狗年無運到，次次中文抽查背書都有我份，而且次次我都係唔識。今日自己仲大大聲話實唔會係我ge，點知一個轉頭就中左獎，可能係今年利是攞得少先至咁唔利是!
哩幾晚都有去自修室溫書，但都係無咩料到，可能係d火遲左黎，都係耐心d等等先!
唔知做咩，都係幾日唔見老婆仔傘，琴晚成晚都好掛住佢，搞到我訓得唔係咁好，今朝仲好早就醒左，老早返左學校!
琴日就諗住今日要八點醒，用多d時間溫書，點知今日事不如願，剩係溫得果一個鐘頭，唉!都唔知點面對自己。
驀然回首，我覺得哩排d fd個個都好似好多心事咁，可能大家都大個左啦，無以前咁天眞，想做咩就做咩，自由自在咁，會考將臨，一定會有d壓力，我諗開心d去面對先係正路黎!
今日睇完篇驀然回首黎，突然有d衝動，想做個作家，但自己知自己事，都係三分鐘熱度黎傘，家下嘜火都無晒囉!覺得自己好似無樣得，做咩玩咩都係半桶水，眞係好想知自己邊方面最得，全力咁做好佢，唔想再係度浪費時間。
今朝好少人返學校補課，返到去如常地做練習，我地邊做miss就邊同我地解釋，luch完果時就係度玩美式足球，最博都算係阿福啦，為左搶到個波，嘜鬼招都用盡，都算幾開心!
今日老婆仔都算係咁啦，見我病就話同我地一齊係屋企休息，唔出街。但差就差在佢係佢屋企我係我屋企咁......
食左成日藥，個人都無咁頭痛，都無咩流鼻水，於事乎就好俾心機咁整左個個人圖像，整咪動畫，都幾好玩下!
聽日大隊要去BBQ，但我因多方面ge問題而去唔到，我都覺得有d對佢地唔住tim!但都無法啦，我都唔想ga~!!
