今日好似冇嘜野做喎……冇呀…今日我十二點先起身炸！！我一起身就要補習啦！補咩習？咪係我表姐黎我屋企幫我補下習囉…跟住補完習媽咪又話同我落去食野，我幫緊補個陣周周已經打過比我，話要同我去打排嫁啦！咁我食完野咪去打排囉…跟住今日又打排、又打羽毛球喎！
   ……今日就係咁過啦…
   我岩岩冇野做咪睇下我之前o既日記囉…點知原來我寫左咁耐…都係得一日話自己開心下嫁炸！跟住其他個D一係嬲、一係喊、再唔係就唔開心……跟本計起黎我平均冇一日開心過囉…諗起都唔開心……

     而家係大約上就十點半，咁我應該幾時打比佢好呀？？我應該點呀？我諗我而家打會唔會好D呀？因為我唔想再拖落去啦…不過…佢如果話冇鐘意其他女仔，咁我係咪應該同佢再次一齊呢？？定係………
     如果我同陳彤都估錯左佢個決定，咁我應該點做好呀？？不過…佢而家避開我o既行動係好難相信佢仲鐘意我囉……我同陳彤都覺得，佢係因為鐘意第二個女仔，又唔想同我講，所以避開我囉…我跟本就唔知係點！如果佢唔係因為Li個原因黎避開我，我就真係諗唔到有其他原因或者解釋囉……要面對，此終都要對，我要鼓起勇氣做出第一步，先可以解決到Li個問題嫁…我諗…我而家就打電話啦……
    打完再話你地知個答案啦！！！88  
    我打去個陣，我話，喂唔該搵阿徐文俊呀！跟住佢話係！之後佢就cut左線啦…咁………我覺得佢已經講哂比我知啦…我覺得佢已經答哂我所問o既野啦…我諗我會同佢講parting囉…不過…我唔知點同佢講先好…佢又唔聽我電話…咁我都講唔到，我想講清楚，我同佢分手，唔係因為我唔鐘意佢，而係佢所做出黎o既行動令我要同佢分手囉……我講Li句野，都係想大家明白囉…我唔知點呀！大家教下我啦！教下我點做好啦！我應該點做呀？？？
    算啦…唔洗教我D咩啦…我已經決定左啦……我諗我會同佢分手嫁啦……
   

    唉…今日冇嘜心情唔多想打字呀……我真係好掛左佢呀！佢幾日冇on啦！仲有！我覺得佢真係o係到避開我囉！我嘜野都冇做過！佢做咩要避開我呀！！可唔可以唔好避開我呀？？我真係好難頂呀！今日照常打排，咁岩有個阿伯好似係青山走出黎咁，跟住佢係講講我喎！無啦啦又知我個名喎！咁佢話我，我咪盯住佢囉！識我個D人都知我一定會咁做嫁啦！！跟住佢又係到罵我喎！我已經忍冇可忍啦！！我咪罵返佢囉！我D fd不嬲都唔順佢嫁啦！跟住我D fd咪一齊話佢囉！最尾一句先攪笑呀！就係『我覺得你痴痴地，你不如入青山啦！！Li 到唔係青山呀！容立唔到你嫁！！走啦！』我咁講完之後，佢就冇再講野啦！！罵完人不知幾爽呀！！跟住我仲要勁大聲同我個fd講，話…人地比完人罵就即刻唔出聲啦！！Li D 人唔罵唔得嫁！！
    今日、琴日、再琴日都好唔開心……真係好唔開心啊！！好難頂呀！咁大個屋頂，我頂唔住呀！我真係好辛苦呀！！我應該點做呀？佢而家係咁避開我，我要點呀？教下我點啦！我唔知點呀！見又見唔到…聽又聽唔到…想搵佢，又唔知搵唔搵好…我應該點做呀！！！！！教我呀！唔該！！PLEASE！！我Li幾日都落哂型…好唔開心呀！！我真係好好好好好好好好好好好好好唔開心呀！！！好唔開心呀！好唔開心呀！！救救我弱小o既生命啦！！救救我吧！！

     我岩岩同陳彤傾過電話啦！我同佢個答案都一樣，就係聽日打電話直接問佢，你仲鐘唔鐘意我呀？你係咪鐘意左第二個女仔呀？你點解要避開我呀？我諗住，如果佢話唔再鐘意我，我諗我會向佢提出分手囉！不過我覺得我冇咁多勇氣去問佢囉…好驚好驚……
     我諗我聽日問完佢，我會講返個答案比你地聽嫁啦！！不過我同陳彤心裹面已經有一個答案就係…佢鐘意左第二個女仔囉！

   今日我遲左起身，攪到遲左出門口呀……跟住又落雨喎…慧儀姐拎住把遮都攪到我同佢濕鬼哂……因為我地件校服一濕左就好透嫁啦！！所以我地一路行一路著返件衫上去……不知幾唔好意思呀！！^.^
   我覺得徐文俊好似想避開我咁呀！我都唔知發生過咩事……其實，跟本咩事都冇發生過！我都唔知佢點解要咁樣…好唔開心呀……點做好呀？我覺得，佢………唉…我都唔知點呀！！
   今日係籃球場無啦啦有人話我鐘意關安人喎！跟住，我即刻話，痴線嫁！咪亂講喎！有冇攪錯呀！因為關安係我阿哥黎嫁！咁我咪打比佢囉…跟住我話，你自己同返你D fd講清楚呀！唔好再咁呀！跟住我就cut左線啦……跟住呀！有好多人幫我地汁返個波，不過佢地下下都整中我嫁！我隻腳之前已經整襯嫁啦！又比佢地整我！哼！衰人黎嫁！！ 

今日……冇野好做，今日早左落去打排…因為我要去學野…所以早D打排囉……不過放左學返到屋企未打排之前，阿關安話阿徐文俊好似避開我咁……我就當堂定哂型囉……我問關安點解徐文俊要避開我，關安又話唔知喎…我好想問徐文俊點解嫁！但係我又唔咁問…跟住我同關安講，話…可能徐文俊佢已經………跟住關安就話，佢已經死左？？跟住我話，關安我知你知我講咩嫁！唔好扮野啦…跟住，關安又扮野，話，扮咩呀？跟住我就冇應阿關安啦……唔通徐文俊佢真係已經………唉…好唔開心呀！唔緊要，我等陣學野個陣可以發洩出黎啦！！哈哈……(我而家寫落好似好好笑咁……其實我不知幾唔開心呀……)我冇見徐文俊成半個月炸…徐文俊就已經……唉……好唔開心呀！好唔開心呀！好唔開心呀！！好唔開心呀！
    係極唔開心呀！！！今日因為要學跆拳，所以早少少走，跟住係我搭緊車個陣陳彤忽然打黎話，見到徐文俊喎！我已經呆左囉……跟住佢話，徐文俊見到佢就立刻走去佢個fd後面……我就同陳彤講…我都話嫁啦…徐文俊係想避開我嫁！而家連我D fd都想避開呀！！我好想喊……唔係好想…因為我已經喊左出黎啦…………
      跟住，我同阿孫對打，點知我中左招，攪到隻腳好鬼死痛呀！！不過唔關阿孫嫁！！係我自己踢去佢隻手到嫁炸……