世貿迫人，可恨！
韓農苦況，可悲！
港警堅守，可敬！
飄飄然地歷過周末，ｈｏｎｅｙ英勇過人，單衣抗寒，令人敬佩！華拉精英，未來之球星也！
琴日叫咪大佬甘，ｃａｌｌ咪阿福一齊去訂位，鋪定路等２４號有個開心平安夜！訂完之後諗住去買聖誕禮物俾老婆仔啦，點知俾人買左先，要定先有貨！跟住見無咩做咪兩個ｈｋ ｐｏｌｉｃｅ挾住個南韓農民去灣仔睇人地示威！行錯路，去到最後防線，為有影下相咁啦，越行就越入，睇睇下地方，嘩！會展入口就係正對面馬路，咁咪俾成群防暴警圍住，我地好彩ｄ，話晒都係同事黎，自己友好話事，俾人問侯幾句就無事，走得！個南韓農民就慘ｄ，俾人問到口啞啞，無聲出，但最後都無事，放左佢走！
咁行左陣我地就到左個有示威者ｇｅ示威區啦，好彩ｄ南農都未走！影下相，睇下野，示威咪一份ｔｉｍ！跟住走之前仲同佢地攞左條頸巾作記念！個ｆｒｅｅ眞係好正，好正！都係果時先知示威係咁正，咁好玩！但十一點過ｄ就被迫離開左囉！唉,我未滿足呀~~!!!
今日一返學就諗住放學，可以去深圳接阿哥!係上地理堂果時俾阿雞係咁xy我，後尾先係阿何口中得知佢屋企有d事，先會咁火!跟住放學果時係門口等極品，但佢遲遲未黎，為有同細王攞張紙仔寫便條俾佢，跟住飛返屋企，點知阿爸一早去左接阿哥，唉，失望!
|
