尋日我個fd出發去左南美旅行~佢話可能會去四,五個月先返

其實我真係羡慕佢可以用咁多既錢同時間去開下眼界~

雖然佢因為要轉工先有咁多時間~不過去幾個月旅行我相信要用上一個天文數字既金錢

佢以前都試過去大陸旅行半年至返~用一段咁長既時間去睇下個世界我諗就未必得喇

我同佢相比下我所認識既世界就真係一個好細好細既細界

佢成日都話想嚮有生之年盡量去睇下全個世界~我都希望佢可以啦

其實我鍾意影相都係受佢影響架~不過d技術就冇乜嚮佢度學過

尋日朝早我仲send左個短信同佢講~"唔好坐客機去,用貨機運返黎"

好似好衰講d咁唔吉利既野~不過點都好啦,我都好期待佢返黎同我分享依個南美之旅架

今日收左工之後去左做一樣我好耐冇做過既事~就係同班fd踢波

雖然我遲左半個鐘先到球場~但係我都未係最遲既一個,真係好彩有人遲過我

踢波依個活動只可以間唔中做一兩次~因為依家年紀大,起碼要休息兩日至可以復完

全埸莫講話射波呀,只係踢波我都唔知踢左有幾多腳~

只係不停咁走上走落,追追逐逐~你都唔好話唔辛苦,又熱到死

飲左幾支水都頂唔緊呀~所以一完場連食飯都唔去食就返左屋企喇

不過運動完出身汗,充個涼~都真係幾爽架,果晚仲會好好睏忝

其實我一向都係比較鍾意打籃球多d既~比較小踢足球,所以技術係差d

今日可能係我累輸波啦~再有下次我一定會盡力d唔會再輸波架喇

但係我諗都要好耐之後先有下次喇~因為要約咁多人真係一件有難度既事呀!

你話你成日做左野冇人睇~我尋晚好認真咁諗過點答你

我覺得唔係每個表演都需要觀眾~再多既觀眾可能都及唔上一個"知音"

其實你只係需要一個知音就夠~冇必要再搵其他觀眾啦

我個比喻可能抽象左d啦~不過我諗你會明白既

返黎搵我食飯啦~四個月後再見,保重呀! 

因為上個星期日冇放假~所以我連續返左13日工呀

雖然唔算得好辛苦~不過都真係好唔夠睏呀

因為平均每日都只係睏3,4個鐘~仲有一晚通頂忝

所以今日邊度都冇去~只係睏左一個長覺,真係好爽呀

不過就浪費左一日假期喇~有d可惜

尋晚去左同d同事食飯~其實次次去親依d公司既飯局,都唔係食飯既

多數都係由頭賭到尾既~我諗問返好多人食過d乜都可能唔知呀

雖然我唔係幾鍾意賭錢~不過間唔中玩下都幾有趣既

我一向都係一個運氣比較差既人~所以尋晚都係要放低幾舊水啦

不過我一d都唔介意輸錢呀~因為我賭親都預左輸,反而贏錢走仲唔慣呀

近來唔知點解做左幾多都幾無聊既野~嚮幾晚前同個fd出去食宵夜

之後佢話佢屋企個電掣有問題叫我去整~去到我只係用十五分鐘整完

唔知點解佢突然好有興致同我坐嚮天台度吹水~結果我地一人拎住一支紅酒吹水吹天光

其實咁樣睇住個天由黑變光d感覺都幾好幾舒適架~之後我就坐的士返屋企充個涼就返工

但係返到公司真係好眼睏呀~

其實我地以前都試過坐嚮海賓飲酒飲天光~不過都係好多年前既事喇

咁無聊既事我都重複再做~證明我都真係一個幾無聊既人

另外我想同佢講聲"一路順風,有去有回"啦~希望佢唔好有去冇回呀