首先我想講.......原來鞋店係極之有"挑戰性"架!!!!=口=我仲話休閒d...
招乎客人之餘..仲要入倉拎鞋..倉入面簡直是堆積如山.......睇number搵..但d鞋既number亂晒..有時就甘順住都未必搵到..
好高好高..好多時都要擔梯拎..有時企到梯既盡頭都未必拎到..
呢一日裡面..第一對我自己成功甘搵到既係122512既37..果種喜悅難以形容!!!(其實係我影低左所以先打到出黎..哈哈!!)
之後都開始熟手同埋熟"腳"..因為真係要企到好高..同埋好難拎..d貨逼到好埋..
仲要唔只出面見到果d..原來入面都有..所以要成堆甘拉開再搵..(本來覺得呢個"高空"動作好難..之後慢慢都ok..)
而最難最難..一搵到就好似見到曙光既係132501既26..呢對真係超高..企到梯既盡頭都仲拎唔到..(我手短= =)
最後係整跌晒其他鞋盒..仲要扭親條腰先拎到........哈哈!!所以好值得紀念..=\/=
呢一日入倉都係甘整親..對手都損晒...
招待客人就都係"歡迎光臨~隨便睇下!!"..."全場低至六折喎".."睇岩可以拎比你試下喎!!"..............呢幾句...
由10:00企到9:30..冇坐過呀!!!(坐一坐都會比人鬧)仲要入下倉...爬下高去拎野..我自己都冇嘜點停過~~~
雖然辛苦呀~~~但係有時d客都好好架!!有時又會有d bb撩我玩..d老人家又好親切..有對公公婆婆好搞笑..
自己做野愈黎愈純熟又有滿足感喎..其實個人做野方面都幾開心既!!!
(自己做果間得3個女仔..但對面都係分店!!有時我都會過去幫手)
不過..我冇做喇已經..點解呢???係人事方面有好多好多問題..
其實係我眼中好多人都係好人..真架!!靜係同我講句"早晨~"..或者問下我餓唔餓~~我份人好容易就睇人好好..
但係今日我真係上左好珍貴既一堂..哈哈..
一開頭佢地都冇教過我..之後就開店喇..問佢地又唔耐煩!!做錯又要鬧~~救命~~~~
我今日先黎!!我第一次做野..就算我之前做過..我都唔熟識間店既野..教又唔教..問又唔耐煩..做錯就鬧=口=
甘樣都冇咩問題..返工受氣都預左架喇..最多都係眼濕濕一陣..就冇野喇!!!
有時d客都會忍唔住幫我出頭..有個叔叔!!佢見到我比人黑面..同埋d同事語氣好差..
就話「睇佢就知岩岩出黎架啦..做咩下下黑晒面呀!!唔岩咪慢慢教囉..人地細路女黎架咋..」跟住對住我笑..
有個婆婆都係..(成日同個公公打情罵俏..好得意!!)個婆婆係我跟既..佢揀左3對鞋都想買既..甘我係甘幫佢拎碼la..
有一對佢想hold住..想買架喇!!點知我入倉拎另外一對鞋既時候..轉個頭就唔見左hold住果對..個婆婆都問我去左邊..
甘我周圍搵啦..我諗住可能d同事以為對鞋亂甘擺左係度甘..所以拎走左..甘我咪問下佢有冇見個鞋盒擺係度!!
佢勁差語氣甘講「你問我問邊個呀??」..點知後來真係佢拎左..婆婆見到係甘同我講對唔住..
又話「對唔住呀..搞到你甘尷尬...仲搞到你"比人鬧"」.."比人鬧"呢三個字語氣係重d..
之後仲有一對鞋婆婆要35號..甘我入去搵啦..順住晒都係搵唔到..甘我出番黎同個同事講..佢又黑晒面甘話"點會搵唔到?"
婆婆見到我眼濕濕..就話唔要喇..第三對鞋唔要喇!!!仲語氣好重甘同個同事講「唔洗你搵喇!!」..
跟住婆婆臨走仲同我講...「你做暑期工咋???唔好做呢d呀!!!又要受氣..d人好衰呀~~你做呢d盞晒呀!!」..
哈哈..個婆婆真係好可愛呀*
最後最後.....令到我想走既!!!係臨放工既時候..個經理又捉住我講..
「對面d女仔話你冇嘜點做野~~你單又冇嘜做過.....佢地話你反應唔夠快..好多野要推下先做..又成日發呆」..
對面d女仔??我靜係過左對面兩個鐘咋..甘都知??仲要果兩個鍾係佢地好好心甘係甘係甘話幫我..
次次有客問我..果d女仔都會過黎.."不如等我黎啦.."..搶完野做先黎話我冇做野!!
仲有d單..我依家先知原來會打邊個負責..其實我做過好多個客喇!!!係因為d女仔係我做到最後一個步驟..就話幫我..
仲有!!有個真係我跟開架喇..最後個步驟都冇人搶..但係個女仔問一問我.."yoyo你個number係咩呀?"佢地冇同我講過..
我唔知..之後佢話"甘冇野喇!!"所以我係做過好多單..但係電腦就一直冇紀錄過..
搶完單..仲要話我冇做野!!!經理就話唔知..經理成日唔係度..但我由頭忙到落尾..d女仔都見到!!佢地都係甘同經理講..
仲話我發呆..我都係冇嘜客既時候..先呆一呆..佢地都係甘發呆啦..有個仲同d fd傾計..傾成幾個鐘冇做野!!都係我做~
我聽到果下感受...真係好難受!!!我已經覺得自己好快上手...由一開頭爬高少少都驚..到之後可以爬到最高進行"高空工作"..
第一日同第一次黎講!!都已經好勁架喇~~~冇應同不特只..仲要係將我做既野都踐踏.."冇做過野~"
之後佢話會睇多我幾日..我就話.."唔洗睇多幾日喇!!我聽日唔返工架喇..我覺得份工唔岩我.."
我講既唔適合唔係我自己應付唔黎..我已經覺得自己OK架喇..冇問題!!!只不過係太受氣..又委屈!!
做野最緊要係開心..有時就算又辛苦又唔開心..但有意義都冇問題!!呢份工唔係~~所以唔做係岩既..
同呀肥一齊返屋企..佢都岩岩放工!!!呀肥話原來呢間鞋店人事真係好複雜..佢話佢有個同事之前都係果度做..
做左幾日就頂唔住..走左...我仲快~~~一日咋!!!!!
同呀肥分開左..D眼淚係甘黎...可能真的有點委屈了..係電話度又重覆左2次..講親都喊..
返到屋企媽咪見到都嚇親..又講左一次..佢地好激動...仲講下笑甘話去鞋店度"玩"..笑到我死呀~~~
媽咪即刻煮麵比我食..成日都冇食過野喇!!!第一餐呢....勁肚餓..
最後..臨訓前祈禱.....哈哈~~~多謝您呀!!!!!!!您既女兒今天上左一堂喇~~
不過您清楚我..因為點我都學唔到佢地一成架喇~~~就算學到咪又係自己辛苦..唯有防得就防啦...
凡事感恩我一直都明白..主您有您既心事!!
就算幾辛苦..對我黎講都唔係問題!!但係如果真係甘委屈自己..甘唔開心既~我真係唔想做落去..
尋晚好累...未試過訓教係唔會轉黎轉去..即刻訓左架!!哈哈..
今日對眼好腫..腫到好誇張..有d似咖啡貓..0口0哈哈!!
今日朝早又分開甘係電話講左3次..謝謝你們的關心吧=\/=
PS:板橋都請左我架!!!之後英皇都係~~~不過我都冇喇!!!唔搵喇~~靜番一個月!!呢個暑假好好玩下吧=\/=
願回憶一直存留〞願感情常伴左右
無 論 遇 著 困 苦 憂 愁 你 亦 會 在 我 身 邊
ｙo..＊
謝謝您.. 
