原來人同人之間既相處，溝通真係好緊要！

一直以黎，我都以為妳好了解我，但係原來妳唔會成日都知我諗緊咩∼

好似今日咁，我叫妳同我去銅鑼灣，但係妳話妳好攰，所以就唔同我去，我個樣就即刻唔同哂∼妳就以為我因為咁而嬲左妳發妳脾氣！我認我係有唔岩，但係我唔係有心發妳脾氣，只不過係我呢個星期其實都好唔開心，我就係想同妳去下街，可以單獨同妳講！我以為妳會知我唔開心，但係妳同我講番，我唔同妳講妳真係會唔知我唔開心，妳話我可以打電話比妳同妳講，或者ｓｄ　ｅｍａｉｌ比妳，但係我又驚妳唔得閒，所以就冇打比妳！但係妳話妳知我真係好唔開心，妳忙極都一定會抽時間陪我傾計，睇完ｅｍａｉｌ之後都一定會覆番我∼

原來有好多野，我地大家都估估下，而唔講清楚既話，只會令大家有誤會發生！我又以為妳唔得閒，所以都冇同妳講過我唔開心，但係妳就以為我係因為妳今日唔陪我去街就發妳脾氣∼

我今日同Ｌｉｂｂｙ傾番既時候，佢話我唔同妳講，妳根本唔會知我咩事！佢有句野講得好岩，我剩係要妳關心我，咁又有邊個關心妳呢？妳呢個星期已經好忙好攰，但係我都冇關心過妳．

其實如果我地同對方講清楚，就唔會搞到好似今日咁！最後我打番比妳同妳講番我唔係有心發妳脾氣，同妳傾番就冇事喇＾＾之後妳都知我唔係真係有心發妳脾氣＾＾今日就係因為我唔同妳講，就令到妳唔開心，咁妳唔問我，我就以為妳唔理我，但係原來妳都唔知！所以以後我有唔開心既話，我都會第一時間打比妳或者ｓｄ　ｅｍａｉｌ比妳，唔會再好似今次咁