[[┌█..寧代我擔起苦愁　人心不必掛牽____

進入xanga

ｙo..＊

暱稱：Ｙo.. .＊
性別：女
國家：香港

MORE...

:: 最新訪客留言 ::

最近三個月尚無任何留言

:: 最新日記 ::

• xanga*

• 謝謝您..

• 弟兄姐妹彼此相愛*

• 12分精神!!!

• 蝙蝠俠

:: 我的連結 ::

• eman*xanga

• yｏ..相簿..

• 琁*xanga

• 一份天空..cit功課

• 美如*xanga

• 淺藍色的空瓶

• 領航一號

:: 我的好友 ::

a61017569

AR_BU

cwdevil

Edmond

lovechauyin

ro021135

sin_yungyung

siriusyuu520

tsewai3606

:: 最近訪客 ::

最近沒有訪客

2006 年 9 月 30 日星期六

ｂb計劃..

尋晚同秋燕傾計..到左夜晚夢見秋燕打左句..「你唔講清楚..唔將人地放o係眼內..係錯..」

..←類似咁既說話啦..朝早果時諗起..覺得自己錯..想改下佢..唔好再當呢d事係事不關己..

點知原來呢個想法維持得唔耐..而家又唔想理..= =""..始終覺得唔關自己事..

但係好似..又係一個對自己既勸告~

今朝返左學校..探望做art既佢地..辛苦晒!!我都唔係冇野做..我把口唔停囉..

係咁同佢地傾計..等佢地冇咁悶..>v<我真係偉大..！！！呵呵~

傾計傾到唔係幾想走..不過到11點幾..真係要走喇..仲要買野返去..

買壽司返去食..^^食完之後..搞左d相一陣..就出左去..同琁去睇寶貝計劃..

笑片黎既..好笑既地方都ok好笑..但感人既地方..搞到我係咁喊..

我仲隱隱約約聽到我隔離果個悽厲既喊聲..佢仲用左好多張紙巾..= =""

好好睇呀..個bb好得意..>v<真係好得意..好可愛..對眼好令..好精靈..

佢仲好識做戲添..>v<..

這世界如此顛沛

看見你可愛到流淚　忘了自己疲憊

寶貝　寶貝　愛你一輩

睇完之後..就同琁行左一陣..陪佢去食野..就返屋企喇..

出到去落雨..初初落得唔大..後尾愈落愈大..避左一陣雨..就淋雨走返屋企..

返到屋企同細佬睇相..之後整相..食飯..食完之後又整相..整完就睇惡作劇之吻..

今日果集好感人..>~<今晚有音樂會睇..yeah!!!yeah!!yeah!!

做功課做到11點就有得睇喇..^^

一個藝人只係一個夢想..而做到藝人之後既夢想係做到一套歌舞劇黎小結一下..

有音樂、有歌、有舞、有戲劇..仲可以肯定一下自己既演藝實力..

始終對住朋友、親人或者佢既自己係最真架..

仍然相信..或許周圍好多人帶住假面目..但唯獨呢一班人係對我最真..

首先相信”愛”..

秋燕同西尋日比我既果幅畫同題字..真係幾感動架..>v<..

我們一起..攜手去到未來..

周圍的人分不清真與假..只有你們..一直深信身邊的你們.."請不要離開我.."

刊登時間︰2006-09-30 09:26 PM [ 訪客留言(2) ] [ 編輯日誌 ] [ 分享至FACEBOOK ]

« | 97 | 98 | 99 | 100 | 101 | 102 | 103 | 104 | 105 | 106 | ... | 182 | »

2006 年 9 月 28 日星期四

無憾

寶貝計劃聽日上喇..！！！！！！！！！！！！！！！！

等左好耐喇..終於都到9.29喇..睇左咁耐劇情預告、製作特輯..同埋個ｍv..

要等到禮拜六咋..就有得睇..有人陪我睇呀..!!^^琁同wing都想睇..

正片黎架..今年「威尼斯電視展」開幕電影..

劇情故事好吸引..仲重要係男主角..matthew..好靚仔呀..>v<

好可愛..好得意..對眼好精靈好令..好想睇..

http://rob-b-hood.jce.com.hk/入面有叫"爸媽的話"既mv..睇下啦..真係好可愛架..！！

---

講番今日先..好眼訓呀..今日..今日既喊路頻頻咁打架..不過冇數過..=~=

今日第一堂係中文堂..miss尋日病左冇番學..要我地做語譯..

今日miss返左黎..不過把聲好似就死得咁..聽到都覺得佢辛苦..所以我好專心聽..

唔好枉費miss既教導...之後geog堂..好野..!!阿sir唔記得帶卷上黎..唔洗測..>v<..

之後中史堂..中史堂..真係好眼訓..完全冇心機上..公民就好似多左堂空堂咁..

lunchtime..同果班友一齊食飯..食完就去左圖書館..好想睇本大音樂小故事..就借左喇..

其實呢d故事..o係以前f.3學綜合音樂課程都讀過既..仲記得下學期都有流行音樂探究..

不過前者講以前音樂..後者講現代d既..諗起以前f.3學既綜合藝術科都係好開心既..

因為都係自己喜歡既野..戲劇..音樂..數碼藝術..布藝..廣播劇製作..比上其他堂專心啦..

仲可以唔洗考試都可以好高分添..=v=..f.3既成績表最好睇..因為有好多80、90..哈哈..

對音樂..真係好喜歡..最遺憾..細細個放棄左學鋼琴..可以話..有少少少少少少天份架..

不過細個唔懂事..因為唔捱得..有少少辛苦..就輕易咁放棄左..

唔講喇..其實我想學番..不過咁大個先黎學.................= ="""唔知要學到幾時!?

琴已經唔o係到..加上而家又冇咁多錢買..所以都係得個諗字架咋..^^

完左個小息之後就上英文堂..真係好想快d完架..因為真係超.......$!$%$^

上兩堂數學..數學堂好d..好快就捱過左..好奇怪..miss叫左小班既人..

竟然冇我份..我再數番..其實我應該有份架..不過變左明明o係我前面既人拉左落去..

變左我就唔洗..麗儀見我覺得驚訝..佢對我笑左一笑..點都好..可以留低聽miss講書..

我真係覺得好開心..由細到大..每一個老師同我講數學..我都唔明..但麗儀係第一個..

記住個夢..「考試既時候..腦要清晰..心要定..」^^miss報夢比我架..

放學搞回條同埋錢既野..真係好麻煩..我搞到個頭好暈..

咁大個女都未試過搞d咁複雜既野..收到我傻左..胡遠通比左50蚊我..要找番10蚊..

點知我仲話佢唔夠..爭10蚊..= =++..睇黎我真係痴左線..>~<

搞店d數終於都可以同班友一齊做數喇..不過佢地已經差唔多做完..= =""

我同志文一齊企o係度做..幾浪漫!?=v=..佢走左之後就自己做lｕ..

wing黎左..大家一齊做數..做完就傾下計走lｕ..依蚊落左去綠社既野..

阿wing、靜x、琁、秋燕、牙西..一齊..每日同朋友一齊..每一日..每一刻都開心..幸福..

仲有zoe同潔ling呀~

返到屋企..一路食飯一路同屋企人傾計..好幸福呀..！！！>v<..

仲有..我最寶貝既..細佬..答應我..健康幸福咁成長..姐姐永遠都陪住你身邊..

感謝主..！！夜裡唔開心都感覺到你..主..感謝你賜我感性..

本來好憎咁易喊既自己..不過記得..感性係演員必需要架..所以感謝主..

讀好書..真係只想自己考完會考係無愧於心..

其實我最想既...唔係繼續讀書..

刊登時間︰2006-09-28 08:44 PM [ 訪客留言(0) ] [ 編輯日誌 ] [ 分享至FACEBOOK ]

« | 97 | 98 | 99 | 100 | 101 | 102 | 103 | 104 | 105 | 106 | ... | 182 | »

2006 年 9 月 27 日星期三

屬於單戀者的一份幸福

今日..除左地理堂test..數學堂..之外..其他堂都謝晒..= =""完全冇晒鬥志..

特別係英文堂..我真係已經好努力咁想聽..不過真係盡晒力都聽唔入腦..

yip sir教書真係好悶..望望周圍既人..都已經訓左喇..

其實我有諗過..如果鄺老師教書..我一定記晒入腦..因為佢講過既每一句說話..我都記得..

我覺得奇怪架..點解會真係每一句都咁記得清楚既!?

雖然今日上堂悶左D..但都好開心..^^因為身邊有呢一班朋友仔..

今日小息先搞笑..永儀過黎同我傾傾下計..比佢發現左我唔理左好耐既頭髮..

之後佢係咁幫我整番好佢..嘉琁、秋燕又係到幫手..=V=..個過程好搞笑..

梳都斷左５支..=口="好好笑..

上堂同靜ｘ..琁..依蚊佢地講下野、笑下咁過..英文堂同西西..秋燕一齊..

食飯就會見到潔ling..zoe..今日都成日見到wing..

放左學..我同秋去左canteen搞戲劇學會招會員..其實只係貼晒d寫住戲劇學會紙..

就坐o係度..做自己既功課..應成左家誠咋..

做完數學..擺好數學書上班房..仲見到西同靜x..

之後果一台就多左梁炳..劍fa..同子光..大家一齊傾下計咁..

佢地圍繞既主題都係愛情、學業同埋夢想..

梁炳等緊一個女仔..同我一樣..都係單戀者..亦同我一樣..已經放棄擁有呢一個人..

真正既愛係希望擁有..但唔執著擁有..

但我放棄擁有..但唔代表我同梁炳會放棄..因為我地始終都係放唔低..

好似今日永儀咁講..你會放得低咩!?講真..我真係唔會..但唔放棄唔代表仲執著..

大家一齊係咁講..至於秋燕呢..其實佢都仲好迷茫..究竟佢愛既係邊個!?

其實..你愛既係...................我地..!!哈哈..

感情兩字有幾重..大概就像天空那樣重..

記住..愛情只係感情既其中一種..因為仲有友情..親情..

講到5點幾就黎6點..就走lu..同秋燕..子光88左之後..

我都有梁炳既個同路人..本身我同佢住同一座架..仲有劍華..

同梁炳講感情事真係好好傾..因為我同佢都好似..

佢話..見到個女仔結左婚..生埋bb..佢會好開心..

嗯..如果到佢結婚果時..我一定要去..因為我一定會好開心..^^覺得好幸福..

原來..呢d就係屬於單戀者既幸福..

講真..行過學校某一d角落..聽到某一d說話..發生某一d野..

只要有少少同你有關連既..我都會第一時間諗起..

第一時間諗起..

好似秋燕咁話..係當某一樣重要既野突然冇左..自己先會懂得珍惜..

但我地而家既友誼..我會而家好好努力珍惜..

我擁有既親情、友情都會好好珍惜..將你放埋入友情果度..^^

真正的已經當你是朋友..

而愛情..等我考好個會考先算啦..>v<當然而家連夢想都拋開一邊去考試..

..之後考到演藝或者傳藝、搵我既夢想途中..出現先算啦..

果時又冇所謂..只要..搵到既果一個..唔係玩..係真心既..

唔好比我..受傷..

刊登時間︰2006-09-27 07:07 PM [ 訪客留言(0) ] [ 編輯日誌 ] [ 分享至FACEBOOK ]

« | 97 | 98 | 99 | 100 | 101 | 102 | 103 | 104 | 105 | 106 | ... | 182 | »

）●±珍惜這友誼﹏將彼此也{-放於心裏]___﹎﹡'

﹋﹎△把每一份真摰友誼藏在心中⊕﹌℅■〃

.!|-` '◆校園每一個角落╳×.....
+*!!|:|都珍藏著我們的友情↑＊。

｝★`}-在旁[*陪伴摯友].. 渡幾多春與秋 ﹡互送安慰仍樂透.,!||!|!