玩咪哩個星期啦!
今次一於打孖上，起雙飛。一次過感受下興奮、刺激~!
做下7-11又做下m記咁....都係第一次一次過做兩份工，唔會好辛苦掛，我諗都頂得住ge，都係玩下先，頂唔住先放手啦~!
琴晚訓得好好，我諗今晚謝師宴都唔會差得去邊~!我都算為左佢付出左好多，出錢又出力，希望今晚玩得好d啦~!
[ 強人是我~能驚天動地....]
不得不稱讚下自己
實在太勁啦~!
話說星期日我就返夜ge...
23-07
咁放左已經係星期二黎
返左屋企沖下涼就同朱仔去買衫啦
到左成三點到先返返西環
咁我整咪野就四點到先訓
七點到又起左身
跟住都一路眼大大
訓極都訓唔到
可能慣左日頭訓夜晚做野啦
為有聽收音機啦
聽完新香蕉俱樂部、恐怖熱線及聽唱不野天
到左七點到就起身叫醒細佬妹返學
自己就九點到返左學校綵排
放左之後打左陣機又去左cwb攞野同買野
返到黎都成十點幾......
兩日時間剩係訓左三個幾鐘
強人已經唔係咁合適我
都係叫自己超人啦
超出常人所能做ge事
時間眞係過得好快好快~~
做左幾日就有成千蚊收
都算唔錯啦
之前覺得返夜好得閒好自由
自由就幾自由ge~~
但係哩幾晚晚晚d時間都唔夠我用
由一返工就做到收工
食飯時間都要一路食一路做先得
好似琴晚咁啦
又多貨要set
仲無無啦有兩個阿叉係度大戰
打交唔緊要
最衰係要我收手尾
後尾d差佬黎到又係度問長問短
左住晒我d時間
想買套西裝都咁煩
到家下都仲未買
前幾日就有d小事發生先冇買到
琴日諗住同老婆仔去買
點知自己又眼訓
又係無去到
諗住約佢今日啦
醒唔起佢都仲要返學
自己一個去又怕揀得唔好
為有叫咪朱仔去幫下眼啦
希望今日揀件好d ge
等7號可以著得舒服d啦
頭先返屋企時經過wellcome
見到set貨d人個個都係big man黎
諗起左honey同阿何
笑之而過之
過去已成歷史
我都唔想多諗或多提
無論誰是誰非都好啦
已成過去
已經無哩個再提ge價值
