跟住呢幾日就係統測(ut)喇,未必會打到日記...
不過今次係ut前的日記

今日,彭穎彤冇番,搞到我地VA堂我四個人做果幅鑲嵌畫...
我偷望到有D組竟然亂咁整,最後果幅"畫"比阿SIR批左做...垃圾...要買過張膠黎做過,
我心諗...阿SIR叫你地做過都算比面你地啦,如果唔係~個個食蛋啦

TL果陣仲抵死...今日話整咩鮮奶薑汁燉蛋.
果個朱婆婆o係到周圍行,好似搵仔咁,講真,我想打死佢架!!
我地果個"作品"有兩碗係固體,有一碗係液體,我仲好記得果碗野果張碭紙係朱婆婆包既,可能因為咁而唔成功啦!!

唉...又要想呢個勁勁勁悶既中史堂,隻朱婆婆又o係到煩煩煩,搞到我想死呀...差d想拎起張檯掟佢呀...
果個咁既普通話堂又係咁...你快d殺左我算啦...

數學最抵死,阿sir叫我地自己溫書...但係我地個個都係唔知做咩咁...
我就o係到用果D斜網格畫公仔,之後又填顏色,
THEN比我地發現左何國彬O係到訓覺...我地同阿SIR講,阿SIR叫左人去同MISS LEUNG講,
MISS LEUNG叫阿SIR用電話影低...影完之後我地O係到笑佢至醒,笑到我差D瀨尿...

今日,我七點幾比阿嫲叫醒左,之後我咪嗱嗱淋洗臉換衫落去飲茶囉,
飲完茶就跟佢地番大陸喇......

我又食呢樣又食果樣咁,又買呢樣又買果樣咁,
好似好好收獲咁,其實...唔係架,全部野加埋都唔係好貴...
笑死左我!!

今日...要好乖咁o係屋企做功課
但係我一係就打機,一係就訓覺...
搞到一樣功課都做唔完
d功課,呢到做幾條,果到做幾條咁...

晏就果陣!!
好肚餓,我問左阿媽拎完錢之後就打比朱寶娜,
問佢陪唔陪我落街買野食
之後佢話肯,咁我地咪嗱嗱聲換衫落去囉!
我地行左天瑞,又行左去銀座...
行過去都唔知做乜...
之後我叫佢番去屋企果邊買野食...
之後就番左屋企喇!

今日我放左學之後,就走左去換衫打波!
到我地女丙打果陣,連打幾場...唔知點解!!
d男丙有d好矮,有d都算係高
之後又有d燈柱咁高既同我地打!仲要打幾場!
其實我落場果陣,我掂過個籃球"一次"咁多多...
真係無奈到極呀

今朝...我番學果陣行過7-11買左碗腸粉...點知...
點知番到去冇時間食,搞到要小息至食ar...

今日Mr.Wallenborn born又冇番,

點知有條荗丙話聽listening,同埋背poem
我頂佢...仲以為又有得做功課!!!!!

第二個小息果陣,Miss Leung走左上得話有同學講話要做果個...回力罐
原來大家都冇做到,得一兩組做左,
之後Miss Leung Leung話lunch至理,咁我地咪唔理住囉!
到之後lunch,佢話每組飲罐汽水去整果個"回力罐",咁~呢d咁"粗重"既工夫,緊係等我黎啦!
咁我咪嗱嗱聲食完個飯去飲汽水囉,等我洗完野番黎,罐汽水得番三分一,搞到我飲得一"膽"飲
我地果姐個個都有做野,係得果隻羅瑋靜o係到周圍行...唔知做乜春,野又唔做,就算呀其他人都會話~
比我試下丫~咁樣!!唉...你殺左我啦!!!!!!

到左sci果陣,組組都整到個罐出黎~我地本來"陸"唔到架...之後我咪好似擦野咁擦下張枱，哈哈．．．之後比我成功左∼
ya~傻人諗既野都有用呀!!!!!!!!!!!