[[┌█..寧代我擔起苦愁　人心不必掛牽____

進入xanga

ｙo..＊

暱稱：Ｙo.. .＊
性別：女
國家：香港

MORE...

:: 最新訪客留言 ::

最近三個月尚無任何留言

:: 最新日記 ::

• xanga*

• 謝謝您..

• 弟兄姐妹彼此相愛*

• 12分精神!!!

• 蝙蝠俠

:: 我的連結 ::

• eman*xanga

• yｏ..相簿..

• 琁*xanga

• 一份天空..cit功課

• 美如*xanga

• 淺藍色的空瓶

• 領航一號

:: 我的好友 ::

a61017569

AR_BU

cwdevil

Edmond

lovechauyin

ro021135

sin_yungyung

siriusyuu520

tsewai3606

:: 最近訪客 ::

最近沒有訪客

2007 年 3 月 23 日星期五

日日運動身體好！！！

今日在家中...本來諗住早d起身溫書..點知晨咁早會冇心機溫架!??

去左睇問答比賽..小學組既時候見到聖公會聖提犘太小學..以前小學..

我仲話：「呢個肥仔咪之前同我一班既..」..邊有可能!?o嘴..

人有相似囉..不過我都係講下笑姐..=v=..

同靜x傾完電話啦..食完飯啦..同媽咪玩左一陣線上遊戲..

之後睇以前d日記..唉..以前同班八婆真係開心..而家要面對會考..

已經好少呢d時間..睇番以前d日記..真係每日都話笑到癲架..

我想回到過去呀~~~真係好想..

有一篇日記..

愛..是我生存在世上..最重要的理由..

上帝愛我..身邊的人愛我..

我愛上帝..愛身邊的人..

請我身邊的人..都不要逐個、逐步離開我..

「不好離棄我！」..

我..不敢..「對感情再次失望..」

從前曾對身邊愛過的朋友心淡過..曾嘗到「最愛的都會走..」..

今天希望從頭改變..

因為..現在伴我左右的人..都不再是「兒嬉」..

你們..都是我身邊的天使..

上帝..在任何時候..都在我身邊..我都感覺得到..

從來沒有感覺到祂離棄過我..

你們呢..？你們可以給我..「從來不離開我..」的感覺嗎..？

永遠都唔好離棄我..好嗎!?

知道我有做錯的時候..我有一時意氣說錯話時候..知錯了..

不好放棄我..這個朋友..好嗎!?彼此都不好離棄大家..

睇完日記..笑完..就要溫書喇~~

2007.3.24

我們的背影..在青草地..加風箏..加偷拍的潔ling..

佢偷拍左唔少..但不便公開..>.<

今日約左潔ling..zoe佢地9點去晨運..= ="""相信唔少人o嘴..

9點都係朝早啦..朝早去做運動..仲唔係晨運!?

因為尋晚我地講既時候..打比佢地..個個都訓晒教..

咁唯有我地一路去既時候..一路打比佢地..

打啦..個個都岩岩比電話嘈醒..個個都話唔想去..得西去..

秋x佢仲係咁笑..話我地低b-_-"""小玲就要去嘉年華..

靜x唔想出..美如都唔想出..wing就唔洗講..要考試..

佢諗住做下運動呀ma..早睡早起身體好啊!!各位阿姐!!!!!

我地3個去左濕地公園啦..等阿西黎..

我地食完早餐..就去左大草地..好令好令..令人好舒服..

坐底傾計..放風箏..點知比人話..唔放得..

不過佢好好人咁介紹我地去一個地方放..話好多人都係果度玩..

話好正..又冇咁多限制..佢話好快架咋..行20分鐘..-____-""

雖然話行多d都係運動姐..@@..我地都係等埋阿西先..

我地影下相..傾下計咁消磨時間..等埋阿西..

我地去左天澤果邊打羽毛球..做運動..

西好渣..打親個個都輸..哈哈..潔ling仲勁..0:10對zoe..

zoe10啦緊係..潔ling仲話西係佢接班人..呵呵!!^^

做完運動精神好多..之後就要努力啦..

不過會考..靜係讀書唔得架..運動加強記憶力..仲令身體健康d..

睇黎要多d出去做運動..順便呼吸埋新鮮的空氣..>v<

行到去到學校附近..因為廢事見到某d人..我地係公園轉左一陣..

暈下暈下咁返屋企！！！

下次..早d叫佢地出黎先..朝早比人嘈醒..無啦啦仲叫佢地去晨運..

就係講極都唔會想出黎囉..比我都唔會啦..

刊登時間︰2007-03-23 06:52 PM [ 訪客留言(2) ] [ 編輯日誌 ] [ 分享至FACEBOOK ]

« | 73 | 74 | 75 | 76 | 77 | 78 | 79 | 80 | 81 | 82 | ... | 182 | »

2007 年 3 月 22 日星期四

將榮耀歸於神！！

今日考人文..亦係mock既最後一科..可以說百感交集..

開心..興奮既係..可以暫時休息下..(仲有會考要衝)..

暫時唔洗過d唔知咩生活..好好休息..太辛苦了..

但唔開心既係..人文好難..好多題目都令我o嘴..

最難係中國果題..超難!!個個都話唔識..唉..咁玩野!?miss..

不過..會考可能仲難..年年都唔同..我睇番06年..我識做..

但07年既..可能唔識..唉..-__________-""""

令我感動既係..主既作為奇妙..

人文題題都要寫好多字..有d成版先一條..

支筆突然冇墨..拎左4支出黎..4支都冇墨..

有一支仲廢..係廢左好耐..我拎出黎扮下野..

點知都寫到好淺色墨..在心中默默祈禱..求主幫助..

當我諗住舉手同miss講之際..支筆愈寫愈有墨喎..

好開心啦..係咁寫..雖然最後都係做唔切..但都感謝神..

返到屋企..拎起支筆寫野..支筆又回復冇墨..

感恩！！將榮耀歸於神！！

呢幾日可以休息下..>v<..但唔可以忽略會考..

睇完秋篇留言..喂!!各位姐妹..因為讀書..好耐都冇出去玩..

幾時約埋..出去玩下呢!?好想齊人呀..

雖然我知好難..=~=..但我真係好想..

不過考完會考..一定要一齊玩n咁多日..

各奔前程之後一定要keep住聯絡..

你地唔搵我..我都會搵你地..^^

出左黎做野..比人情冷暖既社會逼到透唔到氣時..

諗番大家..一齊出黎傾下..一定會開心番..

到時..我地要仍然天真..即使工作既時候要被逼戴面具做人..

但答應我..當我地又聚埋一齊既時候..讓自己休息一下..

真咁做番自己..因為係朋友堆裡面..

永遠沒有埋怨自己的人..永遠沒有憎恨自己的人..

是不會針對對方缺點..只會包容的朋友..

刊登時間︰2007-03-22 08:44 PM [ 訪客留言(0) ] [ 編輯日誌 ] [ 分享至FACEBOOK ]

« | 73 | 74 | 75 | 76 | 77 | 78 | 79 | 80 | 81 | 82 | ... | 182 | »

2007 年 3 月 21 日星期三

突然看到、想到回憶……

今日本來諗住早d起身溫人文..哈..身係起到..仲好早添..
細妹起身返學..我就起身..咁早都唔知做咩!?
成朝發呆..拎晒人文筆記出黎..望住發呆..
(阿媽:估唔到你咁勁..唔揭筆記都溫到..)= ="""
之後同西..靜x講左好耐野..咩都講一餐..

講完就開左電腦..西on左添..上日記啦..見到秋個留言..
嗯..笑呀..我成日都笑架啦..同你地一齊就係囉..
有d野擺o係心度..冇講比任何人知..或者根本唔需要講..
只要繼續同朋友、家人一齊有講有笑..

食完飯..睇完金玉滿堂..又拎筆記出黎..
睇網上日記同本日記簿..日誌睇到我係咁笑..因為大多係開心野..
惹笑野..有時發覺自己打d野都幾幽默..^^呵呵
仲有..發覺每一篇日記..都代表自己思想成熟左..
好多日記都有好大得著..待人處事..人生道理..學習..夢想..珍惜等等
也許每一天..每一秒都有得著..使我成長..慚愧過失..
睇日記簿..尋日寫左一篇落去..不過係用鉛筆寫..
因為我知道呢d感覺只係短暫性..好快就唔會..
遲d一定會刪去呢篇日記..我深信..
睇睇下日記..無啦啦搵到我小學既「寶盒』..擺左好多小學既野..

好多回憶..班相、級相..
睇畢業證書..我記得我流過眼淚落去呢張證書度架..
估唔到而家睇番..我竟然仲有想喊既感覺..
無辦法..當年同學之間相處得太開心..張sir..miss江對我地太好..
望住風紀帶..哈哈..諗起以前我負責站崗睇既果班小二學生添..
佢地而家中1啦..係學校我都見過幾個..
仲有紀念冊..一張張同學比既..老師既..

張sir張野既其中一句：

「很難忘在畢業營時的片段，你的眼淚代表了老師與學生間的友誼是永固的。」

哈..記得畢業營果晚..我喊到收唔到聲..喊左好耐..好耐..連訓教..我都係喊住訓..
細路女真係細路女..阿sir..我而家堅強左好多..
f.1遇到排斥事件..我第一時間同張sir講..
阿sir打左成篇野比我..(佢既長篇道理=口=")
內容大概係「人愈大遇到既問題會愈黎愈多..你要面對..但遇到呢d事..
就會令自己愈黎愈堅強..人唔可以永遠都軟弱..所以呢d問題係鍛鍊人既堅強..」
大概係咁啦..其實好大篇..最衰自己又好似del左..@@
也許老師你說得對..人總要從問題中成長吧！？
我覺得..5年喇..轉眼間畢業左5年..中五喇..做左17年人喇..經過好多事..
大個女左唔少..6年班識到而家既fd話我..而家大個女左..冇以前咁眼淺..
以前我比人印象就係..大喊包..咩都喊一餐..開心又喊..傷心又喊..
比d男仔整親又喊..永遠都要人安慰啦..諗落都幾麻煩..-v-""

回憶左好多野喇..睇黎跟住都要把握番現在..(人文..=~=要溫啦..今日點都)

回憶以前..把握現在..向將來前進！！！！！

珍惜眼前人..亦要不忘回憶中有過的舊人..

感謝主..凡事讓我感恩..

主看顧了我..17年..還有會繼續保守永遠..

我要繼續努力存好快樂的回憶..求主保守!!

故事..(miss yip講的)

從前有個家庭主婦..她每一天行過窗口都會取笑對面的家庭主婦..

:「這個家庭主婦如何洗衣物的!?衣服永遠都有污積!?哈哈」

如是者..每天如是.......「她真髒..」不斷取笑對面的家庭主婦及罵她..「不懂得做家務..」

有一天..她有朋友來到她家作客..她便對她朋友說:「你看!!都說的啦..今天是綠色的衣服有污積..」

她的朋友是一位非常細心的人..於是她朋友笑了一笑..拿起抹布..把窗戶的污積抹去..

原來不是對面的衣物有污積..是這位取笑人的主婦窗戶有污積..

故事係帶出..人永遠冇辦法見到自己既不足..只會不斷鬧人地既不是..

其實..到最後..可笑既只會係該故事的主角..

刊登時間︰2007-03-21 05:06 PM [ 訪客留言(1) ] [ 編輯日誌 ] [ 分享至FACEBOOK ]

« | 73 | 74 | 75 | 76 | 77 | 78 | 79 | 80 | 81 | 82 | ... | 182 | »

）●±珍惜這友誼﹏將彼此也{-放於心裏]___﹎﹡'

﹋﹎△把每一份真摰友誼藏在心中⊕﹌℅■〃

.!|-` '◆校園每一個角落╳×.....
+*!!|:|都珍藏著我們的友情↑＊。

｝★`}-在旁[*陪伴摯友].. 渡幾多春與秋 ﹡互送安慰仍樂透.,!||!|!