今日上數學堂個陣要做十幾題數勁爆易呀！全部都係分數同小數喎！爆易！跟住老豆話返到去打比佢呀麻，我咪打比佢囉，點知佢改變主意唔洗我去幫手啦！！勁爆開心呀…今日有好多野都好開心呀！不過…英文功課雖然得一頁紙，但係好鬼死難呀！！救命呀！跟住英文老師又話聽日要小組討論，話四至五人一組，我同kkk都未識到朋友，跟住小息個陣我聽到三個人話，佢地唔夠人住喎…跟住我就去過去話，唔…不如你加多我地兩個得唔得呀？跟住佢地就話好呀！之後，我同小禤就有組啦！！yaya！！個英文老師好靚嫁！嘻嘻！我唔傾住啦，又要做功課啦！！88…
    而家做完功課啦…今日照常落去打排……冇嘜野發生！

    嘩…第一日返去炸，又要考試啦…我地淨係上兩堂，日日都係上兩堂，不過兩堂都好難過呀……日日淨係要上英文同數學，悶到嘔泡呀！今日同最尾個日要考試，今日考完、Later又要考多次，真係麻煩呀！而家我同kkk都係C班，小禤話想入A班、不過我同B班o既興趣大D囉……阿陳彤係畢業個陣送左本薄比我，我諗住可以係暑期班黎寫英文筆記，點知我記左數學囉…因為英文都冇野好記……仲有呀！個數學老師勁似個阿叔囉……係班房凍到爆呀…攪到聽日要帶件衫去著………而家講到咁多先啦！我要做咁D功課呀…88
    竟然可以令我用最快o既速度係我表姐話七點同我去將軍澳到游水，跟住媽咪話要我做哂D功課先比我去，我就啦啦臨做做做做做，就做哂D功課啦！嘻嘻！係咪好掂呢？？緊係掂啦！我黎嫁麻，點會唔點呀！哈哈！我又唔講住啦！要去地鐵站等我表姐同我去游水啦！返黎再講下，游水個陣有冇事發生啦！！88…
    游完水就已經好累啦…我唔講野啦……訓啦…聽日又要返寶血o既暑期班，跟住我老豆無啦啦話，阿B，你聽日補完習幾點呀？跟住我話十一點九或者遲D啦…我問咩事，佢話要我補完習同佢一齊去田灣幫佢阿媽手，話我又要去，我已經講左我補完習會好累，佢仲要話，累咪上車個陣訓囉！咁呀！累都唔比人返屋企喎…痴線嫁！！我就黎發神經啦…………

      我今日係第一日寫日記o既，其實我琴晚已經同緊陳彤嘈嫁啦…我真係好唔想同佢嘈嫁…但係佢話我，我唔話返佢，就好似係我錯咁喎…咁我咪要駁返佢囉……其實我應該點做好呀？？我已經係由琴晚嘈到今朝仲嘈緊(咁就緊係有訓覺嫁啦…)唉…我都唔知點呀！
      聽日係24號啦…聽日要去寶血返第一日o既暑期班，寶血D校服好靚嫁！！連運動服都係咁靚嫁！！諗起要返學，就諗起徐文俊啦…佢入左文理，我就入寶血喎！我就話女校黎姐，不過佢男女校喎……我聽人地講話，文理有好多靚女嫁！自己知自己事呀！邊夠文理D靚女掂呀…佢就話唔會L其他人姐…不過…我覺得好難明白囉…我已經成個暑期冇見佢啦…好掛住佢呀！！唔知…佢而家點呢？又唔知佢第一日返暑期班同咩人坐呢？又唔知佢會唔會比人蝦呢？我又好多唔知，都唔知同邊個講，我只好係Li到同大家講下啦……原來鐘意一個人係要為佢擔心好多野嫁……你地又有冇試過呢？？大家不方覆下我啦……
     又發生事啦！我近排都有去籃球場打排o既習慣…跟住今日我照常同一D哥哥同LuLu一齊去打排，跟住我去拎番個波返去個位個陣，xxx人就係到扭波，一野撞落我到喎！我個肚係爆痛囉！跟住我咪自己一個坐係低下到囉……跟住我等左一陣，我咪去LuLu到拎枝水黎飲，跟住xxx人一踢，又中我個肚，跟住我一把火咪將枝水一野飛落低下發脾氣囉！真係谷鬼氣，咪打比老豆囉，本來係想叫佢係大陸立即落返黎o既，跟住xxx人呢，又話我，咩…你咪報警囉，警察黎到都捉我唔到呀！跟住我都費事理佢，佢又話，返屋企啦！打排球就去排球場啦！跟住我就真係忍冇可忍啦，我心諗，打比老豆都唔得呀！我打排關你咩事呀！你咪又係o係到踢波，踢波去足球場啦！話人唔話知己！！跟住我就同xxx人開始冷戰，就冇出過聲啦……
      
今日就係咁過啦…………唔多開心囉……
P.S.我同個女仔又好番啦……不過唔多野傾囉………