| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2006 年 11 月 23 日 星期四  |
|
對腳真的好痛...  |
|
今日好早就起左身啦,同阿玲&Cindy去唱k,
本身諗住唔去既話就會係屋企做功課,同睇綠光森林,
唉!!!!睇無咁耐,仲未睇完啊!!!!
我地可以唱三個鐘,阿玲因為要返學校參觀污水處理廠,所以走先,
我地跟住就去左搵埋阿鳳去藍田。
行左都幾耐,買左個冷俾阿婷,
果個阿婷叫佢去又唔去!!!!
你腳痛,我唔係咩!!!難得今日放假嘛。
應該出去行下嫁嘛,跟住落黎果兩個星期都唔得閒嫁啦。
阿玲放左果陣仲黎左搵我地,見到佢阿鳳係咁係度笑,
搞到大家都係咁係度笑,哈哈!!!!!
玲阿,我睇你,下次真係要改髮型囉!
如果唔係我驚阿鳳會笑傻左...
唉!!!!都唔明點解今年咁怪既,星期二,三就陸運會,
星期四放假,星期五又要返學,好麻煩啊...
唔想返學啊...聽日仲要有數學小測,
唔係驚咩啊,我驚佢d英文咋!!!!
依家諗番起,真係好想佢中一果陣已經用英文教,
我地依家唔駛咁辛苦背啊!!!!
今晚無教好訓囉!!!!!!!!好驚驚啊!!!!!
|
|
 刊登時間︰2006-11-23 10:02 PM [ 訪客留言(0) ] [ 編輯日誌 ] [ 分享至FACEBOOK ]
|
2006 年 11 月 22 日 星期三  |
|
| 陸運會完滿結束!!!!! |
|
今朝俾琴日早d起身,去左阿珍個姑姐間鋪食早餐,
哈哈!!!!真係幸福啊!!可以飲到阿珍親手窄既橙汁!!!! 食到好飽飽啊。
見到d爆憎既野,仲要好驚驚!!!!
好早就要比賽啦,係我跑果陣d雨愈落愈大,
真係好慘,跑住黎淋雨,差d成身濕,
對死人釘鞋真係俾佢激死,本身已經夠爆黑我憎嫁啦嘛,
仲要搞到我對物都濕埋,臭死人啦。
爆核突啊對鞋,學校係唔係咁無錢啊,囉呢d鞋出黎借俾人,樣衰死啦。
今次跑得無琴日咁辛苦,仲好恢復狀態,上去幫手拍樽,
跟住起勢咁落雨,阿珍就可以等一陣先去跑,
阿珍好叻啊!!!!!跑第二名,囉左個銀牌,好勁啊!!!!珍珍!!!!
不過佢太用力跑啦,搞到勁唔舒服,好彩後來都無咩事唔駛入院。
不過我對腳就報銷,三日,三日啊,三日後先至會無事!
我地今年田徑隊好似無以前咁勁,女仔今年跑第二,
男仔今年仲要第三,噢!!!!!蒙民偉今年咁勁既!!!!
lunch果陣因為阿婷要留抵操,所以我地係運動場食,
哈哈!!!!隻雞腿真係好好味啊!!!!!!
跟住就睇四社排lala隊。好整啊!!!!
下午主要就係800米,3000米...
帶d人拍樽,真係爆辛苦,唔怪之佢地今日唔帶啦,
琴日真係辛苦哂!!!!依家雙手差d起水泡...
拍到無力,嗌到無氣...仲有d手震震...
不過咁辛苦係值得嫁,今年又係我地John House囉最佳士氣...YEAH!!!
最靠大家都一條心,以一直領前既狀態囉埋已經七年無囉過既全場總冠軍!!!!
大家都好開心......雖然lala隊囉第二,佢地Blue House囉第一名!!!!差三分咋!!!
唉!!!!我以為Red House or Green House囉第一嫁嘛!!!!
誰知俾Blue House囉左,個個人都覺得好唔公平...不過算啦!!!!
佢地咁索,條裙又短,仲有除埋衫,正爆啦!!!!!
陸運會完滿結束,四社既激鬥暫時一段落,
所有既因社際而產生既問題,亦會消失!!!!!!!
倚靠著你既肩,心裏湧出一種好好好幸福既感覺!!!
希望每次靠著你既肩既時候,都會有呢種感覺既出現...
|
|
刊登時間︰2006-11-22 06:40 PM [ 訪客留言(0) ] [ 編輯日誌 ] [ 分享至FACEBOOK ]
|
| 2006 年 11 月 21 日 星期二 |
|
陸運會啦...  |
|
今日勁早就起身,出門口果陣天都未光,
真係勁唔想著成套運動衫,無奈同阿珍講左會著,
好唔襯啊!!!!勁樣衰,都唔明點解咁多人投呢件風褸嫁!
岩岩開始果陣只係掛住拍樽,唔記得左要去跳遠,
阿婷又見我唔到,搞到我遲左咁多,
我無諗過會贏過,所以唔理佢有無出界,照跳,
跳完就要去四百米,唉!!!!爆後悔今年參加左囉,
真係寧願一百包尾,都唔想跑四百!!!!
聽日仲有決賽啊...算,我聽日慢慢黎,就算包尾,都有兩分囉。
跑完之後上左看台坐,可能真係吹到風啦,
搞到好想嘔,好彩見到ms黃咋,去左醫療室休息,
果度d人真係好好嫁,所以休息左幾個字就無事,上返去!!!!
拍樽拍到隻手紅哂都幾痛嫁!!唉!!今年準備左好少樽,
本身諗住用果d棒棒嫁嘛,但會漏氣同好細聲...
今年d f.1真係勁唔掂,雖然ms呂贊我地好有士氣,
但佢地都唔用力拍樽,好擔心會囉唔到士氣獎啊!
我地上午既成績唔錯,暫時領先七十分之多,
雖然唔知聽日會點,但真係已經好開心啦!!
全場總冠軍有望啦!!!黃社加油!!!!
阿玲今日去留抵綠社,所以得我地三個去食lunch,我地去到好遠啊!
去到牛池灣既大家樂食...見到mr廖自己一個食咋bor,唔知佢老婆去左邊呢?!
食完lunch之後,雨一直落過唔停,雖然六十米都有跑,
不過d雨水實在太大,所以之後既比賽都取消,我地可以放學啦!!
d雨愈黎愈大,仲掛起黃雨添,個個都濕哂,不過我有風褸所以唔係好濕!!!
劍劍,你真係要小心身體啊!
今日全身都濕哂!!!著多件衫啦!!!!
你要好好咁愛惜自己既身體至得嫁,
你唔愛惜,仲有邊個會愛惜你既身體呢!
|
|
刊登時間︰2006-11-21 06:55 PM [ 訪客留言(0) ] [ 編輯日誌 ] [ 分享至FACEBOOK ]
|
| 2006 年 11 月 20 日 星期一 |
|
| 好失落... |
|
今日成日都係度擔心放學之後既中文統測,好彩唔難…
放學...啦啦隊,唉!!!今日既啦啦隊真係好唔得,算啦,至在參與姐。
好期待藍社既除衫啊,我今日見到藍社除衫啊!今次又會俾人串啦。 黃社加油啊!!!!!!!!!
今日我地相處既時間就只有十幾分鐘,唉!!!點解,點解啊!
點解我會咁可憐嫁,明明想念卻見唔到面!
為什麼,明明你就是喜歡他,卻不承認,難道我們真的不值得你的信任,令你不肯承認!
|
|
刊登時間︰2006-11-21 06:00 PM [ 訪客留言(0) ] [ 編輯日誌 ] [ 分享至FACEBOOK ]
|
| 2006 年 11 月 19 日 星期日 |
|
電腦壞左...  |
|
無得玩電腦......
本身我要上網搵資料作文嫁,
依家只好作,係老作!!!!
作到我就快死,
仲要有好多功課未做,
下午又俾阿媽拉左去觀塘,行死我啦!!!!!
最憎就係出觀塘嫁啦,又唔係未去過,我日日都去嫁啦,
我就黎痴線嫁啦!!!!!!!!!!!!!拎野又拎死人啦!!!
仲搞到我有d頭暈添!!!!!!!!!!
|
|
刊登時間︰2006-11-21 05:43 PM [ 訪客留言(0) ] [ 編輯日誌 ] [ 分享至FACEBOOK ]
|
« | 48 | 49 | 50 | 51 | 52 | 53 | 54 | 55 | 56 | 57 | ... | 92 | »
|
