今日~嚮公司有個人問我一d野既意見~詳情係咩就唔講喇

不過~當我詳細分析比佢知~依件事係唔可能既時候~

佢黑晒口臉咁走~好似我嚮度潑佢冷水咁~

我做人一向都係諗晒d最壞打算~所以講野多數係唔好聽架

依個有可能係優點~不過大部分時間都係缺點

我覺得做人既野~雖然有時要因應環境作出調節

但係盡可能都係忠於自己既想法~

 今日嚮放工既時候突然有d頭痛~令我即時諗起尋日先同人講過好耐冇病過

心諗唔係咁邪掛~"開口中",同時我記得果個人係病緊架~

所以即刻send短信問佢好返未~不過我諗佢都應該好返好多

之後就同d fd去左睇戲~睇左"戲王之王"~

我覺得都幾好笑呀~都唔係之前我個同事所講咁差呀

阿sa做得都幾好~有超水準表現呀

不過~收尾有d求其,整體都有70分既

今日唔知點解做野好似集中返好多~上個星期成個星期都好似遊魂咁

真係好對唔住同我一齊做野既同事呀~好彩我平時好小係咁

阿細我想你代我同你個妹講句"對唔住"呀~

因為尋日嚮msn到講野講得太絕喇~佢太煩喇成日問d我唔想答既問題

或者係我唔知點答佢好~唔好意思呀遊船河我唔出喇~

其實你想點我係好清楚既~想示威呀麻,你羸到阿雪櫃係好應該既

冇咩特別呀~不過唔好太吋喇,好易搞到大家不和

 尋晚又去左飲酒~不過唔係平時果d人腳

大部分既人我都唔識既~所以唔係幾好玩~

而家就算識度d新朋友有幾傾都冇用~轉頭我已經唔紀佢係邊個

第二次再見到可能連佢叫咩名都唔記得~

今朝唔知點解鬼咁就起左身~飲完酒第二朝總係有好d失落既感覺

每次放假~如果冇預早安排定節目,都總係過得好悶

我發現我只係鍾意放假前果晚出去玩~

有時覺得可能返工仲好d~

時間多既人~始終都係有好處

佢可以4,5點去接人收工~而你唔可以就冇計喇