唉~好不幸..*琴日都係去唔到睇戲..*

因為真係要車佢呀嫂隻狗去睇doctor..*

睇完doctor我地去左食野..*

我叫左一個雞冀_紅腸_五香肉丁_出前一丁公仔麵︶v︶

睇落去好細碗..*不過我係食唔晒架=p

d紅腸我淨係食左一舊..*

其餘既都係比晒我老公/0\v而老公就叫左個肉燥飯..*

又係超細碗..*唔係唔係..*

應該係話個碗好大..*但係d飯好少先岩=v="

老公話:我食4碗都唔夠0_0"呵呵~不過係真既..*

食完飯車左佢地(佢家姐&佢呀嫂)番去..*

我地就o係樓下等佢(老公)老豆過油..*

但係我地白白o係樓下食左1個鍾2個字既西北風..*

佢老豆先黎到=_="過完油我地上番2期買野飲買書..*

之後就歸家喇..*番家後又有一個好不幸@_@

而哩個不幸就係..*我部電話又病左>"<

仲要係患同上次一樣既病..*

好快咁打開個(芒)冇畫面..*慢慢開就有..*

但係一禁個制個畫面就會好似走馬燈咁

上下左右係咁轉..*轉到我眼都花@.@

我相信今次同上次一樣..*都係條菲林既問題..*

所以今晚接埋老公收工我地就會即刻帶部電話去睇doctor..*

而我亦都相信佢又要住番3-4晚醫院0___0"

老公係咁同我講:你捱埋今個月我下個月

買過部比你啦..*我知我知..*

但係..我真係唔忍心去唔要哩部電話..*

第1)哩部電話係上年生日老公送比我既!!

第2)我真係真係好鍾意哩部電話!!

我未試過咁鍾意一部電話..*

講真就算老公買左部新既電話比我..*

我都未必會即刻用..*同埋而家哩部機點壞都好..*

我都會盡力去整番好佢..*