點解我見到仔仔開始係咁瘦果陣唔帶佢睇醫生..*

到到而家見佢行唔到先黎帶, 我真係好後悔..*

今日見醫生果陣仔仔仲好冷靜..*

醫生計過條數:

診金$220、check內臟$900、check甲狀腺$350、驗血$400=$1870

醫生首先會幫佢抽血拎去驗..*

大約等左一個鐘, 報告出左..*

醫生話佢有腎衰竭, 情況都唔樂觀..*

醫生話而家得兩條路揀..*

一係就咁放棄佢, 二係比佢留院觀察三日..*

留院費用$900/日, 當然, 放棄佢係絕對冇可能既事..*

所以我決定比佢留院觀察..*

醫生話哩段期間睇下佢肯唔肯食野同埋個尿毒會唔會降返低..*

若果情況有好轉, 日後可以幫佢打皮下水、食藥同埋食特別配方既糧..*

但係如果情況冇變又或者仲差左既話..*

我明白不論人或動物都會經過生老病死..*

但係若果有咩事, 我真係200%唔捨得..*

仔仔陪左我13,4個年頭..*

由小學、中學、到我而家出黎做野, 佢都一直見證住..*

但係由我做野開始我慢慢少左理佢..*

我仲讀緊書既時候, 晚晚返到去都會攬住佢..*

唔知佢有冇嬲我呢?

其實我都發覺佢開始冇咁黐我, 變左黐我媽咪..*

我好希望佢可以原諒我哩個不負責任既主人..*

我亦希望佢今次可以平安渡過哩個難關..*

我別無他想, 只想我可以陪多佢幾年..*