2006 年 12 月 28 日  星期四  

我既願望係~~世界上每個人都生活得開開心心

真係個大轉變

以前既細佬~~而家既細佬...........唔同左

以前既佢好好仔~~唔食煙有飲酒不過戒左

而家既佢又食煙又飲酒.........而且我都知佢搵左人上人地個日記玩野

雖然唔知玩左咩野~~但係真係個好大既轉變

我想要既係以前既細佬唔係而家既細佬

講下自己近排既事先la~~近排同阿豪都好俾心機做野

雖然少左見面.............不過都唔會令到我地之間既感情減少

e幾日得閒既時候都會同阿豪出去玩下~~又會同細佬玩下咁

聖誕節大家點過?開唔開心?我就好開心lu

同阿豪一齊總有一種好舒服既感覺.............唔知小嵐同細佬一齊係咪都係咁

最後祝各位聖誕快樂~~新年進步la

2006 年 10 月 22 日  星期日  

我既願望係~~世界上每個人都生活得開開心心

好耐冇打日記lu~~因為一直都忙到透唔到氣~~今日比較得閒la

不過都冇咩野打~~上堂教授講既課程~~功課同報告就有好多~~不過冇理由打出黎架嘛

咁除左d忙既野都有d開心既事~~我就黎搬出去住lu.........唔知細佬會唔會都搬埋出黎同我住

都幾好架~~我地兩姐弟感情咁好~~如果我自己一個搬出去會唔捨得~~不過可能對細佬黎講唔方便

不過都係到時先算la@@~~講下近排既生活狀況la~~每次我有堂要上..........阿豪都黎接我去上堂la

咁到我落左堂之後都會去食下野~~之後去行下街咁~~到左夜晚有時同佢出埋飯先返..........有時就帶佢返屋企食

好似細佬同小嵐咁~~咁食完飯都會做下功課~~睇下筆記........但係就成日都搞到3點幾先訓得~~不過都值得既

讀埋個課程之後~~出黎做野都好好多~~所以希望細佬讀書可以keep住或者再更加進步~~同小嵐既感情就愈黎愈好la

今日打住咁多先~~因為又係時候準備黎緊果堂既題目lu

2006 年 9 月 21 日  星期四  

我既願望係~~世界上每個人都生活得開開心心

e排比較忙~~冇打日記~~今日就打返la

小嵐上黎住e幾日~~我間中都會做電燈膽~~哈哈..........其實係同小嵐傾下計姐

同佢傾計~~佢講左好多關於佢自己同細佬既事俾我知

見到佢地而家咁開心~~我都放心左好多lu~~而我自己既問題都解決左~~我都唔洗再煩

我同阿天,阿豪之間既問題~~最後我既決定就係揀阿豪

因為阿天傷左我~~我唔會再揀佢~~一天都光哂la^^

2006 年 9 月 9 日  星期六  

我既願望係~~世界上每個人都生活得開開心心

又係一個落雨既日子~~個天係到喊~~同時我都係到喊緊

阿天........我仲以為你忘記左我~~但係琴日你搵返我~~果一刻有種唔識形容既心情

但係我唔知應該點做好..........因為我地之間多左一個人~~佢就係阿豪(梁展豪)

我唔知點做好~~一個阿天一個阿豪............你地對我都係咁好~~阿天我就驚會再次傷心收場

阿豪佢雖然有幾方面都好過阿天............但係~~對佢冇果d感覺...........而家好煩惱好煩惱

有三個選擇

1, 揀阿天

2, 揀阿豪

3, 兩個都唔揀

好想有人俾到意見我~~馬騮,師妹,阿朗,熹,高佬,恩,細佬............仲有好多好多既fd子們

幫幫我~~俾d意見我...........究竟我應該點做先岩?

2006 年 9 月 3 日  星期日  

我既願望係~~世界上每個人都生活得開開心心

細佬e幾日都好唔痴家~~以下係佢唔痴家既例子~~哈哈^^

1. 9月1日早餐唔係屋企食

2. 9月1日返左學唔返屋企食lunch

3. 9月1日晚餐唔係屋企食

4. 9月2日一早走出街~~早餐又唔係屋企食

5. 9月2日晚餐又唔係屋企食

6. 9月3日零晨聽完個聽話之後好心急咁換哂衫走出街

7. 9月3日零晨出左去之後冇再返屋企

8. 9月3日早餐/lunch冇返屋企食

9. 9月3日4點幾先返到屋企

以上都係真實個案~~哈哈~~因為冇野打所以搵細佬d野黎打~~細佬唔好嬲我呀=3=

ps:對唔住呀~~出賣左細佬~~不過同小嵐一齊咁開心...........都唔會嬲我la^^