有一件事,如果站嚮一個觀賞既角度我一直以來都好想睇下

不過站嚮朋友既角度就好唔想佢發生,就係阿細同雪櫃打交

我都諗左好耐應唔應該嚮blog講下依件事~因為你兩個都可能會睇到,點講好呢

一個學過泰拳,一個係空手道黑帶~真係好有free fight既感覺呀

不過我唔該你兩個都同我冷靜d喇,依家又咩咁大件事~要去到依個地步,幾廿歲喇

就算真係要打交都唔係嚮酒吧啦~好彩果個埸係我地既主場,如果唔係己經上左差館喇

你地搞到其他人個個都唔知點算好~我離到好似去錯地方咁一偏死寂,成地玻璃碎

雖然我趕唔切同阿sue切蛋糕,不過都趕得切搞返掂個你地~搞佢地個個都好似好驚咁

如果打完一埸交就可以冇事好返既話~咁痛痛快快咁打一場,

我真係唔介意做一次裁判~我都做過跆拳比賽既裁判架,

但係你地係唔係好想打對方先~大家都識左有十年八年喇,話長唔長,話短唔短啦

雖然你地一直都有少少心病~不過我都睇得出你地都有d互相欣賞既地方

只不過大家都係好勝~如果你可以每人讓半步既話,應該可以做返兄弟架

今次就當係我遲到唔岩喇~下星期再去飲野呀?