我都好似好耐冇打個blog喇~依兩個星期都幾忙,好多野要做呀!

今日心情好差呀,唔知點解近排所有想做既野都做唔到

好似樣樣都好唔順利咁~真係令我有d開唔心呀

有時候有人同我講一d我唔想聽既說話,我都有d衝動同佢大吵一場

不過,我個心好清楚同人嘈係冇用,除左會令大家關係變差~根本毫無好處

即使自己幾唔開心都好~我都會吞晒落肚,絕對唔會對其他人發洩既

可能係我自以為事啦,我覺得自己可以容得下所有難受既事情

我都唔知自己條抵線嚮邊度~或者依個本身就係一個問題啦

唔知咩原因依家做任何事,都好似要諗幾次先可以下決定

可能係因為個人大左啦,好似冇左以前既果斷同反應

雖然犯錯既機會相對係小左~但係總係覺得諗野同做野都冇以前爽快

我自己比較鍾意以前既處事方法~依家好似D轉數都慢晒

不過都冇辦法啦習慣改變左,係返唔到轉頭架~接受現實啦!

今日係情人節~希望各位都有一個愉快既晚上啦

放左個幾星期既新年假期,今日係返工開年既日子

第一日返工如果冇咩特別意外既事~都係冇野做,同收早既

只係返去收利是,同拜神~行行企企就過左半day喇

尋日去左元朗既南生圍影相,本來我以為果度個境會幾靚

點知去到先知只係得幾棵樹都幾疏落忝,同我預期差好遠

而且係坐的士入去,要行返出黎都幾遠呀~要個fd同我行咁遠路

真係唔好意喇,好似點左佢同我去影相~又影得麻麻忝

不過,今次都係自己懶冇查清楚d地點同環境

下次一定要做好d資料搜集先好去,

放左新年假期幾日我就差不多病足幾日~咳到我想死

好彩今日好返好多喇,所以就出左去行

雖然都冇咩好做,天氣又凍~真係邊度都唔想去呀

只係去左同個fd食飯,同上左佢屋企坐下就返左屋企

都幾無聊呀,冇計啦~冇咩好做麻,

不過,嚮佢屋企樓下既公園見到有個阿伯嚮到劃畫

所以嚮佢背後影左張相~都幾得意架!

各位新年快樂呀~

祝各位來年都可以不勞而獲啦!