今日同凱妮好搞野,上數學堂,
大家都好眼訓,都又唔希望訓著,
所以我地就話唔可以抬住個頭,
其實唔抬住,真係無咁眼訓嫁...
所以我地兩個今日上數學堂都無訓到!!!!好叻啊!!!!

今日有兩科既試卷都派番,
通識我就49/60,麻麻地啦,
英文就...哈,死左,都預左嫁啦!!!!!
我:37/100唔合格,不過佢有三份卷,我兩份合格,
得Usage唔合格...好似俾以前好左d啦bor!!!!!^.^

上英文堂真係勁搞野...第一堂就派卷啦,
ms黃差d喊左出黎。跟住我地又係度講笑...
第二堂就係ERS堂,勁多人調左位...
所以我地調左,佢地坐埋左一齊傾十七號果日d野...=.="
我就同細徽看蛋糕書,嘩!!!!好yummy...yummy啊!!!!!
不過無得食!!!!!阿鏡真係幸福啊,
星期一就有蛋糕食啦~~~~~^.^

放學留低幫手整壁報,不過等左勁多d野先買到番黎,
所以搞到我地無所事事...

唉!!!我真係唔知我仲可以點做囉,
明明應承左我嫁嘛,
但依家又轉"太",我真係覺得勁無奈...
我可以點姐,你都決定左啦,
我可以話唔咩,
我明明好嬲你,但你都決定左,我真係唔知可以點,
廢事一陣又俾人話關我咩事啦!!!!!!

不過,都係好失落!!!!!!!!!!!

    刊登時間︰2006-12-08 08:04 PM    [ 訪客留言(0) ] [ 編輯日誌 ] [ 分享至FACEBOOK ]         

今朝mr葉問我地邊個人平時上堂果陣有份send SMS,
哈!!!只有一個有膽認,=.="
算啦,不過都唔關我事...
不過都俾佢嚇親,仲以為佢會搜書包...

上音樂堂又係度練歌...
唉!!!!!練到好悶啦,因為都識背囉!!!!!!
個ms今日好似惡左d...
Suki真係要好努力咁練琴囉,
因為佢依家仲唔係好熟手...
好驚會出醜...(擔心中)

上英文堂...我今日終於無訓到啦,
哈!!!!仲以為ms黃今日會派卷添...
原來佢仲未改完...真係慢...
只好等下個星期一啦!!!!!!

今明兩日都無ms鍾堂...(唔開心)
好鬼掛住佢啊!!!!!!
今日上數學又俾人叫名啦,
唉!!!!好失敗啊......
啊!!!!!我以為都唔要訓教啊!!!!!!

放學我地留左係課室等到五點去補習,
痴線嫁!!!!有兩個癲婆係度跳舞,
救命啊,笑死我啦,最衰今日無帶相機啦!!!!!
唔係我一定影底啊!!!!!=.="
我地好似開大食會咁...哈哈!!!!!!YUMMY...
某人,好似自閉咁,真係幾想去同佢講野,不過都係算啦!!!!人地又唔睬我!!!!

今日已經尾二果次既補習,哈...
不過聽左個好震驚既消息,原來果$240,
諗住係家長日先俾番我地,唉!!!!今次無啦,
錢啊...錢啊...無啦!!!!!!無啦!!!!!!!

今日同左好多人MSN,其實係有好多人一齊MSN,
哈......真係俾阿婷&Cindy激死!!!!!!!
又係度亂講野...令我諗番起佢地今日畫左張"六角戀"既圖俾我睇,
真係無奈...九唔搭八...哼~~~~~你地真係大膽!!!!!

激死我啦...家姐又話今日返黎,點知,
又話唔記得左帶條電腦線,
唉!!!!!...跟住自己又嬲左我,仲搞到阿媽都嬲埋我,
阿媽仲差d想打我(其實佢都算打左我),鳴...
無奈啊!!!!!其實你地一d都無諗過我既想法,
你地知唔知我好難做嫁,
一個叫我唔好講,一個又叫我講,
講,又話我衰...
唔講,又話我反骨,叫我以後問家姐拿錢,
唉!!!!!真係勁無奈!!!!!鳴...

    刊登時間︰2006-12-07 08:04 PM    [ 訪客留言(0) ] [ 編輯日誌 ] [ 分享至FACEBOOK ]         

今日勁搞笑,早讀果陣,
有人部電話出發左信息既聲音,
其實當時好靜嫁,
不過兩個班主任仲係聽唔到!!!!!!=.="(無奈)

唔知點解,今日上既好多堂都覺得好眼訓,
差唔多堂堂都係度訓...
勁搞笑...上英文果陣,明明落堂,其實我係聽到落堂聲,
但我就聽唔到ms黃叫我地起立,(正在夢中)所以佢就問我係度做咩,
唉!!!!無奈啊!!!!我仲係度諗緊野!!!!
今年英文既平時分一定好低,我成日上英文都係度訓...
其實我都唔想嫁,但真係好眼訓!!!!其實琴晚我已經係十點半就上床訓嫁啦!!!!
但仍然覺得上堂好眼訓,其實係普通話堂仲誇張,成半班人扒左係張桌度!!!!!

今日我地上中文堂又係好專心咁上堂,
ms鍾無端端行過黎我後面個位同學仔既隔離,伸出手
原來係我後面果個同學仔係度搞佢部手機,
噢!!!!真係慘啦,被人收左部手機...(勁心涼)
部手機同阿珍果部係一樣嫁!!!!!
不過,一樣都無用,都係被人收左!!!!!
有人問我,係唔係我告佢,
佢都傻既,當時我仲同緊佢傾計,同做功課,
邊度得閒告佢!!!!!同埋,我都唔知佢玩緊啦!!!
就算知,我又無俾暗號ms鍾,如果佢咁都知,咁ms鍾一定係同我心靈相通。

lunch,見到mr葉,叫埋佢同我地一齊食,
唔知點解果個男班長自己會坐埋黎!!!!???真係搞野!!!!
不過mr葉叫我地下次叫埋佢一齊食,廢事搞到佢好似自己無端端坐埋黎!!!!!^^
其實佢都幾好人既,好彩物理堂有佢咋,如果唔係我d 筆記都唔知點算好!!!!
坐我附近果d人都唔係上堂既!!!!
依家我地班有兩對情侶,佢地上上下堂無端端調左位!!!!>.<

放學果陣,係canteen度畫視藝,
阿婷去左拿相,哈哈...好開心啊!!!!終於有相啦!!!!!
開心死佢啦!!!!嘻!成日都係我面前提起阿俊,
無計,鬼叫阿俊咁鬼靚仔咩!!!!!呀!唔係,應該係靚女至岩!!!!

聽日要交視藝,我仲未上色,
生物果兩張工作紙又未做,
仲有數學功課!!!!唉!今日真係幾忙!!!!!

今日阿珍拿左佢條電腦線俾我,
不過係返到屋企之後先知,唔岩size
所以依家要等家姐聽晚返黎拿番條電腦線返黎,
先可以張去camp d相擺入電腦度!

    刊登時間︰2006-12-06 06:37 PM    [ 訪客留言(0) ] [ 編輯日誌 ] [ 分享至FACEBOOK ]         

今日係早讀果陣,我同阿婷都俾ms陳叫左出去問野,
其實都係問d好簡單既問題,
而且d問題有d無聊添!!!!!
總言之,果個人就投訴我地上中文堂成日傾計,
依家ms陳叫我連休息既時間,都唔好傾...真係勁無聊...

中文堂,又好搞笑...
ms鍾問我地點解今日咁乖,個個人都係度抄筆記,
跟住,有人答,我地乖d唔好咩!/咁我地嘈d囉...
ms鍾真係可愛啊!!!!問埋d咁既野!!!!

今日我地要統測經濟,
真係好興幸自己上經濟果陣好留心,
所以今日既測驗都算ok!!!!!!

今日lunch叫埋ms鍾同我地一齊食...
果個男班長又無端端自己坐埋黎...哼~~~~~^.^
佢仲要衰到只係請阿婷飲野,
阿珍無...佢本身兩個都有應承嫁嘛!!!!
跟住我地就上左課室練歌,
mr葉葉好惡啊!!!!不過都係d人衰姐...

今日竟然會係一年一度既音樂會...
o哂嘴啊!!!!!完全都無哂舊年音樂節既feel
唉!!!!最衰都係因為ms施走左啦,
搞到我地今年既音樂會咁差...=.="
真係俾d人笑死,根本就唔岩唱個首歌既人,就唔好唱啦,
一係就唱唔到,一係就走音,唉!!!!
真係笑又唔係,唔笑又唔係啊!!!!!!

放學之後,好努力咁做diary,
因為如果唔在四點三之前交既話就會俾人記手冊,
所以ms鍾一路開會,我就一路做...^^
我地開會開到五點鐘...
覺得自己好失敗,竟然令阿劍等左我咁耐,
點知我仲未走得,要去幫阿媽拿野,
唉!!!!跟住佢地又話去食野,果個阿珍餓到胃痛,
所以我地去左麥記食野...嘩!!!!我地成九個人去,真係好似"襯虛"
之後,Tracy同阿鏡走左先,我地幾個人就去左曬相,
曬左之後都成六點三...搞到返到屋企又俾阿媽鬧...=.="

我一定要的起心肝,好好咁做哂我應該要做既野,

唔係都唔知點面對將來既里程!!!!!!

    刊登時間︰2006-12-05 07:39 PM    [ 訪客留言(0) ] [ 編輯日誌 ] [ 分享至FACEBOOK ]         

今日如常咁起身,不過得自己一個返學,
阿劍話琴日去行山,好累,唔返學bor!!!!!

今日真係幾凍......
好彩我拿埋件風褸,廢事凍,
如果病左,我會覺得好慘,
起碼要辛苦成個星期......

有d人我真係覺得佢好搞笑...
小家,又似女人...唉!!!!!兩個字,無奈。

嘩!!!!上數學堂果陣好眼訓,
俾ms陳嗌左兩次,
不過...真係好鬼累...
但我地今日又教新野...
怎麼辦呢,我驚唔識......

因為黎緊既2,3,4,5都要係學校練歌,
所以我地今日食好d去左麥記,
如果成個星期都係學校食,
我諗大家都會痴線...

上物理...個阿sir真係好搞野...
佢講既野,成日都會俾人串...
我就同肥曾係度分享去camp既野,
佢又下佢以前去camp既野...
不過佢果d會搞笑d!!!!!
又俾人蝦啦...死人頭,推我個頭...仲要咁大力。
哼!!!!下次你就死~~~~~~

放學好趕咁去做世史...
做到5點先走得人...
跟住我地就去左陪阿玲&阿珍拿眼鏡,
拿左好耐,6點先可以返屋企...
打日記打死我啦,打左勁耐,
跟住又要down MSN,
哈!!!!我依家可以玩到啦!!!!!
好 開心.......其實咁我就死啦,
因為我今日只係掛住玩電腦到十點幾仲未開始做功課!!!!!
本身都諗住將去camp d相整入部腦度,
不過條電腦線俾家姐拿左,
所以整唔到,聽日先整!!!!!
有d相好搞笑嫁.....不過我覺得有d片段無影到,就真係無奈左d!!!!!!!
噢!!!!!!依家要好好好努力咁去做功課啦!!!!!!

    刊登時間︰2006-12-04 10:41 PM    [ 訪客留言(0) ] [ 編輯日誌 ] [ 分享至FACEBOOK ]