最近搭火車都由上水出紅磡因為我訓足全程,
所以我都覺得好快到( ･∀･)
不過尋日都差d起唔到身搭番車返轉頭(汗)

而家每日都有冰皮同單黃白蓮月餅食,
我諗我未到中秋就已經食厭啦XD
榮華所出既冰皮我都已經食過晒啦0 0
不過都係大班既好食(`･ω･´)

今日有一團日本客黎買水(全部阿嬸),
佢地係咁講:「おkおk」同「サンキョウ(thank you」真係好攪野w

10月新番就黎開始啦!!
我要快d清晒未睇既動畫先得(;´Д`)

今日結果都係同店長講29號請假（´・ω・`）
咁又少左350蚊啦...(汗)
而家加埋上次請假就冇左成700敗家啦:(

尼幾日番工一到中午食完飯就眼訓到死,
直頭都唔知自己起度做緊乜- -+

d人一黎買月餅我就要:
「等我幫你cheak下d餅先。」
「食用日期到11月15日。」
「多謝晒。」

每日的生活:
8點起身上網>8點50出門口>10:00超級岩岩好準時到榮華>
等放工>10點放工>落機鋪打10蚊機>番到屋企玩一個鐘電腦>訓教>原點回歸

話說頭先打鼓機玩得太激飛棍,結果輸左(汗)

請大家玩找錯處(?)XD

魔法老師mix clannad

嗚啊!!!!!!!!!!
而家番屋企一日遲過一日(汗)
(其實係因為放工掛住打機www)
結果今日番到屋企都1點鐘T_T,
連動畫都冇時間睇- -+

話說早兩日面試個培訓課程終於收錄左我,
不過好可惜既係...
佢竟然要我起9月29日10:30再去多次美孚!?
唔通又要我請多次假!?(#ﾟДﾟ)
350蚊啊~(淚目)

另外個課程仲要10月5日就開始啦,
仲諗住番完工仲可以有時間俾我hea番幾日（´・ω・`）
而家我真係上氣唔接下氣(死)

希望以後番天水圍間學校近銀座間機鋪啦(笑)

突然好掛住維持左三個月短暫既宅生活(趴)
好想繼續煲DREAM C CLUB...
攻略左一半啦!!!!!!!!!!!!!!!!!!

而家番工企足12個鐘已經完全習慣晒,
放工一D都唔覺得累,而且仲覺得時間過好快( ･∀･)

不過今日跟車送貨同客講錯價錢(汗)
結果俾另一個跟車既大陸佬小左我幾句,
仲同我講:「話你係塞錢落你個袋咋!」
想益我就真係塞番一舊水黎俾我啦,shit!(屮ﾟДﾟ)屮
之後上番車又係咁講佢以前落黎香港d野,煩到嘔(死)
連個司機都唔想理佢(笑)
 
以後跟車有尼條友我死都唔那上車(#ﾟДﾟ)
企鋪面仲舒服;)

另外我發現好多有錢人,
真係一打開銀包就全部一千蚊,點睇都係帶足成萬蚊出街,
分D俾我先啦（´・ω・`）


唔知點解好想去海洋公園玩（・∀・)
對上去果次都唔知幾多年前(汗)
至少我仲係小學生果陣XD



今晚既宵夜

「放假」尼樣野真係令人愉快:)

不過今日由於要10:30出去美孚聽就學講座之類既野,
結果放假都要8點起身（´・ω・`）

出到美孚VTC之後,個講座無聊到爆,
我真係最怕乖乖咁坐起度聽講講座(汗)
仲要得我一條友冇朋友可以聽我吐糟!!!!

聽完講座後,要跟佢俾我果個時間番去面試,
聽完講座果陣只係十一點.
但係俾我張紙寫住3:10 - -|||

結果自己走左出旺角落機鋪打DJ MAX消磨時間,
打到肚餓果陣去搵野食,食野果陣條友落錯單(汗)
攪到出錯餐俾我,貴多4蚊 0.0
不過算數,我食左落去先發現到(笑)

食完野近近地信和,順手行返轉,
我已經半個幾月冇去啦(;´Д`) 超懷念(?)
明明去到都已經兩點架啦,D鋪都仲係未開晒,真係冇三點都咪洗指意多野行- -+

一開波落地庫行,見到某月刊送能美既墊板,超吸引（´・ω・`）
不過價錢卻令我回頭...因為要110蚊,
我已經唔會再為左贈品而去買一本唔係睇開既月刊啦!(`･ω･´)

行到上三樓果間專賣同人野既鋪頭果陣,
諗住搵能美既鎖匙扣,點知又係未開鋪ヽ(`Д´)ﾉ

再之後行過某賣GAME既鋪頭,
俾我一眼望到XBOX360既DREAM C CLUB $299,
我即刻拎起銀包...一手痕就買左( ･∀･)
本身諗住買埋張特典會員卡$150,
但係帶唔夠錢出街,銀包得番80蚊,算了- -|||有緣再見吧...
(實際上我一帶多錢出街,幾乎出到信和都清袋俾你睇ww)

由於行完之後仲見時間尚早,我就去對面間孖八打幾鋪鼓機先走,
但係因為我一開始睇錯面試張野做3:50,所以到左3:10我先慢慢走去搭地鐵(死)
番到去美孚果陣我先知我睇錯,攪到遲左成十幾分鐘,
好在佢地冇所謂,我幾驚我一生就咁玩完(?)

去到坐左十幾二十分鐘先到我面試,
結果佢專登問番個講座講過d咩,好在呆下呆下都有聽幾句(汗)
勉強亂up咁答中一半(笑)
希望VTC可以收我啦,唔係既話又冇書讀啦(趴)

番到屋企即刻試下隻DREAM C CLUB,結果由中午5點玩到10點ヽ(´ー`)ﾉ
冇野做玩落原來都ok,身為蘿莉控既我...當然係攻略蘿莉啦,
不過很可惜既係...尼隻蘿莉老過你同我,20歲wwww
(因為隻GAME有飲酒場面,所以要咁樣既設定- -)
簡單d黎講就係萬年蘿嘛...
灌人酒很過癮(笑)

   

聽日又要番工啦!!咁我幾時先爆到機(死)
為左果六千蚊,忍耐一下啦（・∀・）

訓前睇多套動畫先;)
 

今日番工全日異常地清醒（・∀・）
結果全日都冇做錯野俾人話\(^o^)/

話說平時我跟車送貨個司機渣車真係好鬼暴力- -
之前佢無啦啦渣渣下車甩左一下手,架野高速轉灣(旁邊係行人路)我仲以為我要死(汗)
好在佢暴力還暴力,都幾冷靜咁轉番好架車,我諗佢已經習慣左www

另外黃埔真係好多蘿莉(;´Д`)
令我工作更加勤快(?)

頭先又有日本客,今次終於可以同佢正常對話啦!!
本身都冇乜野,佢地見我用日文應佢之後,即刻同我爆晒日文（・∀・）
我終於覺得我學既日文係冇白費到XD

而家又覺得番工幾好玩ヽ(´ー`)ﾉ
(除左個店長麻q煩同要企勁耐之外)

聽幾日開始俾人屈我要每日放工點貨,
身為數學超級白痴既我,而家被迫訓練到點貨快而準(汗)
另外有咩掃地丟垃圾都搵晒我,真係打雜(死)

放工之後同事請我飲「奶蓋綠茶」,真好=w=+

聽日放假啦!!!!!!!!!!!!
面試完個課程之後,一定要行下久違既信和;)

今日要番工去唔到唱k呀!!!!!!!!!!!!!!!!!!!!(咆哮)

今日全日既工作基本上都係企,
連貨都唔洗送,
不過唔知點解我日日都有黑仔野發生(汗)
今次係起lunch time,起個倉度食飯,
點知我食左一條肉絲後,成個「肉絲炒麵」飛左落地Σ(ﾟДﾟ)
我第一時間既反應只有:「仆X!(ﾟДﾟ)」

結果就係要自己汁番地下d「肉絲炒麵」親手餵垃圾桶食(死)
好在有兩個同事都分番d俾我食T^T

唔知點解而家間榮華都儲唔到冷氣,就黎熱過條街（´・ω・`）
另外而家日日12個鐘勁眼訓長企超悶,開始覺得難頂(;´Д`),多d野做反而會舒服D呢=w=+
我覺得而家我既生命力以極速消耗中(汗)

只要番埋聽日就有假啦!!!不過放完一日假又要再頂多一個幾星期先完(`･ω･´)

頭先又有日本客人啦,我可以完全聽得明佢講乜ヽ( ･∀･)ﾉ

話說而家我聽到不知不覺地開始幫d月餅改命(笑)
「迷你七星伴月」一向簡稱「迷七」
但係我已經變左叫佢做「迷幻七星」(死)

每日只可以有時間睇一套動畫...

我個BLOG毫無人氣既喂!!(`･ω･´)

今朝一番到去公司即刻同店長請假,
估唔到佢咁順攤,一句「OK」就攪掂（・∀・）

話說中午果陣被人叫我去推車仔送貨,
本身今日已經熱到爆,
仲要條路又長,上到去人地公司門口叫佢收貨,
點知佢話暫時冇錢俾我住,5點再黎過(ﾟДﾟ)
當時心諗:「X,冇錢唔好買月餅啦。」 XD

結果番鋪頭企左幾十分鐘之後又要再行多轉,腳快要斷了(;´Д`)

聽日開始要由上午10點番到下午10點,
姐係番足12個鐘(死)

另外聽日又有FD生日唱k我都去唔到｡ﾟ(ﾟ´Д｀ﾟ)゜｡
點解之前我咁得閒又冇人生日,
我番工果陣先黎搵我!! ヽ(`Д´)ﾉ 

搭火車番屋企途中起火車上面訓著,
點知一起身果陣就起羅湖Σ(ﾟДﾟ)
攪到又遲左少少番屋企~

今朝出元朗上左一堂「臨時員人訓練」堂,真係悶鬼死- -+
只不過係講介紹貨品,儀表注重,對客人語氣果d野,
其實點解唔起番工之前叫人上,而家番左幾日乜都熟晒啦(汗)
結果全堂兩個幾鐘都起度發呆嘛...

話說其實我由上水出到元朗,
落左車我仲起元朗迷路左一陣先搵到上堂座大廈（´・ω・`）

落左堂之後搭巴士直出黃埔~
番到去過左半個鐘放LUNCH,同彰食左個吉野家就走去打機ヽ( ･∀･)ﾉ

由於今日店長放假,全日都可以超hea XD
放工之前起員工休息室加埋hea左一個鐘,好正丫(σ´∀`)σ

放工直接番屋企食飯~

==================

今日VTC打黎叫我星期一去面試,我可以乘機放個假出街行下啦\(^o^)/
雖然番少日,少左350(汗)

==================
 

再次貼我家的愛貓ヽ(´ー`)ﾉ


以前上地理堂必帶既裝備：上堂PSP睇動畫;)

今日做左d非常戇居既事(汗
本身我以為今朝係10:30出元朗上堂,
點知出到去,起10:15分果陣...
店長突然打黎問我起邊,
我一答元朗,佢同我講:「係聽日先番,唔係今日丫,你快D番黎啦~」Σ(ﾟДﾟ;）
 

之後我就即刻落巴士轉坐西鐵(死)
番到去都已經成11點,結果店長同我講加1個鐘(　 ﾟДﾟ)
結果今日連車都冇得跟(汗)
全日起榮華企,不過好就好在肚餓可以食冰皮月餅同老婆餅xd
食左兩個老婆餅都已經超飽(汗

今次放lunch玩左鋪djmax,再見到旁邊部jubeat@ripple
我發現更新左天元突破op再加一堆我鐘意既歌,
試玩左場之後攪到我都有小小心動想轉行玩jubeat(`･ω･´)

話說而家番工每日都見到有日本客,
雖然我睇佢地既衣著都覺得佢地係日本人,
但係佢地又冇同我講日文...一係講國語,一係講英文,一係就唔出聲(汗
聽日我見到日本客,點都要講番句ありかとう( ･∀･)

另外我發現我掛住睇蘿莉睇到停晒手唔做野(笑)

--------------
尼排如果大家有事搵我請用sms,
因為我已經唔可以好似以前咁超爆長開msn(汗)
不過sms左有冇時間應機又係另一回事(死)
話說以前成日都俾人話我:「你唔洗訓架!?我一起身又見你on緊,我訓之前又見你on緊.」XD