返學好大雨，哈哈！大雨到暈．．．ｄ雨大大粒ｇａ！個坑渠沖ｄ水落黎沖到成個瀑布咁∼
神早Ｒｏｌｌ ｃａｌｌ Ｍｓ．Ｓｏ鬧人，唔知鬧邊個呀．．．好似鬧緊我咁，好多人都估緊。
中文堂陳定文起度講書，又教我地作埋ｄ說明文，叫我地星期一交ｗｏ．．無奈爆！唉．．．
佢好幾次用廣東話鬧人，有次仲鬧邊個轉緊筆。哥時我轉緊，應該鬧緊我啦！
Ｍｕｓｉｃ堂仲未考到我，開心到我跳起。不過下堂會考到我啦，唔知會點呢？死緊啦吹笛同唱歌。
ＩＳ堂起度講埋ｄ無咩野ｇｅ白癡野，悶到我就快死。好無奈ｌｏ．．．好心白ｓｉｒ講書生動ｄ好無呀？
跟住無端端有廣播，校長用英文話：各位同學，現在係紅雨，係返屋企就請盡快返去哥ｄ廢話。
Ｙｕｋｉ同姚咩佢地睇死我同Ｐａｎｄａ佢地四個唔會去睇海神號，真係發佢個夢！
原本Ｔｒａｃｙ姐姐頭痛話諗住唔去，但係Ｗｉｎｎｉｅ話要去，跟住我地四個都好平安咁去沙田睇啦！
我無遮ｇａ原本，但係鍾采樺同埋Ｍａｎｄｙ都借俾我，最後就拿左佢地其中一個的其中一把遮啦！
去到沙田哥時２點幾ｌｕ，我地就去搵地方食野。但係好多地方都好鬼，Ｔｒａｃｙ姐姐又喉嚨痛，
佢話唔食得ＫＦＣ同埋Ｍ記ｗｏ∼最後我地就去左Ｐｉｚｚａ ｈａｔ度食啦！哈哈！
我地起食之前，我提佢地買定飛先，不過買哥時好少人買左咋，同埋有我地要去食野哥度的優惠卷。
食完野就３點半度啦，就去戲院度啦！估唔到入到去哥時勁多人，係多到我地唔信，無咩空位∼
我左手邊有對情侶成人起度摸身捱世，見到佢地都想作嘔！都唔知佢地係睇戲，定係黎呢度做咩。
開始啦！成套戲整體上５粒星絕對有５粒星。唔係我偏ｇａ∼連其他睇個三個都話好好睇！
直情無咩悶場，開始１０分就沉船，以為會好悶。點得知拍得鬼咁好，之後完全無悶場。
俾浪打哥時正到，ｄ野偏晒一邊，ｄ浪打走晒ｄ人。最正就係泳池哥ｄ水打死晒ｄ人，好正ｄ特技。
隻船ｄ窗又係咁爆，ｄ機器哥ｄ火又係咁爆。真係好正！全場好多人都好哄動，因為套戲都好啦！
係咁見到佢地逃生都好代佢地拉擔心，又成日爆水閃火出黎，真係好恐怖。個細佬做戲好好∼
同埋套戲一開始就講佢地點樣人性真面目，為左自己生存落去會不惜一切。但係死左一個人開始，
佢地就開始團結起黎啦！見到佢地為左任何都不斷咁努力，都好開心同埋幾感人。緊急關頭如果係你，
你又會做ｄ咩？！我估你地會淆底ｌｏ∼不過佢地最後９個人最後死左３個人呀．．．但係都逃到生。
呢套戲起戲院睇先好，租碟我覺得無咁真同埋音效都唔同啦∼總之今日我地４個好開心啦！
相信呢班人去返社會上，都會變成一班好好的朋友。同埋女主角的爸爸死得好慘，好偉大．．．
過左今日要溫書ｌｕ∼加油啦！３位人兄！
心情指數：１００％
| 
