英文堂,成左一堂,第二堂原來ms係俾我地用黎作文嫁,
唉呀!!!我無作到啊!!!今晚作死我到都得啦....
數學派左之前ch.5 & 簡單幾何既測卷啦,
唉!!!!!得果33分咋!!!爆無奈,都係自己唔小心啦,睇錯題...
嘩!!!!上數學堂真係嚇死我啦,因為之前上英文堂開左部電話,
嘩!!!!!個電話無端端係度震,好彩果時無人知咋...嚇到我個心都係黎跳出黎...
哼哼,我以後都唔開電話啦(上堂果陣)!!!!!!!

嘩!!!今日上物理聽一個超驚訝既消息...
鳴...冤狂啊!!!!!希望肥曾會幫我解釋俾佢聽啦...
唔係就真係跳入黃河都洗唔清啊!!!
仲有,希望某人唔好咁八,竟然叫肥曾講我d野俾佢聽,
肥曾好了解我咩,同佢又唔熟!!!!!真係啊!!!

噢!放學果陣去左搵ms鍾,佢話去camp我地要分開啊!!!!
呀!!!如果無得同佢地同組,唉!咁就真係去唔去都罷!!!
哼!!!佢話我地琴日去尖沙咀係乘機出夜街,
邊有喎,我都唔想去嫁...如果唔係視藝要我地去,真係請我都唔去...

之後同Tracy & 阿婷陪阿珍 & 阿玲去配眼鏡,
第一間揀唔岩,話要去過第二間,因為今晚超唔得閒,有好多功課,
勁多報告聽日要交,仲有聽日要世史測驗,通識考試...
唉!!!!今晚都唔知幾多點先可以訓...

講真...我依家都係唔係好知應該點做,
我個心竟然有一個天使同一個惡魔,
天使教我原諒你,惡魔叫我教訓你...
嘻!好難決擇啊!!!!!!

自我主義-----
我痛恨我主義者既主義精神,
佢地做咩都係以自己為先,其他人為後,
做咩都可以唔理其他人既感受,
以前我就係呢種個人主義者,
依家,我已經唔再係啦,
因為我係被傷害果個......
從前我身邊只有一個自我主義者,但依家又好似多左一個,
令我所受既傷害增加...
不過我長大啦,學懂左體諒其他人,
會企係人地既角度諗...所以我都明白點解佢地會係自我主義者...
但從來只會諗自己,咁樣好易令自己身邊既人離開自己...

現在的我-----
好軟弱:對住你,以前果個堅強既我唔知去左邊...
真的害怕受傷:只要每次諗到可能會被你傷害,都好驚,好驚...所以我會選擇逃避...
成日傻笑:只不過係用笑黎掩飾我內心既傷痛...
已經係被傷害果個:如果人地對我好,我係會知嫁,人對我好,我會對番佢好;
如果佢傷害我,我唔對佢好嫁...你話我對你淡哂...
只不過係你成日用你既行動或係你既語言上,令我覺得你對我淡左,
所以我先會對你淡d...我只不過係一個睇人做人既人...

    刊登時間︰2006-11-28 06:08 PM    [ 訪客留言(0) ] [ 編輯日誌 ] [ 分享至FACEBOOK ]         

今日上堂既時間無咩特別...
不過今日既英文都ok好,因為ms黃同我地講笑...
lunch果陣要好早返到課室,練歌...好聽啊!!!!!

今日成日都好等待放學去尖沙咀既活動,
等左成日終於放學啦,
等因為果個阿鏡同阿玲都係要五點幾先放,
所以我地五個人就上左去Tracy屋企,
嘩!!!!!佢屋企好靚嫁,又大bor!!!!!
美中不足既係因濕氣太重,所以間屋有好多臭味!!!!
Tracy揀衫揀左好耐,跟住我同阿鳳就落去下面剪頭髮,
剪左個男仔頭(雖然不嬲都係)不過依家仲要勁d...=.="
算啦!!!!幾好啊!(我覺得)
跟住又落番去觀塘join埋阿鏡同阿玲搭地鐵去尖沙咀。
阿鳳同阿玲行得好慢啊!搞到我地成日要停低等佢地...
一路大家都好好玩,好搞野...同果個阿鏡唔係好熟,
所以都係係度笑佢同Tracy...^.^

搵左勁耐先搵到果度,真係激死啊,
學校都唔知有無搞錯嫁,印又印得唔清楚,
搞到我地搵左成幾個字先搵到,曬哂我d時間...
去到果度我地首先抄左d野先,跟住就慢慢欣賞果度d作品,
全場都睇過之後,我地就上多一層,
上去上面影相...
果度有兩塊紙板中間有個洞,張個頭擺係個洞度影相,好好笑...好搞野...

我地係度叫Tracy同阿鏡影相...
擺d勁搞野既動作,下次真係要張d相擺係呢度至得,
等大家都可以好好咁欣賞一番...
八點鐘果度山門啦,我地七個人去左尖沙咀海傍,
係果度叫果d人幫我地影相,
後面個背景靚,哈...好彩我地都唔弱姐!!!!!
阿鏡仲同Tracy合照...唉唷!!!!真係恨死隔離啊!!!!!

鳴...係搭車返屋企果陣俾人鬧電話黎鬧左一大餐,
搞到我搭車果陣down哂...仲要爆肚餓,
餓左勁耐...鳴...真係好可憐啊!!!!
返到屋企又鬧...鳴...好慘啊!!!!!
以後想出街都幾難囉...仲要話唔幫我簽去camp張回條,
哼!!!!都係阿媽好...幫我叫阿爸幫我簽!!!!
哈哈!!!!!!!所以又無事啦!!!
只要以後出少d街......我一定唔會再成日出街嫁啦!!!!!
不過佢地真係好衰,一日到黑只係識用錢用大我,
不過無計,鬼叫我又受咩。

    刊登時間︰2006-11-27 10:16 PM    [ 訪客留言(0) ] [ 編輯日誌 ] [ 分享至FACEBOOK ]         

今日同阿劍去左佢個fd(翔仔)屋企(係阿婷屋企樓下)
話打邊爐喎,但去到之後有幾個連阿劍都唔識既男仔,
其實真係勁無奈,係翔仔屋企都無咩做,係度睇雜誌(幾好睇嫁)
個個都好無聊,無奈!!!!!
跟住阿劍佢叫我去搵阿婷,好彩阿婷屋企又無咩人,
得細細佬係度,所以我可以上去佢屋企...

果個翔仔屋企好靚,好大...不過好亂,
話係男仔屋企bor,我覺得男仔定女仔好似無咩關係,
亂就係亂嫁啦,(我屋企都夠亂嫁啦)

係阿婷屋企咪又係無野好做...
阿婷拿左小學d相同記念冊俾我睇,
笑死我啦!!!"你有無肚腩嫁,我覺得你個肚有少少肥。"嘻嘻...

你今日係車度果句野"只要係同鐘意既人一齊,做咩都無所謂"
應該係我同你講,你琴日話如果得我地兩個一齊去街,會好悶,
其實只要係你一齊,悶都無咩所謂,
不過今日都唔係同你一齊...
唉!!!!你今日叫我走果陣,我真係覺得好難過嫁!!!
明明係你叫人地出街嫁嘛,跟住又叫人地走...

我今日食左勁少野...
返到屋企之後又只係食左一啖飯...食左真係好似無食到咁,
搞到依家又有d肚餓...

    刊登時間︰2006-11-26 07:28 PM    [ 訪客留言(0) ] [ 編輯日誌 ] [ 分享至FACEBOOK ]         

今日好早就起身出去賣旗...
有人話因為我地今日既果個機構無咩人識,
所以有d人聽到係"香港影視明星體育協會慈善基金有限公司"
就即刻話唔買...=.="無奈啊!!!!!
唉!!!!個旗袋真係幾重嫁,我賣左成三個幾鐘都係賣左五張咋!!
果個阿珍,佢賣左成八張,佢仲要遲我地成個鐘至開始...
好勁啊!!!!佢真係好熱心嫁!!!!
ms鍾叫我地下次一人帶一個阿珍既面具,咁會賣得好d喎!!!

跟住我地去左新都城,陪阿鳳買校服,阿玲本身話陪阿鳳,
但佢又話唔得,搞到...不過阿鳳好大方既!!!!
我話阿鳳好有面,一個人去買校服,我地成五個人陪佢去!!!
買完本身話去阿劍間鋪食野,不過佢地又唔想去,
所以去左係隔離既麥記,我無食啊,都唔肚餓,
係九點幾先食完,無可能係兩個鐘之後又食嫁!!!

跟住我地去左行一陣...到我覺得肚餓啦,
今次我地真係去左阿劍間鋪度食野,
勁飽啊!佢地都有食啊!!!!!
佢地都幾勁嫁,差唔多每兩個鐘就食一次...

大家都食到好飽,所以我地就行返我屋企啦...
途中見到約五隻狗,佢地三個都好驚,
係度嗌...阿鳳同zoe行左先...
搞到得我一個同佢地三個...好彩d狗對我地無咩威脅!
我呢度附近真係有好多狗隻既出沒嫁!!!!
好彩我唔驚狗嫁姐!!!!!!!

返到屋企,本身話睇<綠光森林>嫁嘛,
但唔知邊個話想睇<流星花園>
雖然<流星花園>我都睇過五,六次,不過我地都係照睇,
真係幾好睇嫁!!!!!!
我以後都唔要同阿珍一齊睇佢已經睇左既戲,
佢好似d預告片咁係咁係度講!!!真係俾佢激死啊!

多謝朋友們,你地既關心,我真係感受到啊!!!!!
THANK YOU!!!!

    刊登時間︰2006-11-26 06:20 PM    [ 訪客留言(0) ] [ 編輯日誌 ] [ 分享至FACEBOOK ]         

今日上中文堂果陣,以為ms鍾無返,其實就係去左幫ms呂,
搞到我地無得上ms鍾堂,今日係佢既生日黎嫁嘛!!!!!
都唔知有無搞錯,仲有既係,搞到我地要做評估,好彩都唔難姐!!!
真係有d掛住佢既感覺啊...ms鍾...

ms鍾生日快樂啊!祝你愈黎愈靚,早日結婚!!!!^.^

今日上PE堂果陣,要跑七分鐘,今次我好醒啊,慢慢跑,
跑左七個圈...好累啊!!不過隻腳反而唔痛,
可能係血液循環好啦!!~.~
好肚餓啊!!lunch食左好多野啊!!!
好飽飽囉......

數學test啊,有一題真係唔識啊,
其他都ok啦,希望唔會好低啊,
今次真係無咩信心...
我要好好咁溫返不等式至得,唔係遲d既UT都唔知點死...

今日既初級周會,主題係:兩性搖搖板
個講者好幽默嫁,所以氣氛好好,
不過mr陳係最後鬧人,全場靜哂,好彩唔係鬧我地班咋,
唔係遲d實俾ms陳/mr葉鬧...

跟住就去拿旗袋,旗...
見到ms鍾,同佢講生日快樂...佢今日著得好靚啊!
係屋企果陣,同阿劍見到勁多我地學校既人...好多都係識既...^.^

返到屋企之後,食左你琴日俾我既朱古力,
真係好好sweet,甜到入心,不過好似有d甜得濟...
本身已經夠甜,依家食埋d朱古力,
噢!!!!!甜死人囉...

    刊登時間︰2006-11-24 05:56 PM    [ 訪客留言(0) ] [ 編輯日誌 ] [ 分享至FACEBOOK ]