今日上網居然見到梁亭,

自從分手到依家都好少o係網上面見到佢,

我好想知佢最近點??身體好嘛??

後來同佢傾左陣計,

佢講左d令我o左既野~!

唉~真係好掛住當日一齊既快樂日子><

亭,講d野比你知呀,

我尋日同女友分左手,有d唔開心,

我好想你o係我身邊,陪我過呢段傷心日子......

一寸相思一寸痛,至今我仲無法放底Creamy,仲一直掛住佢、愛佢,,,

戀愛既一切都係一個過程,唔係話收就收,

6年勒,人生有幾多個6年比我去愛一個人??

一向花心既我,願意耗盡光陰去等佢,就足以證明我有幾愛佢,

我愛得有幾傻、有幾真~!

曾經話過已經放底左佢,但依家又...??

人始終係唔誠實既動物,

話金錢係萬惡,但又搏命賺錢;

話高處不勝寒,但又不斷追名逐利;

話紅顏禍水,但又甘願置身其中,,,

我同佢既經歷過既每一幕回憶都好刻骨銘心,但最記得既,莫過於佢個friend莉莉既事。

當日莉莉昏迷入院,佢既心情跌落谷底,

而我就日日陪佢msn、傾電話......

記得當時佢問過我:「做咩仲對我咁好?咁樣我會依賴你架!!」

其時我冇答佢,但係答案早就顯而易見~!

因為我愛佢,就算散左,我都一樣咁愛佢,從未改變~!

對佢我只有無盡既思念、漫長既等待同埋至死不渝既溺愛!!

今日我地去日營,都算幾開心既...

返黎果陣,我不停反覆聽一首歌「我真的哭過」。

聽聽下果陣,我諗返起同Creamy既往事

我雙眼紅晒,漫漫連眼淚都冇力支撐,流落黎,,,

當時我真係好驚訝,我既眼淚唔係應該已經為佢而流乾勒咩??

點解一諗返起果陣,我個心依然仲係好痛、好痛??

唉~有時我真係唔知自己想點??我只知自己仲好愛佢。

我一向自命風流,但我竟然會愛一個女仔愛得咁深,真係好無奈><

不過我心知,就算我為佢再喊多幾多次,

佢都唔知,知都可能唔會理由~!

但就算係咁又點??我愛佢就預左受痛苦,

真犯賤。

我可以點?

今日係我同Creamy分手既第615日,615呢個號碼令我有d感觸,

因為我同佢第一次拍拖係o係6月15號架......

一路以黎我都唔願意o係彼此間劃上休止符,或者係我太愛佢既緣故勒??

以前拍拖果陣唔識珍惜佢,依家至黎後悔,諗落,我冇資格愛佢><

但依家我改變自己,為既只係想同佢重新開始、再續未了緣,可惜始終事與願違,,,

我成日教人分手,但其實自己先係最唔識分手既一個......

花左6年去愛一個人,結果得到既只係無盡既痛楚,

原來唔係愛過就識點去愛一個人架!!

唉~愛同時間一樣,唔會停留,

承受失戀,係愛過既人最痛既體驗~!

以前既我總係亂愛,邊個比到快樂我就同邊個一齊,

但回望果陣只得一段又一段既悲傷...

學識咩係愛之後,方發現一切都已經太遲,

如果可以時光倒流,返到舊時,你話幾好呢?

唔知大家覺唔覺呢愛是負累呢??

講真,我真係咁認為架,可能係因為我份人唔識愛人勒,

所以成日都拍拖拍到好快散,計一計都曾經同過30幾個女仔拍拖勒><

咁多年黎我都一直好愛好愛一個女仔 - Creamy,

六年勒,我足足愛左佢六年勒,但我都仲係放唔底佢。

愛一個人就應該學識放手呢一課,但我做唔到,真係做唔到,,,

呢幾年黎,好多謝各位朋友一旦有咩感情問題都會黎問我,

其實佢地點解認為我一定幫到佢??

um...大概因為我都係過來人勒。

雖然我成日幫人包傷口,但係能醫不自醫,我就唔識點幫自己包傷口,真係諷刺!

原來當你習慣性去愛一個人,你真係唔可以抽身架,

佢既一切一切都會成為左你生命中既一部份......

回眸往昔,我同Creamy都一齊過兩次,就算係散左,

我都依舊不斷等、一直等、係咁等,,,

因為我相信自己總有一日可以令佢明白到真正愛佢既男人,一直等緊佢!?

然而世界上有幾多戀人真係可以永遠一生一世??

最後.佢地最後咪又係各路,但係唔再見唔代表唔記得,

曾經快樂既回憶,一直都留住o係我地既心中。

分手,反而令自己知道自己曾經愛得有幾深,有幾傻??而對方有幾重要??

緣起不滅,所以結婚同拍拖既未必係你最愛果個,而分手亦唔等於無情~!

無錯,分手的確令人好痛心,但係亦都可以係愛既延續,,,

相戀同失戀,都係人生必經既階段,

一切只在乎你將佢視為戀愛墓碑定係必經既里程碑??

愛可能真係一種負累,但都係令人要學識珍惜愛侶,

要記住,你愛呢樣野,係冇得後悔架~!