尋日,,呀威打電話俾我...又有工開喇!!!!

今日一早7:00就去到LH P...

今日又見到好多新既朋友

華哥一到,,就認得我地,,真係好!!^^

齊人就搭 車立 上去8樓戲院

今日個導演好惡!!!狂爆粗!!!好彩無俾人鬧o者!!!

拍完戲院個埸戲...劉公公(王老虎)問我...

劉:頭先套戲好唔好睇?

我:下...咩戲丫?

劉:變節呀!!頭先你無睇咩?幾精彩丫!!!

我: = =...哦!!!精彩,,好精彩!!!(但一直都無播放過電影囉!!!)

之後,,我地就落B3上TVB廠車

上車既時候,,呀姐(汪明荃)讚我靚 >.<

聽完之後...O 哂嘴

第一站去將軍澳電視城

第一次踏足...但好似好細咁...兜個圈放低呀姐同化妝師

第二站去觀塘APM對面...

勁多人!!一落車見到佢地已經拍緊!!

有D都換埋金舖職員服裝

嘩...呢埸戲真係拍左好耐!!!

華哥不斷俾導演鬧...真可憐!!!!

今日見到呂慧儀、陳山聰、仲有兩個名人...

陳山聰著住"孖煙通"背心,,沖入金舖求婚

好多人係金舖門口睇,,俾導演狂爆粗鬧佢地!!!!哈哈...

11:30又搭返廠車返LH P食lunch...

我地同華哥講走先...所以少$10 >.<

不過,,等緊華哥拎錢俾我地既時候,,見到有個男人俾兩個"大耳x"拑實

唔俾佢走,,唉...真係慘!!!

之後,,返大窩口食lunch,,再返樂智!!!