今日上第一堂係電腦,
原本仲以為可以學到d咩,
點知今日係學......申請E-MAIL啊!!!Σ(ﾟДﾟ)
結果今堂我全程都起度上網XD
阿sir亦都唔介意- -+
佢仲話下堂學「軟件安裝」（ノ ﾟДﾟ）ノ　＝＝＝＝＝＝＝　┻━━┻
遲下仲話教人用facebook,
全堂我都超想吐糟(汗)

到左英文堂,
竟然學介紹自己(我暈了)
我再睇下佢俾我果份教材,
之後學既係one two three(死)
再之後係月份ヽ(`Д´)ﾉ
再再之後係時間(屮ﾟДﾟ)屮

多麼強勁高深度既課程啊...(汗)

放lunch果陣食完飯迷左路,結果遲左幾分鐘番去- -|||
天水圍d路真係全部都一樣...


放學後走左去銀座打機
去到果陣部djmax冇人玩,太好了ヽ( ･∀･)ﾉ
我第一時間試左今日更新既每月Special,
今個月既SP第三隻歌後段超鬼畜,
我又要投入銀彈去練啦(汗)

我始終都係搵唔到人可以陪我玩DJMAX呀!!!(咆哮)


番到屋企突然母親大人拎住枝野問我染唔染髮,
結果而家成個頭都茶色(淡)啡- -+
染髮的原因其實是因為很多動漫男主角都染髮(笑)
希望不會被小朋友將我當成壞哥哥吧(`･ω･´)

話說今朝趕時間攪到連頭都GEL唔到(汗)

=======================
超電磁炮動畫版不錯~（・∀・）

=======================
突然好想有個妹叫我哥哥(;´Д`) (瘋了)

今日第一日番學~
上水出天水圍真係激快,25分鐘就到( ･∀･)
(但係其實架巴士既速度慢到嘔肺- -)

落左車之後,我都係迷左一陣先搵到間學校,
我發現阿sir講野勁慢,仲係咁重復,
原來教電腦野既阿sir個個都係鐘意攪d冇人笑既爛gag(汗)
其實應該講係廢話至岩XD

我已經好耐冇乖乖咁坐起度上堂(`･ω･´)
話說之前番毅進我都係打機同訓教(汗)
不過我今日聽聽下書都不知不覺番著左(;´Д`)

LUNCH果陣我都係跟住一堆學生先搵到地方食飯(暈)

本身諗住放學行去銀座行下街打機
點知放學果陣已經5點,結果都係搭車番屋企- -+

因為聽日放4點,我點都要去銀座一轉(`･ω･´)

============
尋日終於睇左phantom 26話
結局果然黑到爆,
聽聞佢係跟原作結局鈴二被EIN殺死,EIN再服毒自殺
總之都係死晒｡ﾟ(ﾟ´Д｀ﾟ)゜｡
明明大家都係想一齊,點解係要殺死對方,真係百思不得其解（´・ω・`）

==========
俾人影到唔知點既學生證

遲來的中秋節快樂\(^o^)/~~~~~

尋晚約左FD起夜晚10點紅磡火車站等,
岩岩好因為中秋節,所以我九點就放工
放左工打左陣DJMAX先走~

話說尋日係我番榮華既最後一日,
收到5800果陣真係好開心,好多野想敗（・∀・）

=====

到左10點去到紅磡同成班友會合,有康,水怪,泉媽,肥聲,牛仔,輝,kathy,蚊仔,怪獸
之後行去尖咀,去左一間酒吧,這是我人生的第一次- -+
(其實我仲未夠18呢xd)

去到一坐低,二話不說就玩大話骰,
玩玩下有個阿姐賣花20蚊一枝,
結果全男一人買一枝送俾kathy - -

之後又玩成枝啤酒吹晒佢(汗)
不過其實我唔鐘意飲啤酒（´・ω・`）
仲有之前嘉士伯廣告有句:「嘉士伯, 可能係世界上最好嘅啤酒!」
我絕對係第一個反對尼一句既人(#ﾟДﾟ)

結果飲左兩枝之後我都廢事飲,
醉左好麻煩,加上啤酒好易嘔(汗)
我不是M的嘛~


之後同fd玩飛標~好過癮( ･∀･)

最後...飲醉左訓低既人既命運都係俾人玩
 
 

當走果陣已經係朝早6點,之後去左紅磡火車站M記坐,
竟然仲有人提議去睇戲,好在最後都俾眾人否決,
唔係既話我真係入到場訓著教orz

之後搭火車番到上水,衝番屋企沖涼訓教!

好~而家煲番d動畫大結局先,
又要好多10月新番要追啦( ･∀･)

聽日開始要出天水圍番學嚕=w=+
間學校就咁叫青年學院,真係夠簡單w
我諗聽日唔會起天水圍迷路掛(汗)

========
月圓可以做既野有:賞血,召喚惡魔,召喚使魔,同吸血鬼隻揪w

今朝掛住DOWN NDS隻IDOL MASTER,
攪到番工遲左20分鐘,
不過最可惜既就係...隻game始終都係要破解先玩到(汗)

算了- -+
玩住XB360同PSP果隻頂住算（´・ω・`）

而家PSP好多GAME都出左破解啦!
終於可以玩到TOVS,家教2ヽ( ･∀･)ﾉ

話說今日番工有大半日都坐起個倉度聽住歌剪臘腸,
雖然覺得時間過得好快,但係做既野不停重復,超級無聊(汗)

只要番埋聽日就出糧可以敗家啦XD
不過我諗要星期日先打到日記啦~
因為聽日要顛足成晚- -|||

預定星期日開始煲晒d結局佢先,好多動畫未睇(;´Д`)
星期一將會重新開始我既宅生活www

貼舊圖填空位(半前年左右)

 

------------------

瞳そらさないで...

放工啦∼放工啦∼

今日國慶,都幾多客(汗)
起8點左右維港放煙花既時侯,
我咁岩送完貨準備入番間鋪前,聽到煙花聲,
我即刻走去睇,睇左陣先番入去,好正ヽ( ･∀･)ﾉ
當時起度諗:「如果我身邊有個女仔陪我睇你話幾有feel呢」（´・ω・`）

放工又又又又又去左打機,
由於今日放假,攪到玩DJMAX同鼓機有好多人眼望望,
有壓力嘛(汗)

番完工出糧既話我就夠錢去日本啦(σ´∀`)σ
不過都係去日本之前...諗住先攻略台灣一次先(`･ω･´)
團友招募中(?)

======================
很無聊的貼圖

好想變成理樹(死)

今朝得閒得滯起度聽水樹奈奈隻DISCOTHEQUE,
我發現我好似聽到上左腦咁(汗)

最近諗緊,而家我做緊間鋪咁多日本遊客黎,
如果中川翔子黎左我諗我會發顛(笑)

PS3你夠彊就出埋初音,我即買!

好啦,又係時間準備去削減生命番工啦（´・ω・`）
快d到星期六呀!!!

今日番到榮華,超累同冇精神做野- -
日日做既野都係一樣,真係悶到爆(;´Д`)

頭先放工打機,差d又留左張DJMAX卡起部機度,
一留左想搵番都幾難,D人又要拎,又冇用,正hihi黎(屮ﾟДﾟ)屮

今天心情不佳(汗)
係咁先(`･ω･´)

今朝又出左去美孚VTC,
今次聽D阿SIR廢UP課程簡介,
讀電腦課程原來真係全部同學都係男(汗)
我不要變GAY呀!!!!!!!!!!!!!(#ﾟДﾟ)
希望可以同D新同學好好相處啦(雖然大家睇落都好善良(?))（´・ω・`）

聽完d阿sir廢話2個鐘過後,影左大頭相就走得,
12點半出到MK打住djmax等肥聲,
結果打左兩個鐘佢先黎到(汗)
同時間又敗左3x蚊落去部機度Orz

之後食完野又黎信和一遊,
能美既萬聖節版終於出左,
不過我見到最平都要850 Σ(ﾟДﾟ) 有錢都買不下手(汗)
(我的愛不夠吧?- -)


星期六中秋節正日,10點放工後MK NEWAY通頂預定(?)
希望到時唔好累到死左就好ヽ( ･∀･)ﾉ

話說我見今日有D涼,結果著左件外套出出,
除左去有冷氣既地方之外...........感想就係「好熱」(趴)

SAKI結局百合度爆標- -

今日係星期一再加上落雨,
所以超少人黎買月餅,
全日都唔多野做,好正ヽ( ･∀･)ﾉ

不過今日我發生左件事,感覺好似渡過生死邊緣咁(笑)

首先...我間鋪個店長(女)出名麻Q煩,
其實上年我都番過尼間鋪一次,都覺得佢真係好煩,
仲有以前我乜都唔識仲成日俾佢小(汗)
總之佢就係D好易發顛既人啦~

但係我今日拖完地,正想收番埋個地拖既時候...
竟然咁岩佢我起旁邊,成碌棍扑左落佢個頭度Σ(ﾟДﾟ;）
佢之後既反應就係痛到跪左起地上面話好暈+好痛(扮出黎?)

結果佢跪左成幾分鐘先起身,
過左陣我就以準備好俾人怒插既心入倉搬野順手同佢SAY SORRY,
之後佢竟然對住我笑笑口咁講:「算啦,冇所謂啦,你都係冇心姐~」
我:「．．．．．．」Σ(ﾟДﾟ;）
果陣我真係想搵人問發生咩事(汗)
連我d同事都睇到o左咀(笑)

仲有唔知點解佢今日全日心情都咁靚,
唔通俾我扑傻左!?(逃)


起當時我真係有種「RPG打嬴最終BOSS般既感動」XD

=========
頭先放工果陣又再落機鋪打djmax,
但係平時放起銀包既DJMAX卡竟然唔見左,
我即時周圍搵Σ(ﾟДﾟ；≡；ﾟдﾟ)
結果搵唔到得個桔,應該係尋日跌左~
我玩左半年既等級由要再黎過(死)

當時即刻拎左38蚊再出過張卡(淚目)
好在兩張卡可以登記用同一個AC,唔係既話連歌曲排名都冇埋就慘(汗)

舊卡總排名:94
新卡總排名:1459(#ﾟДﾟ)

 
上 = 舊
下 = 新

聽日放假一日,又要晨咁早出美孚整堆個課程D野,
順手約埋人出旺角行街;)

=========

btw最新版MSN好垃圾(中指)

今日難得有泡菜韓國人黎買老婆餅,好在佢識講英文(汗)
韓文除左「我愛你」同「你好」,我真係一個字都唔識www

星期日真係忙到趴起度,
D人唔係買又企晒起鋪度頂住晒(汗)
攪到d人換月餅都唔知邊個打邊個(屮ﾟДﾟ)屮

頭先放工,老細叫我拎一盒雙黃白蓮同兩包冰皮走,
其實我已經日日起果度食尼兩樣野(汗
拎番去都係俾屋企人食( ･∀･)

每天的課題：主動同日本客傾;)

今日冇咩野想打tim,就咁啦(`･ω･´)


秋祭2009,十月十日
http://forum.cityucomic.org/index.php

到時得閒去走番轉先:)