今日好早比呀媽罵醒左...睇睇個鐘,先8點....不過約左李好勁9點睇死亡筆記....所以起左身,琴日2點幾先訓,因為有個苯蛋亂諗野...要開解下佢,嗰個苯蛋好蠢嫁,成日都只係為人地諗..唔識為自己諗...唉.....

講番死亡筆記,真係好睇到爆,又好睇,又有得笑,又.....總知好睇,唔睇係你ge損失,快d去睇啦

睇完之後,三丁友上左新都會上面個公園仔到吹水,吹左個幾鐘,之後番到屋企,先醒起我連早餐都未食,咁就行過廚房,好順手咁攞左個杯麵黎食.....

食完之後開左部腦,download左魔法老師黎睇,幾好睇,係一套唔錯ge作品......

睇左幾集就上網搵game玩,搵搵下,比我搵到集福爾摩斯ge game ,咁就玩到而家

總之好眼訓啦我......

今日...都係返浸聯教拳....超搞笑....諗返超都笑死....不過係笑自己..哈...哈..

返到去...換完袍...出去啦.....咁李sir未到....得黃sir,謝sir,我,展平,同紅勵誠...

黃sir叫我幫d細路熱身.....但係我會錯意.....叫左d細路拍埋牆排六行,之後黃sir同我講：「蔡sir,熱身呀,熱身!!」跟住我先發覺...我會錯意....熱完身...黃sir又做左一大堆動作,指完左面,又指右面,跟住又跳下跳下咁,我都唔知佢做咩.....咁我咪叫d細路完地跳囉...點知又會錯意...原來黃sir今次真係叫我叫d細路拍埋牆排六行.....跟住我見到謝sir係咁係度笑......

跟住食飯ge時候講起李sir去旅行ge事,發現李sir個導遊,同我前幾年去泰國旅行個導遊係同一個人,都係叫十差,我聽到之後o左嘴,因為個導遊比左我一d唔開心ge回憶,eg.佢好煩,帶左我一家人去左超級市場一日遊等等,所以我好憎佢,而且好記得佢....

之後返左大窩口,終於有野練啦我今日係練腿力,easy啦,練完之後就打左幾場soft fight,何為soft fight,自己睇日誌主題。我發現我自己比以前進步左,三場都打得唔錯,最好係第一場,同一個以前K.O我ge人打,都可以打到佢好多次,哈..哈...

最近我中意左BLOOD+呢套動畫,首OP又好聽,又好睇,真係好

今日好慘呀.....

返跆拳....冇得練野，要教人......睇住人地練....自己係度教.....冇癮.....

跟住番屋企GE途中，呀媽話落樓下茶樓食飯，去到....見到我老豆ge同事一家人.....佢個仔手上攞住我部psp....我o左嘴..最慘ge係佢唔識換碟，就咁就攞隻碟出黎...大佬..我部野好貴嫁....唔識換叫我教你呀~~洗唔洗咁呀.....唉......

食完飯番到屋企...見到我d高達模型變晒pose...超無奈......

而家我超唔開心，唔開心ge野一件接一件......唉.......

悶死人啦~~~~~今日成日都係屋企冇出過街呀~~~~好悶呀~~~~~

不過就換左上面d野~~為左呢個,我用左部電話影左好多相先搞(電)

跟住又睇左幾集通靈同埋校園迷糊大王,超好笑呀~~~跟住又玩左陣psp

今日都係呢d野啦

星期日去睇Death Note，good~~

不過又想睇龍虎門

好，停筆

p.s：你地有d咩唔開心可以搵我同我講，唔好放係個心度，我願意聽你地講你地ge心事~~

p.s2：琴日睇某人ge日記， 見到佢個表情好q呀~~而且好搞笑...哈...哈...

今日無無聊聊咁諗.....我ge夢想係咩?我有好多夢想，想做跆拳道ge香港代表，出去比賽。想做警察，好似老豆咁，不過夢想只可以係我自己發夢ge時候實現.....我連自己可唔可以上中六都唔知，重點做警察呀.....而且自己又唔係好好打......點入港隊.....算啦..做人應該有自知之明......

算啦....發老show ge時候又到啦~~係時候諗d開心野......開心野........又好似冇，都唔知點，呢排連我自己想點都唔知.....不過我知中三要發奮，唔可以再玩啦~~~玩夠啦~~~~

今期目標：係十一月個全港賽攞冠軍~~~

要努力呀!!!!!!!!!~~~~~~~

不過我好眼訓呀~~~~~