有好多時d人都會話如果可以有多一次機會重新選擇過既話~所有野一定會更加好

不過對於我黎講大部份既野~都係冇重新選擇既如地

因為每個選擇當時都總會有原因或者理由去支持既~即使揀選其他既選擇都可能係一樣

我相信大部份既事情比我重新揀過我都係會揀返相同既選擇

而且我覺得選擇係一件痛苦既事~諗得愈多揀得愈錯

其實嚮作出選擇之後就應該對其他既選擇放手~根本唔可以諗返轉頭

我諗由依家開始我要學習下一個人去做所有既野~

因為我地個四人小隊,有排都齊唔到人呀

一個去左南美旅行,一個上左大陸做野要幾個星期至返

仲有果個下星都要去歐洲旅行兩個星期~咁都幾得意呀同時間三個人都唔嚮香港

剩返我一個都幾悶播~冇晒人同我去飲酒,夜晚冇訂去忝

睇黎都要諗下辦法搵節目喇~!

好一句"世事如棋"~我都幾鍾意依句說話,

既然你玩讀後感想~我又同你玩下

雖然你都係嚮唔知邊度抄返黎既~不過都真係唔錯呀

有好多人以為自己係下棋者既時候~往往到最後先發覺自己係棋子

其實又有幾多人係可以有能力做足棋果個呀~就算再聰明呀極其只可以預計兩三步

之後要點行都係睇個天~因為生活上係冇固定既對手

同你對亦既人同事,係有無限咁多~不斷都會有變數,所以係冇辦法完全預計

我覺得到最後下棋既都係個天~!

今日本來都冇諗住寫blog既~不過唔知點解明明好攰都唔能夠入睡

依種身體狀態係我最怕既~因為真係好辛苦架

今日同d同事去左電漫展影相~對於我黎講一d都唔好玩既

因為嚮d咁多人既環境影相~同d人迫係完全冇左本身影相既樂趣

不過d同事叫到咪去行下囉~所以我都冇乜點影

仲行左好耐,真係行到攰呀~係咁

希望可以睏返兩個鐘啦,如果唔係聽日會好難頂架

今日收工我同個同事落左旺角,去買我既新玩具~第三支既紅圈鏡 24-105 f4L IS

其實依個量程既鏡我之前已經有兩支~不過係平D冇個紅圈咋

可能都係有D心理上既影響啦~真實上紅圈(L)鏡係唔係會質素好D,我都唔敢肯定

不過個個用CANON機既人都話要用紅圈鏡,我冇理由唔信架

點都好喇都買齊晒三個量程既紅圈鏡 

17-40 F4L, 24-105 F4L IS, 70-200 F2.8L IS

雖然頭段果兩支都只有4光圈冇2.8,不過我覺得都好夠用喇,

最重要係輕好多呀~冇2.8果D咁重

買完野之後我去左九龍塘等我個fd,我都等左佢好耐呀,成半個鐘

本來嚮又一城度我一個人行既時候都有諗過去搵下另一個fd既~不過最後都冇搵

因為我怕會阻住人做野~而且佢都未必想見到我呀

之後我同果條遲到既"戊利"返左粉頒食飯~食完之後再出左去旺角唱k

不過一d都唔好玩,仲係勁悶果種~因為d人真係好唔岩玩呀又冇計傾,悶死

唱到一點左右就即走~本來仲有訂去既,不過我都係選擇返屋企睏覺

就係咁過左一個星期六既夜晚喇~!