琴晚好難得地同老婆仔去行街，之後同幫fd吹左陣水，佢地就急急腳話要返屋企囉。咁又係ge，我就正值日頭傘，人地個個都係半夜，趕住返去訓覺。為有返屋企訓啦，可能哩排細膽左啦，聽左陣恐怖熱線就急急腳轉台，聽聽下歌訓鬼左，訓左陣又彈左起身，咁就眼大大到天光，期間諗左好多好多野。
曾經ge一段感情，由於自己ge無知、死要面，令自己做得好錯好錯，諗起果陣時ge自己實在太賤格、太無齒啦。而且到現在個原因我都唔係好清楚，如果可以的話，我眞係想了解返，得個知字都好啦，最起碼等我唔使抱憾同自責。
同老婆仔離離合合過好多次，我諗都係時候學會珍惜啦，唔好等到時自己又後悔。
無啦啦又諗起左做人最基本係要俾人尊重，哩樣野我睇得好重要ga，我好地地咁生出黎，做咩要俾人侮辱先。所以呢!下次再聽到有人亂咁叫我，我實會講一係你好好地叫我，一係你就唔好叫我，我當識少一個。再唔係就打過傘，我都唔屎得去邊。
又無啦啦諗起左阿福，知佢平時唔係好鐘意人地叫佢阿福，一於等我開路，叫佢阿良，阿良、阿良，叫得多都幾順!
幫精英隊禮拜一就要出發去尋樂，我就因一d事而去唔到啦，希望佢地玩得開心d，唔少得緊係記得買返d手信返黎啦~!
諗起左自己欠咁個知己，眞係好想有個知己，可以同佢嘜咁傾嘜都講。
成晚個腦都好清醒，諗左好多好多野，開始覺得自己有d婆媽了，慘囉!
|
