近來真是很懶，我的生活圈子太小，上班、落班，一d新鮮感都冇，工資祇夠基本生活多點，有時想吃好d，也要左計右計，食餐好的，要用好多餐唔好的去換。香港的經濟呢幾年都唔好，今年唔減薪已偷笑，近來多看網上小說，不用花錢，愛情，科幻，神怪，總之開心就可以。看見現在讀書的一群，總是覺得他們真是身在福中不知福，但當年自己有的時侯也是不會真惜，所以也不好再話人，比人講翻，自己也冇說話好講。

剛看完了一個我的好友的日誌，而架d年青人真係唔知林勿，細細個鍾意個大十幾年的，係唔係戀父狂。而家d後生，唔係拍丸，就係援交，好d就祇係拍下拖。唔知讀咩書。到出黎做事，高又冇學歷，低又唔想做。最好就係輕輕鬆鬆又收入高。雖然我自己都唔相信一分耕耘，一分收獲，但冇付出過，一定冇收獲我係好相信。自己做事又唔夠心狠手辣，唔想踏著別人爬上去，祇好自己勤勤力力一步步爬上去。就因為我自己學歷唔夠，年青時有書又唔讀，所以而家睇見d年青人唔讀書我就有d嘮騷。

今日係母親節，對我來說祇是一個周街都是人的星期日，想慶祝而母親已經不在。自己小時總是覺得母親很煩，沒有母親管住幾好，到母親真係離開了，剛失去時那個感覺不是很強烈，但隨著時間越久，沒有好好對待母親，關心母親，好內疚。真是子欲養而親不在。自己對養孩子也有點擔心和害怕，長大了很反叛我要點對付。所以睇到現時的年青人，對家人的反叛，覺得他們很可憐，到將來自己做人父母時，再受回這個結果，不知心情會怎樣。但現在你不厭其煩的說，祇能換來吵鬧的收場。這算唔算天理循環。報應！抵死！

今天天氣好像很熱，但又有點風，今天要外勤工作，上午去西貢，下午去大埔，呢兩日總係覺得有d又悶又眼訓，冇心機，但要向上爬是要付出的，想偷懶都唔得。維有頂硬上。

轉來這公司個多月，開始了解周圍的環境，這個有六十多工人的部門，有幾派人，要做到面面俱圓，真係要花好多工夫，需要時間，我給自己定下目標，兩年內一定要升一級，睇住o黎。我一定得。