d野放到最後至做,真係要改下呀!

今日係08年第一個工作天~希望各位今年工作順利啦!

前晚大除夕我去左兩個節目,第一個就係去唱k

係一個好多人既節目~真係有好多九唔搭八既人,識都識唔晒呀

我其實最唔鍾去依種活動~因為有太多唔識既人嚮一個咁細既空間度

雖然我一樣可以同d人玩得好開心~不過我總係覺得有d唔知點咁

之後就去左個fd屋企玩~例牌都寫下d新既新年願望

我最怕既野就係要羅返舊年果張出黎睇~因為冇樣做到,哈哈

之後尋日全日休息~好爽呀! 

各位聖誕快樂呀! 

依幾日天氣突然凍左好多呀~小心身體,唔好凍親呀!

有時候做人真係好奇怪,當個天比機會你既時候~而你唔去珍惜

當機會過左之後,自己個心都總係有一點後悔既感覺

其實又唔可以話後悔~不過心知返唔到轉頭就有一點失落感

我個人都係犯濺架喇! 

咁快又到聖誕啦,d時間過得真係好快呀

唔知點解自從讀完書出黎做野之後~聖誕節都唔係一個特別開心既日子

可能係因為假期比較少,又可能係因為我冇女朋友啦

對於我黎講依d日子絕對係唔好過,因為都係過得比較悶

本來都唔駛咁悶既,不過有好多野同地方係我唔會做同唔會去

我既原則同道德標準係比較高既~

哈哈,唔好誤會呀我唔係想話d咩人呀

我就係一個寧缺勿濫既人~所以都係冇乜好下場

不過,點都好啦~各位聖誕快樂呀,希望個個都過得開開心心啦