今日又係如常咁去教跆拳道，如常咁去吉野家食細牛，如常咁去李sir屋企打機，如常咁返大窩口，如常咁返屋企，如常ge野，我係呢個暑假做左幾多次，我已經對呢d野感到習以為常，忽然間，我想改變，我唔想每個禮拜都做同一d野，我想去見識一d我未見過ge野，但係，講•有咩用......唉........再係咁落去，我會悶死.....

今日改變左去浸聯ge方法，平時係搭左巴士再轉小巴，今日，我行去，只不過係20-25分鐘ge時間，又可以當做運動，一可二鳥，何樂而不為呢?不過.....代價係我ge體力同汗水，行到去我已經鬼死咁攰，不過算啦

跟住去到李sir屋企，玩battlefield2，原來我係菜鳥一隻，重要比人係三國志11到整左做隻馬仔.......=.=無奈........

落到大窩口，都係教小朋友套拳，係太極五形，幾好玩，之後打左幾場，個個都唔願打，又唔認真，搞到我都冇心機打.....重打傷左對腳，唉.....真係賠了夫人又折兵

番到屋企開左部腦之後就download通靈王睇，都幾好睇，睇完3集就打日記，而家訓教

終於打日記啦我，之前我成日都唔閒打，得閒ge時候就比人用左部腦，一係就打打下比人叉左....

而家放緊暑假，應該係好開心ge暑假，但係因為太悶，搞到我好唔開心

前幾日，去左書展同埋動漫節，兩日用左我八百幾銀，買左好多書同漫畫。原本想去動漫節買手指，點知去到得漫畫，都冇手指買,唉.........

重有嗰個所謂ge電玩節呀，得XB360 d game ，psp呀，p2呀全部都冇，咁重叫電玩節，唔好玩我啦，大佬，講起都把幾兩把火,過份....

我而家一起身，唔係教拳就係打機，想悶死我咩，好彩老豆26號會帶我去遊船河，試一試跳海ge滋味

不過重有d野要解決，就係功課啦，到而家呢一刻，我都未做過d功課，都係遲d先做啦..

又到左四年一度ge世界杯啦，好期待決賽呀，希望係巴西對阿根廷啦~~希望巴西攞冠軍，加油呀~~大、細哨

唉.....今次考試...死晒..好驚呀...點算呀..好驚下年入唔到精英班呀...

今日好似平時咁番亞小教跆拳，不過今日上左二樓上堂，因為地下實在係太熱啦，太熱d細路會冇心機學野，所以王sir同方老師講，希望有一個有冷氣ge地方上堂，真係好呀

跟住落堂之後，去左大快活食野，食左隻豉油皇雞『比』，還ok的，之後就返左屋企贂左一陣漫畫，聽左一陣歌，同河子聊左一陣之後又要出去跆拳，今次練turning kick，又後幫陳x輝諗表演d野,之後就落堂啦

返到屋企第一時間去沖涼，沖完出到黎就食飯，食完飯諗住開電腦睇下河子係唔係度，點知佢唔係度，搞到我有d失望，跟住聽歌，打日記，而家------訓教...

巴士呀叔ge名句

比人整左閃字.......

已經有好多日冇打日記啦~~~講番之前個過咩啦

上個星期六，我番跆拳ge時候，比人踢傷左隻手指公，跟住嗰幾日，隻手指都動不了....直到今日先可以動.....

學校而家已經開始放夏令啦，姐係放1:30分，哈哈，不過，放夏令ge同時，『翼』意味住我就黎考試........考完個試就升中三啦。要選科啦....不過我一直都想入理科，因為我家姐佢文科，佢話文科好辛苦...

今個星期一，本來要番學，但係因為遲到，所以冇番...

星期二，番完學校個恭敬聖母日，之後番屋企打機....

星期三，放假....又係打機

星期四，冇野做

星期五，番亞小教跆拳之後番家

今日ge野，遲d先打..

因為河子ge提醒，所以今日打番日記啦~~~~

琴日好開心呀~~~因為我ge黑帶二段試合格啦~~姐係話我已經係一位黑帶二段ge教練啦~~~~實左係好開心呀~~~

好眼訓呀而家•••